गलातियों 5:25 - Garhwali

²⁵ अर अगर हमतै पवित्र आत्मा का द्‍वारा नयू जीवन मिल्यूं च, त हमतै वेका मुताबिक चलण भि चयेणु।

गढवली नयो नियम

²⁵ किलैकि पिता परमेश्वर की पवित्र आत्मा ल हम तैं एक नयो जीवन दींनि, इलै हम तैं अपड़ा जीवन तैं पवित्र आत्मा की अगुवे का अनुसार जींण चयणु च।

गलातियों 5:25 Referans Kwoze

गलातियों 5:16

मगर मि तुमतै बतै देन्दु, कि तुम पवित्र आत्मा तैं अपणा जीवन मा काम करण द्‍या। तब तुम सरील की इच्छा तैं कभि भि पूरु नि करिल्या।

यूहन्ना 6:63

अर जीवन देण वळु त परमेस्वर को आत्मा च, पर सरील बटि कुई फैदा नि होन्दु। अर जु बात मिन तुम मा बुलिनी, वु सब परमेस्वर की आत्मा बटि अईं छिन, अर जीवन देण वळी भि छिन।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

2 कुरिन्थि 3:6

अर या बात सच्‍च च कि परमेस्वर न हमतै ये काबिल बणै, कि हम नया कानून का सेवक बणा। अर नयू कानून कै लिख्यां कानून का रुप मा ना, बल्किन मा पवित्र आत्मा का द्‍वारा पूरु होन्दु। किलैकि लिख्यां कानून का द्‍वारा मौत की सजा औन्दी, मगर पवित्र आत्मा का द्‍वारा हमतै सदनि को जीवन मिलदु।

1 पतरस 4:6

अर ईं वजै से ही यीशु मसीह का पिछनै चलण वळा लोगु न वेका बारा मा शुभ समाचार को परचार कैरी, जु कि अब मोरि गैनी, अर भले ही पिता परमेस्वर न ऊंको न्याय कैरी अर वु सब भि आम मनखियों की तरौं ही मोरि गैनी, मगर पिता परमेस्वर का पवित्र आत्मा न ऊंतैं सदनि को जीवन दिनी।

रोमियों 8:10

अर अगर जु यीशु मसीह को सभौ तुम मा वास करदु, अब चै तुमरो सरील पाप की वजै से मोरि भि किलै नि जौ, फिर भि पवित्र आत्मा तुमतै सदनि को जीवन द्‍यालु, किलैकि तुमुन बिस्वास कैरी अर पिता परमेस्वर की नजर मा धरमी ठैरि ग्यां।

1 कुरिन्थि 15:45

इलै पिता परमेस्वर का वचन मा भि इन लिख्यूं च कि, “पैलु मनखि आदम ज्यून्दु पराणी बणि।” मगर आखिरी मनखि याने की यीशु मसीह लोगु तैं पवित्र आत्मा का द्‍वारा सदनि को जीवन देन्दु।

दिब्य दरस 11:11

मगर सढ़े तीन दिन का बाद परमेस्वर न ऊंका सरील मा जीवन की सांस फूकी दिनी, अर ऊ अपणा खुटों पर खड़ा ह्‍वे गैनी। तब जु लोग ऊंतैं दिखण छा ऊं सभ्यों पर बड़ु खौफ ऐ गै।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।