गलातियों 3:23 - Garhwali

²³ अर यीशु मसीह पर बिस्वास करण से पैलि हम यहूदी लोग नियम-कानूनों का अधीन मा छा, अर ऊं नियम-कानूनों का द्‍वारा ही हमरि हिफाजत होन्दी छै। अर यीशु मसीह जु कि औण वळु छौ, वे पर ही बिस्वास करण से हम लोग ऊं नियम-कानूनों की गुलामी से आजाद ह्‍वे ग्यां।

गढवली नयो नियम

²³ पर मसीह कु औंण अर वे पर विश्वास कन से पैली मूसा की व्यवस्था ल हम यहूदी लुखुं तैं बंधि बणयुं छो, अर मूसा की व्यवस्था हमारी रखवली करदी छै, जब तक पिता परमेश्वर ल हम पर मसीह तैं प्रगट नि कैरी।

गलातियों 3:23 Referans Kwoze

गलातियों 5:18

अर अगर जु तुम पवित्र आत्मा का मुताबिक जीवन जिन्द्‍यां, त फिर तुम नियम-कानूनों का अधीन नि छाँ।

गलातियों 3:19

अब तुम सुचणा ह्‍वेल्या, कि फिर नियम-कानूनों तैं देण की क्या जरुरत रै होलि? अरे, यू सब त इलै ह्‍वे, ताकि नियम-कानूनों का द्‍वारा मनखियों तैं अपणा सब पापों को पता चलि जौ। अर जबरि तक करार को वंशज यीशु मसीह ऐ नि गै, नियम-कानून भि तबरि तक ही छा। अर वे बगत नियम-कानून स्वर्गदूत का द्‍वारा परमेस्वर का रैबर्या मूसा तैं दिये गैनी, अर वे बगत पितर मूसा न परमेस्वर अर मनखियों का बीच बिचलु होण को काम कैरी।

रोमियों 11:32

किलैकि परमेस्वर न सब लोगु तैं ऊंकी आज्ञा नि मनण वळी जिद्‍द पर ही छोड़ि दिनी अर इन वेन इलै कैरी, ताकि उ सब लोगु पर अपणी दया दिखै सैको।

रोमियों 3:19

अर अब हम या बात जणदा छां की नियम-कानून हमतै जु कुछ भि बतौन्दिन, वु सिरफ ऊं लोगु खुणि ही च जु नियम-कानूनों तैं मणदिन, ताकि ऊं लोगु की टुपटी बन्द ह्‍वे जौ। अर पिता परमेस्वर ही च जु की सब गळत काम करण वळा लोगु को न्याय करण वळु च।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 11:13

अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।

गलातियों 4:21

हे मेरा भै-बैंणो तुम लोग जु नियम-कानूनों का अधीन रौण चन्द्‍यां, तुम मितैं एक बात बता क्या तुम लोग न नियम-कानूनों तैं ढंगल नि सुणी?

यूहन्ना 3:34

किलैकि जैतैं परमेस्वर न भेजि, उ त केवल परमेस्वर की ही छुईं करदु। अर इन वु इलै करदु किलैकि परमेस्वर वेतैं पवित्र आत्मा भरपूरी से देन्दु।