गलातियों 3:15 - Garhwali

¹⁵ हे मेरा भै-बैंणो, मि तुमतै एक उदारण देके बिंगाण चाणु छौं, जब कै मनखि का द्‍वारा कुई करार किये जान्दु, त कुई भि वे करार तैं टाळि नि सकदु, अर ना ही वे करार मा कुई बात जोड़ी सकदु अर ना ही कम कैरी सकदु।

गढवली नयो नियम

¹⁵ हे मेरा विश्वासी भयों, मि तुम लुखुं तैं साधारण जीवन कु उदाहरण दे के बुल्णु छों। जब द्वी लोग आपस मा समझौता करदींनि, त न कुई वे तैं टालि सकद अर न वेमा कुछ कुई जोड़ी सकद।

गलातियों 3:15 Referans Kwoze

इब्रानी 9:17

किलैकि बनबौंण वळे की मौत का बाद ही वा वसीयत पक्‍की होन्दी, अर जब तक बनबौंण वळु ज्यून्दु च तब तक वा वसीयत कै काम की नि च।

रोमियों 6:19

अर पिता परमेस्वर की बात तुमरा समझ से भैर छिन, इलै मि तुमतै या बात बतौण चान्दु, कि पैलि तुमुन खुद तैं ईं दुनियां का गळत कामों अर वेका विचारों खुणि खुद तैं वेका सुपुर्द कैरिके रख्युं छौ इलै तुम वेका गुलाम बणि गै छा। मगर अब मि तुम से बिन्ती करदु कि तुम परमेस्वर की सच्‍चै खुणि खुद तैं वेका सुपुर्द कैरी द्‍या, ताकि तुम वेका सेवक बणि के पवित्र लोग बणि सैका।

रोमियों 3:5

पर अगर जु हमरा गळत काम करण से पिता परमेस्वर की अच्छे और भि जादा साफ ह्‍वेके हमरा समणि औन्दी, त फिर परमेस्वर हम पर किलै गुस्सा होन्दु अर किलै हमतै दण्ड देन्दु? (अरे, यू सब त मनखियों का अपणा विचार छिन जु कि गळत छिन)।

1 कुरिन्थि 15:32

अर इफिसुस नगर का लोगु न मेरु बड़ु विरोध कैरी, अर ऊ मि पर जंगळि जानबर की तरौं कटणु कू ऐनी। अर अगर मुरयां लोगु तैं ज्यून्द नि किये जालु, त विरोध करण वळा लोगु का खिलाप मा जु कुछ भि मिन कैरी, वेको कुई फैदा नि ह्‍वे। तब हम भि इन बोलि सकद्‍यां कि, “अरे भोळ त हमुन भि मुरण ही च, चला, हम सब खूब खा-प्या।”

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

रोमियों 1:13

हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।

गलातियों 6:18

मेरा भै-बैंणो, हमरा प्रभु यीशु मसीह की किरपा तुमरि आत्मा का दगड़ा मा बणि रौ। आमीन।

इब्रानी 6:13

हे मेरा दगड़्यों, जब पिता परमेस्वर न पितर अब्राहम बटि करार कैरी त वे बगत मा वेन खुद की ही कसम खै, किलैकि वेन देखि कि मिसे बड़ु त कुई छैई नि च। अर वेन पितर अब्राहम कू बोलि कि,

इब्रानी 6:16

अर लोग ईं बात तैं भौत अच्छे से जणदिन कि करार करण का बगत मा अफ से बड़े की कसम खनदिन, ताकि बात पक्‍की ह्‍वे जौ।