गलातियों 4:13 - Garhwali

¹³ अर तुमतै याद होलु जब मिन पैलि बार तुमतै शुभ समाचार सुणै छौ, अर वे बगत त मि बिमार छौ।

गढवली नयो नियम

¹³ पर तुम तैं याद होलो, कि यु मेरी बिमारी का कारण छो कि मि पैली बार तुम मा ओ अर शुभ सन्देश प्रचार कैरी।

गलातियों 4:13 Referans Kwoze

1 कुरिन्थि 2:3

अर जब मि तुमरा पास ऐ छौ, त वे बगत मि कमजोर, डऽरयुं अर बड़ु कौंपणु छौ।

गलातियों 1:6

मितैं ईं बात पर बड़ु ताजुब होणु च, कि जै पिता परमेस्वर न तुमतै यीशु मसीह की किरपा का द्‍वार अपणा पास बुलै, आज तुम वेतैं छोड़ि के कैं दुसरा ही शुभ समाचार को पालन करण लगि ग्यां।

2 कुरिन्थि 11:30

अर अगर मितैं बड़ु मोन कन ही होलु, त मि अपणी कमजोर बातों पर बड़ु मोन करलु।

2 कुरिन्थि 11:6

अर भले ही मि बोन्‍न मा एक भलु नेता नि छौं, मगर मि पिता परमेस्वर का रैबार का बारा मा खूब अच्छे से जणदु। अर तुमरा बीच मा रै के मिन जु कुछ भि कैरी अर सिखै, वेका मुताबिक मिन हरेक बात तैं तुम खुणि साफ-साफ कैरी।

2 कुरिन्थि 10:10

किलैकि कुछ लोग इन बुल्दिन कि, “पौलुस की चिठ्‍ठी त गम्भीर अर असरदार छिन, मगर जब उ बिस्वासी लोगु का बीच मा रौन्दु तब उ बिल्कुल कमजोर लगदु अर वेका भासण बेकार होनदिन।”

2 कुरिन्थि 13:4

अर या बात सच्‍च च कि जब यीशु मसीह तैं क्रूस पर चड़ये गै, त उ कमजोर लगणु छौ। मगर या बात भि सच्‍च च कि पिता परमेस्वर न वेतैं अपणी महान ताकत से मुरदो मा बटि ज्यून्द कैरी, अर अब वु सदनि खुणि ज्यून्द च। अर ठिक उन्‍नि हम भि कमजोर मनखि छां, मगर हमरु रिश्ता यीशु मसीह का दगड़ा मा भौत गैरु च, इलै तुमतै अनुसासन मा लौणु खुणि मि पिता परमेस्वर की ताकत को इस्तेमाल करलु।

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

गलातियों 4:12

हे मेरा बिस्वासी भै-बैंणो, तुम जु यहूदी जाति का नि छाँ तुमुन मेरु कुछ नि बिगाड़ि, अर मि एक यहूदी होण का बाद भि तुम लोगु खुणि तुमरि तरौं ही ह्‍वे ग्यों, पर अब मि तुम बटि बिन्ती करदु कि तुम मसीह जीवन मा अब मि जन ह्‍वे जा।

गलातियों 4:14

अर मेरी ईं बिमारि का बाना तुम लोगु तैं दिक्‍कत झिलण पोड़ि, मगर फिर भि तुम लोगु न मि बटि नफरत नि कैरी अर ना ही मेरु तिरिस्कार कैरी, मगर तुमुन मितैं परमेस्वर का एक दूत का जन या इन बोलि सकद्‍यां कि यीशु मसीह का जन स्वीकार कैरी।

गलातियों 4:18

अर अगर कुई भला कामों का बानो तुमरा पिछनै पोड़्यूं च, त वेतैं दोस्त बणौण कुई गळत बात नि च पर ध्यान रखा कि वेको मकसद ठिक होण चयेणु। अर यू भि याद रखा कि वु भलै का काम हर बगत कैरो, ना कि केवल तब जब मि तुमरा दगड़ा मा रौन्दु।