गलातियों 3:26 - Garhwali

²⁶ अर यीशु मसीह पर बिस्वास करण का द्‍वारा ही तुम सब लोग परमेस्वर की औलाद छाँ।

गढवली नयो नियम

^26-27 जब तुम तैं मसीह का नौं बट्टी बपतिस्मा दिये गै, त तुम ल मसीह मा नयो जीवन तैं पैरी, जन एक आदिम नया कपड़ोंं तैं पैरदो। इलै, तुम सभि पिता परमेश्वर की संतान बंणि ग्यां जब तुम ल यीशु मसीह पर विश्वास कैरी।

गलातियों 3:26 Referans Kwoze

इफिसुस 1:5

अर अपणी भली मनसा का मुताबिक जन पिता परमेस्वर न ठाणि छौ, वेन हम से प्यार कैरी। अर हमतै यीशु मसीह का द्‍वारा गोद लिनी, ताकि हम वेकी औलाद बणि जां।

2 कुरिन्थि 6:18

अर परमेस्वर न इन भि बोलि कि, “तब मि तुमरो पिता होलु, अर तुम मेरी औलाद। अर यू सर्वसक्‍तिमान प्रभु परमेस्वर को वचन च।”

फिलिप्पी 2:15

ताकि तुम हर बात मा निरदोष अर पवित्र बणि सैका, अर परमेस्वर की एक सच्‍चि औलाद का जन ह्‍वे जा, किलैकि तुम भ्रष्‍ट अर पापि लोगु का बीच मा रौन्द्‍यां, इलै तुमरो जीवन ऊंका बीच मा चमकणु रौ जन कि आसमान मा गैंणा चमकदिन।

दिब्य दरस 21:7

अर जु जीत हासिल करलु वेतैं विरासत मिलेली, अर मि वेको परमेस्वर होलु अर उ मेरु पुत्र होलु।

इफिसुस 5:1

इलै हे मेरा प्यारा भै-बैंणो, पिता परमेस्वर की औलाद होण का नाता, तुम वेका मुताबिक चला,

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

यूहन्ना 1:7

उ गवै देणु खुणि ऐ, ताकि उ उज्याळा का बारा मा गवै दे सैको अर वेका द्‍वारा सभि मनखि बिस्वास करण लगि जां।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

रोमियों 8:19

अर पूरि धरती सबर रखी के परमेस्वर का परगट होण को इंतजार कनि च, कि कब उ अपणा औलादों तैं आदर-सम्मान द्‍यालु।

2 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै तीमुथियुस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि परमेस्वर का समुदाय छाँ। अर या चिठ्‍ठी ऊं सब पवित्र मनखियों खुणि भि च जु कि पूरा अखया मुलक मा छिन।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

गलातियों 4:14

अर मेरी ईं बिमारि का बाना तुम लोगु तैं दिक्‍कत झिलण पोड़ि, मगर फिर भि तुम लोगु न मि बटि नफरत नि कैरी अर ना ही मेरु तिरिस्कार कैरी, मगर तुमुन मितैं परमेस्वर का एक दूत का जन या इन बोलि सकद्‍यां कि यीशु मसीह का जन स्वीकार कैरी।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

इफिसुस 1:1

हे मेरा भै-बैंणो मि पौलुस छौं अर मि पिता परमेस्वर की मनसा से यीशु मसीह को खास चेला छौं। अर मि या चिठ्‍ठी इफिसुस नगर मा रौण वळा बिस्वासी समुदाय का सब लोगु खुणि लिखणु छौं, जु कि यीशु मसीह पर बिस्वास करण वळा पवित्र लोग छिन।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।

फिलिप्पी 1:8

अर ईं बात का बारा मा परमेस्वर मेरु गवा च, कि मि तुम सभ्यों बटि मिलणु खुणि कथगा तड़पदु। अर दया कैरिके जन प्यार यीशु न कैरी, ठिक उन्‍नि मि भि तुम से करदु।

कुलुसी 1:4

किलैकि हमुन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर वे प्यार का बारा मा भि सुणी जु कि तुम बिस्वासी लोगु से करद्‍यां।

कुलुसी 2:6

हे मेरा भै-बैंणो, तुमुन यीशु मसीह तैं प्रभु का रुप मा स्वीकार कैरियाली, इलै वेका मुताबिक ह्‍वेके भि चला।

फिलेमोन 1:1

हे मेरा प्यार भै फिलेमोन, मि पौलुस ईं चिठ्‍ठी तैं हमरा भै तीमुथियुस का दगड़ा मा मिली के त्वे खुणि लिखणु छौं जु कि हमरा दगड़ा मा सेवा को काम करदु। मेरा दगड़्या, मि इख यीशु मसीह की सेवा का बानो कैदी होयुं छौं,

फिलेमोन 1:9

मेरा प्यारा भै, मि त्वेसे भौत प्यार करदु इलै मि त्वेसे बिन्ती करदु कि मि पौलुस जु कि अब बुढ्या ह्‍वे ग्यों, मि यीशु मसीह का खातिर इख जेलखाना मा छौं।