गलातियों 5:21 - Garhwali

²¹ अर खार खाण, दरोळया होण, गुलछरा उड़ौण, अर इन्‍नि और भि बात छिन। अर अभि भि मि तुमतै यों सब बातों का बारा मा उन्‍नि चितौणु छौं जन मिन तुमतै पैलि चितै छौ, कि जु लोग इन्द्रया काम करदिन वु परमेस्वर का राज का हकदार नि होला।

गढवली नयो नियम

²¹ एक-हैंका का प्रति जलन रखदींनि, उ पियक्कड़ (नशा मा) हवे जयदींनि, उ, ऊं दावतों मा जंदींनि जख लोग अपड़ी भूख तैं अपड़ा काबू मा नि रखि सकदींनि, अर उ इन कै दुसरा सभि बुरा काम करदींनि। मि तुम तैं चितांणु छो जु मिल तुम तैं पैली भि चितै छो, कि इन-इन कामों तैं कन वला पिता परमेश्वर का राज्य का वारिस नि होला।

गलातियों 5:21 Referans Kwoze

रोमियों 13:13

अर हमरु सभौ दिन का उज्याळा का जन हो। हाँ, जन दिन को उज्याळु सभ्यों पर चमकदु, ठिक उन्‍नि हमरु सभौ भि हो ताकि वेका द्‍वारा हम सब लोगु खुणि अच्छु सभौ वळा बणि जा। अर नऽ त हमतै मौज-मस्ती करण चयेणी, अर ना ही हमतै नसा करण वळु होण चयेणु। अर नऽ त हमतै गळत सम्बन्ध रखण चयेणा, अर ना भोग-बिलास करण चयेणु, अर नऽ त हमतै कै का दगड़ा मा लड़ै-झगड़ा करण चयेणा, अर ना ही हमतै एक-दुसरा तैं देखि के जलत्यौण चयेणु।

रोमियों 8:13

किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

इफिसुस 5:18

अर झान्‍झियों की तरौं दारु नि घतौळा, किलैकि यां से जीवन बरबाद ह्‍वे जनदिन, पर तुम पवित्र आत्मा की ताकत से भरपूर होन्दी जा।

1 कुरिन्थि 5:11

अर यू सब बतौणु खुणि ही मि तुम खुणि इन लिखणु छौं, कि तुमतै इन्द्रया लोगु का दगड़ा मा मेल-जोल नि रखण चयेणु, जु खुद तैं मसीह का लोग बतौन्दिन, मगर दुसरो का दगड़ा मा गळत सम्बन्ध रखदिन, या लालची छिन, अर मूरत पूजा या गळी देण वळा छिन, या फिर दरोळया, दुसरो तैं धोखा देण वळा छिन। अरे, मि तुमतै बतै देन्दु कि इन्द्रया लोगु का दगड़ा मा खाणुक खाण भि छोड़ि द्‍या।

दिब्य दरस 21:27

अर कुई भि अशुद्ध चीज, अर ना ही कुई इन्द्रयो मनखि जु कि इन्द्रया काम करदु हो ज्यां से की घिण अऽ, या झूठ्‍ठ बुल्दु हो इन्द्रया लोग वेमा कभि दाखिल नि ह्‍वे सकला। मगर जौं को नौ जीवन की किताब मा लिख्यां छिन उई लोग वेमा दाखिल होला, अर या किताब यीशु मसीह की च जु कि मेम्‍ना की तरौं बलिदान ह्‍वे गै।

1 पतरस 4:3

किलैकि तुम लोगु न पैलि अपणा जीवन तैं दुनियां का लोगु का दगड़ा मा मिली के बुरी इच्छाओं तैं पूरु करण मा भौत बरबाद कैरियाली, जन कि भोग-बिलास, हवस, दरोळया होण, अर दुनियां की रंगरेलीयों मा, घतोलि-घतोलि के दारु पीण मा, अर मूरत पूजा करण जु कि इन्द्रया काम छिन जौं से की पिता परमेस्वर तैं घिण औन्दी, अर तुम भि पैलि इन्‍नि कामों मा लग्यां रौन्दा छा।

कुलुसी 3:6

अर यों ही बातों की वजै से पिता परमेस्वर को परकोप लोगु पर पोड़दु।

1 थिस्सलुनीकी 5:7

किलैकि जु सिण वळा छिन ऊंकी आदत राति सिंणे की होन्दी, अर जु दारु पीण वळा छिन ऊंकी आदत जादातर राति ही दारु पीणे की होन्दी।

1 कुरिन्थि 15:50

हे मेरा भै-बैंणो, यू हड़गा, मांस अर ल्वे का ये सरील तैं लेके हम परमेस्वर का राज मा इन नि जै सकद्‍यां। अर इन मि इलै बोन्‍नु छौं, किलैकि हमरु यू सरील ईं दुनियां को च जैन नास ह्‍वे जाण, पर स्वर्गीय सरील को नास नि होण वेन हमेसा तक रौण।

दिब्य दरस 22:15

मगर नीच काम करण वळा, जादु-टोंणा करण वळा अर गळत सम्बन्ध रखण वळा, हत्या अर मूरत की पूजा करण वळा, अर झूठ्‍ठ बुलण वळा सब नगर से भैर ही राला।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

लूका 21:34

इलै चौकस रा, कखि तुम भि दुनियां का भोग-बिलास मा, दरोळया होण मा, अर जीवन की चिन्ता-फिकर कैरिके अपणा मन तैं यों बातों का भार से दबै नि द्‍या। अर वु दिन एक जाल की तरौं तुम पर अचानक से ऐ जालु।

इब्रानी 13:4

ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

2 थिस्सलुनीकी 2:5

अर जब मि तुमरा दगड़ा मा छौ, त यू सब बात मिन तुमतै बतै छै, क्या वु तुमतै याद नि च?