गलातियों 3:20 - Garhwali

²⁰ अर बिचलु त कम से कम दुई लोगु का बीच मा होन्दु, मगर परमेस्वर त एक ही च।

गढवली नयो नियम

²⁰ जब द्वी लुखुं का बीच समझौता हूंद, तब जुड़ण वले की जरूरत हूंद। पर पिता परमेश्वर एक ही च, अर जब वेल अब्राहम बट्टी वादा कैरी त ऊंका बीच मा कुई भि जुड़ण वलो नि छों।

गलातियों 3:20 Referans Kwoze

1 तीमुथियुस 2:5

किलैकि परमेस्वर एक ही च, अर वेका अर मनखियों का बीच मा एक ही बिचलु च, अर वु यीशु मसीह च।

इब्रानी 9:15

अर लोगु तैं पाप से छुड़ौण का खातिर यीशु मसीह मरे गै। अर ईं मौत का द्‍वारा वेन पुरणा करार तैं रद्‍द कैरी दिनी, ताकि उ अपणा चुण्यां लोगु तैं पिता परमेस्वर का द्‍वारा मिलण वळी सदनि की आसिसों तैं द्‍यो, अर वेका दगड़ा-दगड़ि एक नयू करार भि द्‍यो जु की सदनि को जीवन च।

इब्रानी 8:6

पर हमरा महा पुरोहित यीशु तैं सेवा को जु काम दिये गै वु दुनियां का दुसरा पुरोहितों से जादा बढी के च, किलैकि यीशु वु च जु कि पुरणा करार का मुताबिक परमेस्वर का दगड़ा मा मनखियों खुणि एक अच्छा बिचलु होण को काम करदु। अर यां से इन पता चलदु कि नयू करार पुरणा से जादा अच्छु च।

इब्रानी 12:24

अर अब तुम यीशु का पास अयां छाँ, जु कि परमेस्वर अर लोगु का बीच नयू करार को बिचलु च, अर वेका बलिदान मा बुगयां ल्वे से मनखियों तैं पापों से माफी मिलदी, जब कि हाबिल की हत्या मा बुगयूं ल्वे दण्ड की मांग करदु।

गलातियों 3:17

दगड़्यों मेरु बोन्‍न को मतलब इन च कि जै करार तैं पिता परमेस्वर न अब्राहम का दगड़ा मा कैरी, वेका चार सौ तीस साल बाद नियम-कानून दिये गैनी। इलै अब यू नियम-कानून वे करार तैं बदलि नि सकदिन अर ना ही रद्‍द कैरी सकदिन।

खास चेलों 12:20

अर राजा हेरोदेस अग्रिप्पा सूर अर सैदा नगर का लोगु पर भौत गुस्सा करदु छौ। तब दुई जगा का कुछ लोग एक मन ह्‍वेके राजा से मिलणु कू ऐनी, मगर पैलि ऊ राजा का करमचारी बलास्तुस तैं मनौण लगि गैनी अर वेसे बिन्ती कैरी, कि हमरु राजा का दगड़ा मा समझौता करवै द्‍या। अर इन ऊंन इलै कैरी, किलैकि राजा हेरोदेस का मुलक बटि ऊंका मुलक खुणि रासन-पाणि औन्दु छौ।