गलातियों 4:24 - Garhwali

²⁴ अर गुलाम अर आजाद करण वळी बातों को मतलब यों दुई जनानियों से सीखा, किलैकि यू दुई जनानियां दुई करार को चिन्‍न छिन। पैलु चिन्‍न हाजिरा च ज्वा कि नौकराणि छै अर वींका द्‍वारा पैदा होयुं बच्‍चा गुलाम ही च, ठिक उन्‍नि पैलु करार भि च जु कि सीनै नौ का पाड़ पर दिये गै, अर वेको पालन करण वळा लोग गुलामी मा ही पैदा होनदिन।

गढवली नयो नियम

²⁴ या मिसाल कुछ और सिखांद; यु द्वी जनन (सारा अर हाजिरा) पिता परमेश्वर अर वेका लुखुं का बीच द्वी नियमों का जन छिनी। जु पिता परमेश्वर ल सीनै डांडा पर कैरी, अर जु लोग ईं करार का अधीन छिनी, उ नौकरों का जन छिनी। उ अरब मा सीनै डांडा का जन छिनी अर उ धरती पर यहूदी कु यरूशलेम शहर की एक तस्वीर च। यु शहर अर येका लोग, मतलब यहूदी, व्यवस्था दास छिनी।

गलातियों 4:24 Referans Kwoze

गलातियों 4:25

अर सीनै पाड़ जु कि अरब मुलक मा च अर नौकराणि हाजिरा वे पाड़ का जन च, ठिक उन्‍नि आज यरूशलेम नगर का लोग भि छिन जु कि अपणा जण-बच्‍चों समेत नियम-कानूनों की गुलामी मा जीणा छिन।

1 कुरिन्थि 10:11

अर यू सब बात ऊंका दगड़ा ह्‍वेनि, ताकि वु सभ्यों खुणि एक उदारण बणि जा। अर येका बारा मा पवित्रशास्‍त्र मा भि लिख्यूं च, ताकि हम इन नि कैरा जन ऊंन कैरी, किलैकि हम दुनियां का वे बगत मा जीण छां, जु कि आखिरी को बगत च।

मत्ती 13:35

अर इन वु इलै करदु छौ, ताकि वा बात पूरि ह्‍वे जौ जु की परमेस्वर का रैबर्या का द्‍वारा बुले गै छै। अर वा बात इन च कि, “मि उदारण देके बात करलु, अर जब बटि दुनियां बणि तब बटि जु बात छिपी छै, ऊं बातों तैं परगट करलु।”

इब्रानी 13:20

हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्‍वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्‍वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्‍यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।

इब्रानी 12:24

अर अब तुम यीशु का पास अयां छाँ, जु कि परमेस्वर अर लोगु का बीच नयू करार को बिचलु च, अर वेका बलिदान मा बुगयां ल्वे से मनखियों तैं पापों से माफी मिलदी, जब कि हाबिल की हत्या मा बुगयूं ल्वे दण्ड की मांग करदु।

इब्रानी 11:19

अर अब्राहम न इन इलै कैरी किलैकि वु या बात समझि गै छौ, कि परमेस्वर लोगु तैं मुरदो मा बटि ज्यून्द कैरी सकदु च, अर जब उ अपणा नौना तैं बलिदान करण वळु छौ त परमेस्वर न वेतैं रोकी दिनी, तब अब्राहम तैं अपणु नौनु इन वापिस मिली गै, जन की वु मुरदो मा बटि ज्यून्द ह्‍वे गै हो।

इब्रानी 7:22

अर पिता परमेस्वर न कसम खै के एक नयू करार कैरी अर ये करार को जमानती यीशु मसीह च, इलै यू मूसा रैबर्या का दगड़ा मा कियां करार से जादा अच्छु च।

गलातियों 5:1

अर या आजादी हमतै यीशु मसीह का द्‍वारा मिली च ताकि हम आजादी का जीवन तैं जी सैका। इलै अपणा बिस्वास तैं मजबूत बणै के रखा, अर नियम-कानूनों का बोझ तैं फिर से अपणा कन्धों पर नि उठा।

1 कुरिन्थि 10:4

अर ऊंन उई पाणि पेई जु कि चमत्कारिक रुप से परमेस्वर न ऊंतैं दे। अर वा चटान खुद यीशु मसीह को उदारण छै, जु कि मनखियों तैं छुटकारा देणु खुणि परमेस्वर का द्‍वारा चुण्यूं च। अर वे बगत मा वु ऊंका दगड़ा मा छौ अर वेन ऊं खुणि सब कुछ कैरी।

रोमियों 8:15

अर जु पवित्र आत्मा तुमतै दिये गै, वु तुमतै गुलाम नि बणौन्दु कि तुम फिर से डौऽरी-डौऽरी के अपणा जीवन को गुजर-बसर कैरा। अरे, जु पवित्र आत्मा पिता परमेस्वर न तुमतै देई वां से इन साबित होन्दु, कि हम वेकी औलाद छां। तभि त हम पिता परमेस्वर कू, “हे अब्बा, मेरा पिता” बोलि सकद्‍यां।

गलातियों 4:3

अर ठिक उन्‍नि यीशु मसीह का औण से पैलि हम भि बच्‍चों का जन ही छा, अर ईं दुनियां का नियम-कानूनों का गुलामी मा अपणु जीवन जीणा छा।