गलातियों 4:17 - Garhwali

¹⁷ अर वु झूठ्‍ठा लोग तुमतै अफ दगड़ा मिलाणु खुणि बड़ा जोस से तुमरा पिछनै पोड़यां छिन, पर ऊंको मकसद ठिक नि च। अर वु तुमतै अलग करण चाणा छिन, ताकि तुम उन्‍नि कैरा जन वु चाणा छिन।

गढवली नयो नियम

¹⁷ झूठा शिक्षक बुल्दा त छिनी हम तुम तैं दगड़िया त बनांण चांणा छा, पर भलि इच्छा बट्टी न; ऊंको मतलब त तुम तैं मि बट्टी अलग कन च कि तुम ऊंका चेला बंणि जां।

गलातियों 4:17 Referans Kwoze

रोमियों 16:18

किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।

2 पतरस 2:3

अर अपणा लालच का खातिर वु झूठ्‍ठा लोग अपणी झूठ्‍ठी बातों का द्‍वारा तुम बटि पैसा कमौला। मगर परमेस्वर न ऊंतैं भौत पैलि ही दोषी ठैरैयालि, अर अब ऊंको नास होण मा देर नि होलि।

1 कुरिन्थि 4:8

अरे, तुम मा त बिजांम च अर तुम मा ह्‍वे गैनी छक रुपया, मगर तुम त हमरा बगैर ही राज करण लगि ग्यां। कास, या बात सच्‍चि होन्दी, कि तुम राजा बणि के राज कना रौन्दा, अर हम भि तुमरा दगड़ा मा राज करदा।

रोमियों 10:2

अर ऊंका बारा मा मि या गवै दे सकदु छौं, कि ऊंका भितर पिता परमेस्वर का पिछनै चलण को जोस भौत जादा च, मगर ऊंतैं यू पता नि च कि वेका पिछनै चलण को सही तरीका क्या च।

मत्ती 23:15

“हे शास्‍त्री अर फरीसी दल का लोगु, तुम पर हाय च, अर तुम बड़ा ढोंगि छाँ, किलैकि तुम एक मनखि तैं यहूदी बणौणु खुणि दिन-रात एक कैरी देन्द्‍यां। अर जब तुम वे मनखि तैं यहूदी बणै देन्द्‍यां त इन कैरिके तुम वेतैं अफ से भि जादा नरकलोक का लैख बणै देन्द्‍यां।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

फिलिप्पी 2:21

किलैकि सब लोग अपणा ही फैदा की खोज मा लग्यां छिन, ना कि ईं बात की खोज मा की यीशु मसीह क्या चान्दु।

2 कुरिन्थि 11:3

मगर मितैं ईं बात की बड़ी चिन्ता च कि जन शैतान न गुरौ का द्‍वारा बड़ी चालाकी से हवा तैं अपणा छल मा फंसै दिनी, ठिक उन्‍नि कखि इन नि हो कि झूठ्‍ठा लोग अपणी गळत शिक्षा का द्‍वारा तुमरा पवित्र जीवन तैं जु कि यीशु मसीह का दगड़ा मा च वेतैं बिगाड़ि नि द्‍या।

1 कुरिन्थि 11:2

दगड़्यों, तुम मेरी हर बात तैं याद रखद्‍यां, अर ज्वा शिक्षा अर जु-जु नियम मिन तुमतै बतैनि, तुम ऊंको पालन करद्‍यां, इलै ईं बात मा मि तुमरि तारीफ करदु।

1 कुरिन्थि 4:18

अर कुछ लोग त बड़ु मोन कैरिके इन फूली गैनी, जन कि मिन अब तुमरा बीच मा औण ही नि होलु।

गलातियों 4:16

अर अब जु मि तुम बटि सच्‍च बोन्‍नु छौं, त मि तुमरो दुसमन बणि ग्यों।

गलातियों 4:18

अर अगर कुई भला कामों का बानो तुमरा पिछनै पोड़्यूं च, त वेतैं दोस्त बणौण कुई गळत बात नि च पर ध्यान रखा कि वेको मकसद ठिक होण चयेणु। अर यू भि याद रखा कि वु भलै का काम हर बगत कैरो, ना कि केवल तब जब मि तुमरा दगड़ा मा रौन्दु।