गलातियों 4:26 - Garhwali

²⁶ मगर दुसरो चिन्‍न अब्राहम की घरवळी सारा च, ज्वा की आजाद छै अर वा हमरि माँ का जन च, किलैकि वा दुसरा करार को उदारण च ज्वा कि आजाद च अर वींका बच्‍चा भि आजाद छिन। अर वा वे यरूशलेम नगर का जन च, जु स्वर्ग बटि औण वळु च।

गढवली नयो नियम

²⁶ पर स्वर्गीय यरूशलेम अब्राहम की जनन सारा का जन छिनी, अर वेका नौंना गुलाम नि छिनी। यु यरूशलेम हमारी ब्वे का जन च, जु विश्वास करद।

गलातियों 4:26 Referans Kwoze

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।

फिलिप्पी 3:20

मगर हम त स्वर्ग का नागरिक छां, जख बटि हम लोगु तैं छुटकारा देण वळा प्रभु यीशु मसीह को वापिस औण को इंतजार बड़ी खुशी से कना छां।

दिब्य दरस 21:2

फिर मिन पवित्र नगर, नया यरूशलेम तैं, परमेस्वर की तरफा बटि स्वर्ग बटि मूड़ी उतरद देखि। अर उ इन सज्युं छौ जन कि ब्यौलि अपणा ब्यौला खुणि सजीं रौन्दी।

दिब्य दरस 3:12

अर जु जीत हासिल करलु, ऊंतैं मि परमेस्वर का मन्दिर मा एक खम्बा बणौलु, अर ऊ उख बटि कभि भैर नि जाला। अर मि ऊं लोगु पर पिता परमेस्वर को नौ अर स्वर्ग बटि उतरि के औण वळा नया नगर यरूशलेम को नौ ऊं पर लिखलु, अर अपणु नयू नौ भि मि ऊं पर लिखलु।

गलातियों 4:22

सुणा, वेमा इन लिख्यूं च कि अब्राहम का दुई नौना छा, एक को जनम गुलाम नौकराणि बटि ह्‍वे। अर दुसरो को जनम वेकी घरवळी बटि ह्‍वे, ज्वा कि हरेक बात मा आजाद छै।

रोमियों 6:18

अर तुम लोग तैं पाप की गुलामी से छुटकारु मिली गै, ताकि तुम पिता परमेस्वर की नजर मा एक धरमी जीवन जी सैका अर वेको सेवक बणि जा।

रोमियों 6:14

अगर जु तुम इन करिल्या, त तुम पर पाप को कुई अधिकार नि होलु, किलैकि अब तुम नियम-कानून का अधीन मा नि छाँ, बल्किन मा परमेस्वर की किरपा का अधीन ह्‍वे ग्यां।

यूहन्ना 8:36

इलै पुत्र अगर जु तुमतै आजाद करलु, त सच्‍चि मा तुम आजाद ह्‍वे जैल्या।

1 पतरस 2:16

अर आजाद होयां लोगु का जन जीवन ज्या, पर याद रखा की अपणी आजादी को इस्तेमाल बुरा कामों तैं छिपाणु खुणि नि कैरा, बल्किन मा परमेस्वर का सेवकों की तरौं जीवन ज्या।

गलातियों 5:1

अर या आजादी हमतै यीशु मसीह का द्‍वारा मिली च ताकि हम आजादी का जीवन तैं जी सैका। इलै अपणा बिस्वास तैं मजबूत बणै के रखा, अर नियम-कानूनों का बोझ तैं फिर से अपणा कन्धों पर नि उठा।

दिब्य दरस 17:5

अर वीं वेश्या का माथा पर इन लिख्यूं छौ कि, “राज बड़ु नगर बेबीलोन, वेश्याओं अर धरती की गन्दी चीजों तैं जनम देण वळो की माँ।”

गलातियों 4:25

अर सीनै पाड़ जु कि अरब मुलक मा च अर नौकराणि हाजिरा वे पाड़ का जन च, ठिक उन्‍नि आज यरूशलेम नगर का लोग भि छिन जु कि अपणा जण-बच्‍चों समेत नियम-कानूनों की गुलामी मा जीणा छिन।

दिब्य दरस 12:1

अर फिर स्वर्ग मा एक बड़ु चिन्‍न दिखै। एक जनानि जिं को कपड़ा सूरज छौ, अर चाँद वींका खुटों का तौळ छौ, अर वींका मुण्ड़ पर बारह गैंणो को एक मुकुट छौ,