गलातियों 5:23 - Garhwali

²³ दीन सभौ रखण, अर खुद तैं अपणा वस मा रखण, यों सब बातों को विरोध करण खुणि कुई भि नियम-कानून नि च।

गढवली नयो नियम

²³ नम्रता अर सयंम च; इन कुई भि व्यवस्था नि च जु यूं बातों का विरोध करदी हो।

गलातियों 5:23 Referans Kwoze

1 तीमुथियुस 1:9

अर हम यू भि जणद्‍यां, कि परमेस्वर का नियम-कानून धरमी लोगु खुणि नि दिये गैनी, पर ऊं लोगु खुणि दिये गैनी जु लोग नियम-कानूनों तैं नि मणदिन, अर अधिकारी लोगु की बात नि मणदिन, परमेस्वर को आदर-सम्मान नि करदिन, पाप करदिन, दुष्‍ट जीवन जीण वळा छिन, अर परमेस्वर की बातों तैं नि मणदिन, अर ब्वे-बबों तैं जान से मरण वळा, अर हत्या भि करदिन।

खास चेलों 24:25

अर जब पौलुस धरमी जीवन जीण का बारा मा, अर खुद तैं अपणा वश मा रखण का बारा मा, अर औण वळा न्याय का बारा मा बतौणु छौ, त फेलिक्स डौऽरी गै अर वेन बोलि, “अभि तू इख बटि चलि जा, अगर मौका मिललु त मि तुमतै बुलाणु खुणि रैबार भेजि द्‍यूलु।”

तीतुस 2:2

अर बुढ्या लोगु तैं तू इन समझौ कि ऊंको सभौ शान्त अर खुद पर काबू रखण वळु होण चयेणु। अर वु गम्भीर, अर समझदार अर प्यार करण वळु हो, अर ऊ बिस्वास मा अर सबर रखण मा भि मजबूत हो।

तीतुस 1:8

पर उ त मैमानों की सेवा-भगत करण वळु, अर भलै तैं पसन्द करण वळु, सबर रखण वळु, ठिक न्याय करण वळु हो, अर खुद पर वस रखण वळु, अर पवित्र हो।

1 कुरिन्थि 9:25

अर हरेक उ मनखि जु दौड़ मा सामिल होण चान्दु, पैलि उ भौत मेनत करदु अर अपणी हरेक इच्छा तैं मरदु अर यू सब कुछ त उ जीतणु खुणि करदु, ताकि उ जीत का इनाम तैं पै सैको जैन एक दिन नास ह्‍वे जाण। मगर मि तुमतै बतै देन्दु कि हम बिस्वासी लोग सब कुछ पिता परमेस्वर खुणि करद्‍यां अर हमतै इन्द्रयो इनाम मिलण जैको नास कभि नि होण।

गलातियों 5:18

अर अगर जु तुम पवित्र आत्मा का मुताबिक जीवन जिन्द्‍यां, त फिर तुम नियम-कानूनों का अधीन नि छाँ।