गलातियों 3:19 - Garhwali

¹⁹ अब तुम सुचणा ह्‍वेल्या, कि फिर नियम-कानूनों तैं देण की क्या जरुरत रै होलि? अरे, यू सब त इलै ह्‍वे, ताकि नियम-कानूनों का द्‍वारा मनखियों तैं अपणा सब पापों को पता चलि जौ। अर जबरि तक करार को वंशज यीशु मसीह ऐ नि गै, नियम-कानून भि तबरि तक ही छा। अर वे बगत नियम-कानून स्वर्गदूत का द्‍वारा परमेस्वर का रैबर्या मूसा तैं दिये गैनी, अर वे बगत पितर मूसा न परमेस्वर अर मनखियों का बीच बिचलु होण को काम कैरी।

गढवली नयो नियम

¹⁹ त फिर पिता परमेश्वर ल कै उद्देश्य बट्टी इस्राएल का लुखुं तैं मूसा की व्यवस्था द्ये? पिता परमेश्वर ल मूसा की व्यवस्था इलै द्ये, कि लोग जांण साका की पाप क्य च? मूसा की व्यवस्था अब्राहम का वे वंश तक बणयूं रौंण छो, जैका बारा मा पिता परमेश्वर ल करार कैरी छै। परमेश्वर ल व्यवस्था मूसा तैं स्वर्गदूतों का द्वारा द्ये, जु पिता परमेश्वर अर लुखुं का बीच जुड़ण वलो छों।

गलातियों 3:19 Referans Kwoze

खास चेलों 7:53

तुम त उई छाँ, जौन नियम-कानूनों तैं परमेस्वर का स्वर्गदूतों का द्‍वारा पै, मगर फिर भि तुमुन ऊंको पालन नि कैरी।’”

इब्रानी 2:2

अर ज्वा शिक्षा पिता परमेस्वर न स्वर्गदूतों का द्‍वारा दिनी वा सच्‍च छै, अर जैन भि वेको पालन नि कैरी वेतैं दण्ड मिली।

गलातियों 3:16

अर जख तक करार की बात किये जौ, त करार पितर अब्राहम अर वेका वंश बटि किये गै छौ। अर पवित्रशास्‍त्र को यू करार हमतै वंश का भौत सा लोगु का बारा मा नि बतौन्दु, बल्किन मा सिरफ एक वंश का बारा मा बतौन्दु, जन कि लिख्यूं भि च कि, “तेरा वंश तैं” अर यां से या बात साफ ह्‍वे जान्दी कि वु वंशज मसीह च।

रोमियों 4:15

मगर सच्‍चै त या च कि नियम-कानूनों से लोगु तैं दण्ड मिलदु, किलैकि लोग नियम-कानून को पालन पूरि तरौं से नि कैरी सकदिन। अगर नियम-कानून नि होन्दा, त लोग भि नियम-कानून का खिलाप मा जैके दोषी नि ठैरदा।

रोमियों 2:13

किलैकि नियम-कानून तैं सुनण वळा परमेस्वर की नजर मा धरमी नि गिणै जाला, बल्किन मा वु लोग धरमी गिणै जाला जु लोग नियम-कानून का मुताबिक चलण वळा छिन।

खास चेलों 7:38

अर यू उई मूसा छौ जु की निर्जन जगा मा इस्राएली लोगु का दगड़ा मा छौ, अर जैन बिचलु को काम कैरी छौ। अर सीनै पाड़ पर उ वे स्वर्गदूत का दगड़ा मा छौ जैन वेका दगड़ा मा बात कैरी छै, अर उ हमरा पितरों का दगड़ा मा छौ। अर वेन ही यू वचन हमतै देणु खुणि ज्यून्दा पिता परमेस्वर बटि पै।

यूहन्ना 15:22

“अर अगर जु मि नि औन्दु अर परमेस्वर की बातों तैं ऊंतैं नि बतौन्दु त वु दोषी नि ठैरदा, पर अब जब ऊंन सुण्यालि त दोषी ठैरणो को ऊंमा कुई बहाना नि च।

यूहन्ना 1:17

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

इब्रानी 2:5

हे मेरा भै-बैंणो, पिता परमेस्वर न स्वर्गदूतों तैं नि चुणी कि वु औण वळी नयी दुनियां का अधिकारी ह्‍वा, जैकी चर्चा हम लोग करदी औणा छां।

लूका 16:31

मगर अब्राहम न वेकू बोलि, ‘जब वु मूसा अर रैबर्यों की बातों तैं नि मणदिन, त अगर कुई मुरयां लोगु मा बटि ज्यून्दु ह्‍वेके जालु त वु वेकी भि नि मणला।’”