गलातियों 4:25 - Garhwali

²⁵ अर सीनै पाड़ जु कि अरब मुलक मा च अर नौकराणि हाजिरा वे पाड़ का जन च, ठिक उन्‍नि आज यरूशलेम नगर का लोग भि छिन जु कि अपणा जण-बच्‍चों समेत नियम-कानूनों की गुलामी मा जीणा छिन।

गढवली नयो नियम

²⁵ आज भि यरूशलेम शहर का लोग पिता परमेश्वर का दगड़ी सै ठैरयां जांण कु यहूदी व्यवस्था कु पालन कना का कारण दास छिनी। उ हाजिरा का जन दास छिनी जु अरब देश का सीनै डांडा पर बंधि करार तैं बतौंदींनि।

गलातियों 4:25 Referans Kwoze

इब्रानी 12:18

अर जब पिता परमेस्वर न इस्राएली लोगु तैं सीनै नौ का पाड़ पर आज्ञा दे छै, त उख खतरनाक आग जगणी छै अर काळु अन्धेरु होयुं छौ अर आंधी-तूफान चलणु छौ,

गलातियों 1:17

अर ना ही मि यरूशलेम नगर मा ऊं लोगु का पास ग्यों जु मिसे पैलि खास चेला का रुप मा चुणै गै छा, बल्किन मा मि तुरन्त अरब मुलक कू चलि ग्यों, अर वेका बाद मि फिर दमिश्क नगर कू वापिस ऐ ग्यों।

खास चेलों 1:11

अर यों न चेलों कू बोलि, “हे गलीली लोगु, तुम किलै खड़ु ह्‍वेके आसमान जनै टक लगै के दिखणा छाँ? यू ही यीशु जु तुमरा पास बटि स्वर्ग मा उठये गै, ठिक इन्‍नि वेन औण भि च जन तुम वेतैं स्वर्ग मा जान्द दिखणा छाँ।”

लूका 19:44

अर वु तुमरा द्‍वारा करीं चिणैं तैं ढोळि द्‍याला, इख तक की वु त्वेतै अर त्वेमा रौण वळा बाल-बच्‍चों को भि नास कैरी द्‍याला, अर तुमरो छत्यनास ह्‍वे जालु। किलैकि तिन वे मौका तैं नि पछ्याणी जब त्वे पर किरपा करै गै।”

लूका 13:34

तब वेन इन बोलि, “हे यरूशलेम का लोगु, तुम जु रैबर्यों तैं मारी देन्द्‍यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन कथगा ही दौं इन चै कि जन कुखडि अपणा बच्‍चों तैं अपणा फाँकुड़ो का तौळ इकट्‍ठा कैरिके रखदी, ठिक उन्‍नि मि भि तुमतै इकट्‍ठा कैरुं, पर तुम लोगु न इन नि चै।

मत्ती 23:37

अर यीशु न फिर से बोलि, “हे यरूशलेम का लोगु, तुम परमेस्वर का रैबर्यों तैं मारी देन्द्‍यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन भौत बार इन चै कि जन कुखडि अपणा बच्‍चों तैं अपणा फाँकुड़ो का तौळ इकट्‍ठा कैरिके रखदी, उन्‍नि मि भि तुमतै इकट्‍ठा कैरुं, पर तुम लोगु न इन नि चै।

गलातियों 4:24

अर गुलाम अर आजाद करण वळी बातों को मतलब यों दुई जनानियों से सीखा, किलैकि यू दुई जनानियां दुई करार को चिन्‍न छिन। पैलु चिन्‍न हाजिरा च ज्वा कि नौकराणि छै अर वींका द्‍वारा पैदा होयुं बच्‍चा गुलाम ही च, ठिक उन्‍नि पैलु करार भि च जु कि सीनै नौ का पाड़ पर दिये गै, अर वेको पालन करण वळा लोग गुलामी मा ही पैदा होनदिन।

गलातियों 4:26

मगर दुसरो चिन्‍न अब्राहम की घरवळी सारा च, ज्वा की आजाद छै अर वा हमरि माँ का जन च, किलैकि वा दुसरा करार को उदारण च ज्वा कि आजाद च अर वींका बच्‍चा भि आजाद छिन। अर वा वे यरूशलेम नगर का जन च, जु स्वर्ग बटि औण वळु च।