गलातियों 3:10 - Garhwali

¹⁰ पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

गढवली नयो नियम

¹⁰ मतलब जथग लोग मूसा द्वारा लिखीं परमेश्वर की व्यवस्था का कामों पर भरोसो रखदींनि, उ पिता परमेश्वर का श्राप का अधीन छिनी, किलैकि पिता परमेश्वर का वचन मा लिख्युं च, “जु कुई मूसा द्वारा लिखीं परमेश्वर की व्यवस्था कि किताब (चाम्रपत्र) मा लिख्यां सभि बातों तैं कन मा स्थिर नि रौंदो, ऊं पर पिता परमेश्वर कु दंड च।”

गलातियों 3:10 Referans Kwoze

रोमियों 8:7

किलैकि शरीर पर मन लगौण को मतलब परमेस्वर का दगड़ा मा दुसमनी रखण च, अर मनखि को सरील ना त परमेस्वर का नियम-कानून का अधीन च अर नऽ त कभि ह्‍वे सकदु।

रोमियों 6:23

किलैकि पाप की ध्याड़ि मौत च, मगर जु लोग प्रभु यीशु मसीह पर बिस्वास करदिन, ऊं पर पिता परमेस्वर दया कैरिके सदनि को जीवन देन्दु।

रोमियों 4:15

मगर सच्‍चै त या च कि नियम-कानूनों से लोगु तैं दण्ड मिलदु, किलैकि लोग नियम-कानून को पालन पूरि तरौं से नि कैरी सकदिन। अगर नियम-कानून नि होन्दा, त लोग भि नियम-कानून का खिलाप मा जैके दोषी नि ठैरदा।

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

2 कुरिन्थि 3:7

अर मौत तैं लेके औण वळा कानून त ढुंगो की पाटि पर लिखे गै छा, जु कि परमेस्वर का दिब्य तेज का द्‍वारा हमरा पितर मूसा तैं दिये गैनी। अर वे बगत परमेस्वर का रैबर्या मूसा को मुख भि वेका तेज से चमकदु छौ, अर भले ही वा चमक जरा-जरा कैरिके खतम ह्‍वे गै मगर फिर भि इस्राएली लोग वीं चमक की वजै से पितर मूसा का मुख जनै देखि नि सकिनी।