गलातियों 3:11 - Garhwali

¹¹ इलै या बात साफ ह्‍वे जान्दी कि नियम-कानूनों का द्‍वारा पिता परमेस्वर की नजर मा कुई भि धरमी नि ठैरदु, किलैकि पवित्रशास्‍त्र मा लिख्यूं च कि, “जु मनखि परमेस्वर की नजर मा धरमी च, उ बिस्वास करण की वजै से ज्यून्दु रालु।”

गढवली नयो नियम

¹¹ पर या बात सच च की मूसा की व्यवस्था का द्वारा पिता परमेश्वर का संमणी कुई धर्मी नि ठैरदो किलैकि पिता परमेश्वर का वचन मा लिख्युं च, “धर्मी जन विश्वास बट्टी ज्यूँदो रालो।”

गलातियों 3:11 Referans Kwoze

रोमियों 1:17

किलैकि मनखियों तैं धरमी बणौणु खुणि शुभ समाचार परमेस्वर का द्‍वारा ही मिलदु। अर जब मनखि शुरुवात बटि आखिरी तक बिस्वास करदु तब उ परमेस्वर की नजर मा धरमी साबित होन्दु। अर जन कि पवित्रशास्‍त्र मा भि लिख्यूं च कि, “जु मनखि परमेस्वर की नजर मा धरमी च, उ बिस्वास करण की वजै से ज्यून्द रालु।”

इब्रानी 10:38

अर जु लोग मि पर बिस्वास करदिन वु अपणा बिस्वास करण की वजै से ज्यून्दु राला, पर जु पिछनै हटि जनदिन ऊंतैं देखि कर मि दुखी होन्दु।”

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”

याकूब 3:2

किलैकि हम सभि लोग भौत बार भूल-चूक कैरी देन्दयां। पर अगर कुई मनखि अपणा बोन्‍न मा भूल-चूक नि करदु, त उई खरु मनखि च। अर उ अपणा पूरा सरील तैं भि अपणा वश मा रखी सकदु च।

याकूब 1:27

पर जु मनखि अनाथों अर विधवाओं का दुख मा ऊंकी देख-रेख करदु, अर खुद तैं दुनियां की बुरै से बचै के रखदु उई परमेस्वर की नजर मा सच्‍चु धरमी च। अर इन्द्रया धरमी ही पिता परमेस्वर की नजर मा बेदाग अर सच्‍चा छिन।