गलातियों 5:13 - Garhwali

¹³ हे मेरा भै-बैंणो, तुमतै आजादी को जीवन जीणु खुणि बुलये गै। अर ईं आजादी को इस्तेमाल तुम अपणा सरील की इच्छा तैं पूरि करणु खुणि नि लगा, बल्किन मा ईं आजादी को इस्तेमाल प्यार से एक-दुसरे की सेवा करण मा लगा।

गढवली नयो नियम

¹³ हे विश्वासी भयों, तुम तैं पिता परमेश्वर का द्वारा आजाद हूंणु कु बुलै गै छो अर इलै अब तुम तैं मूसा की व्यवस्था तैं मनणै की जरूरत नि च; पर यूं तैं अपड़ी पापमय शारीरिक इच्छाओं तैं पूरो कनु कु मौका नि बणा, बल्कि एक-दुसरा बट्टी प्रेम कैरा अर एक-दुसरा की सेवा कैरा।

गलातियों 5:13 Referans Kwoze

1 पतरस 2:16

अर आजाद होयां लोगु का जन जीवन ज्या, पर याद रखा की अपणी आजादी को इस्तेमाल बुरा कामों तैं छिपाणु खुणि नि कैरा, बल्किन मा परमेस्वर का सेवकों की तरौं जीवन ज्या।

1 कुरिन्थि 9:19

हालांकि, मि आजाद छौं अर कै को गुलाम नि छौं, पर फिर भि मि खुद तैं सभ्यों को गुलाम समझदु, ताकि मि जादा से जादा लोगु तैं मसीह का बाटा पर लेके ऐ सैकु।

1 कुरिन्थि 8:9

अर भले ही तुम कुई भि चीज खन्द्‍यां, पर ईं बात को ध्यान रखा, कि तुमरि वजै से कुई दुसरो बिस्वास भै या बैंण अपणा बिस्वास मा डगमगै नि जौ। अर इन इलै होलु किलैकि उ भै या बैंण बिस्वास मा मजबूत नि च।

गलातियों 5:14

किलैकि पूरु नियम-कानून एक ही बात मा पूरु ह्‍वे जान्दु अर वु इन च कि, “जन प्यार तू अफ बटि करदी उन्‍नि सब लोगु से भि कैर।”

इफिसुस 5:21

अर यीशु मसीह पर पूरि सरदा रखण की वजै से एक-दुसरा तैं पूरु आदर-सम्मान द्‍या।

गलातियों 6:2

अर दुख-तकलीफ मा एक-दुसरा की मदद कैरा, अर इन कैरिके यीशु मसीह का नियम-कानून तैं पूरु कैरा।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।

2 पतरस 2:19

अरे, यू झूठ्‍ठा लोग खुद त बुगणा छिन, अर दुसरो तैं बचौण की बात कना छिन। किलैकि इन्द्रया लोग त आजादी दिलौण को करार करदिन, जब कि यू खुद बुरै का गुलाम छिन।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

खास चेलों 20:35

मिन तुमतै सब कुछ कैरिके दिखै, मिन दिखै कि कनकै मेहनत करदिन, अर कनकै जरुरतमन्दों की मदद करदिन। अर प्रभु यीशु की बात याद रखण चयेणी, वेन बोलि छौ कि, ‘लेण वळु से जादा देण वळु धन्य च।’”

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

गलातियों 4:22

सुणा, वेमा इन लिख्यूं च कि अब्राहम का दुई नौना छा, एक को जनम गुलाम नौकराणि बटि ह्‍वे। अर दुसरो को जनम वेकी घरवळी बटि ह्‍वे, ज्वा कि हरेक बात मा आजाद छै।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 3:17

अर प्रभु त आत्मा च, अर जख कखि प्रभु को पवित्र आत्मा च उख आजादी च।

गलातियों 2:4

मगर कुछ झूठ्‍ठा लोग जु कि लुकि-छिपी के सभा का बीच मा अयां छा, ऊंकी वजै से दिक्‍कत खड़ि ह्‍वे गै। अर वु ऊं जासूसों की तरौं छा, जु कि हमरि आजादी अर वे सम्बन्ध का बारा मा भौत अच्छे से जणदा छा, वु जणदा छा कि हम यीशु मसीह का द्‍वारा परमेस्वर का दगड़ा मा सम्बन्ध रखद्‍यां। अर वु लोग ईं आजादी तैं हम बटि छिनण चाणा छा, अर हमतै यहूदी नियम-कानूनों को गुलाम बणौण की पूरि कोसिस कना छा।

गलातियों 5:1

अर या आजादी हमतै यीशु मसीह का द्‍वारा मिली च ताकि हम आजादी का जीवन तैं जी सैका। इलै अपणा बिस्वास तैं मजबूत बणै के रखा, अर नियम-कानूनों का बोझ तैं फिर से अपणा कन्धों पर नि उठा।

2 कुरिन्थि 2:8

इलै मि तुम से बिन्ती करदु कि अब तुम वे आदिम तैं अपणु प्यार दिखा, ताकि वेतैं तुम पर यकीन हो कि तुम वेसे प्यार करद्‍यां।