गलातियों 5:12 - Garhwali

¹² अर भलु त यू ही च कि जु लोग तुमतै खतना का रिवाज तैं पूरु करणु खुणि सिखौणा छिन और परेसान कना छिन, वु खुद ही नपुंसक बणि जा।

गढवली नयो नियम

¹² अच्छो हूंदु, कि जु तुम तैं झूठी शिक्षाओं बट्टी भरमांणा छिन उ अपड़ा तैं नपुंसक ही बणै दींद।

गलातियों 5:12 Referans Kwoze

गलातियों 5:10

पर मितैं तुम पर पूरु यकीन च तुम जु प्रभु पर बिस्वास करद्‍यां, मि जणदु छौं कि अगर कुई तुमतै इन्दरि शिक्षा द्‍यालु, त तुम लोग ऊं बातों पर बिस्वास नि करिल्या। अर जु कुई तुमतै इन्द्रया विचारों से भरमै द्‍यालु, त परमेस्वर ऊंतैं जरुर दण्ड द्‍यालु।

तीतुस 3:10

जु मनखि एक-दुसरा का बीच मा लड़ै-झगड़ा करौन्दिन, ऊंतैं एक-दुई बार समझै दे, अर फिर ऊं बटि कुई मतलब ही नि रख।

गलातियों 2:4

मगर कुछ झूठ्‍ठा लोग जु कि लुकि-छिपी के सभा का बीच मा अयां छा, ऊंकी वजै से दिक्‍कत खड़ि ह्‍वे गै। अर वु ऊं जासूसों की तरौं छा, जु कि हमरि आजादी अर वे सम्बन्ध का बारा मा भौत अच्छे से जणदा छा, वु जणदा छा कि हम यीशु मसीह का द्‍वारा परमेस्वर का दगड़ा मा सम्बन्ध रखद्‍यां। अर वु लोग ईं आजादी तैं हम बटि छिनण चाणा छा, अर हमतै यहूदी नियम-कानूनों को गुलाम बणौण की पूरि कोसिस कना छा।

खास चेलों 15:24

दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।

खास चेलों 5:9

पतरस न वींकू बोलि, “या क्या बात च, कि तुम दुईया का दुई परमेस्वर की आत्मा तैं परखणु खुणि एक मन ह्‍वे ग्यां? देख, तेरा पति तैं दफनौण वळा द्‍वार पर ऐ गैनी, अर सुण, अब वु त्वेतै भि उठे के भैर लि जाला।”

खास चेलों 5:5

अर ईं बात तैं सुणदी ही हनन्याह भ्वीं मा फरके गै अर वेन अपणु दम तोड़ि दिनी, अर सब सुनण वळो पर बड़ु खौफ ऐ गै।

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।