गलातियों 2:21 - Garhwali

²¹ मि परमेस्वर की किरपा तैं नकरणु नि छौं, किलैकि अगर मूसा का दियां नियम-कानूनों का द्‍वारा धरमी बणयै जान्दु, त यीशु मसीह को मुरण बेकार ह्‍वे जान्दु।

गढवली नयो नियम

²¹ मि ईं बातों कु इन्कार नि कैरी सकदु कि पिता परमेश्वर ल हमारा प्रति दया का कारण हम तैं बचै। किलैकि जु लोग मूसा की व्यवस्था कु पालन कैरी कै धर्मी बंणि सकदींनि, त मसीह तैं मुरण नि पुड़दो।

गलातियों 2:21 Referans Kwoze

रोमियों 11:6

अर अगर जु वेन ऊंतैं अपणी किरपा से चुणी, त यां को मतलब यू च कि वेन ऊंतैं ऊंका कामों की वजै से नि चुणी जु ऊंन करिनी। अगर कामों की वजै से होन्दु, त दान का रुप मा ज्वा किरपा पिता परमेस्वर करदु, वांको कुई मतलब नि होन्दु।

गलातियों 3:21

अर तुम क्या सोचद्‍यां कि नियम-कानून परमेस्वर का करारों को विरोध करदिन? ना इन बिल्कुल भि नि च, किलैकि अगर इन्द्रयो नियम-कानून दियूं होन्दु, जु हमतै सदनि को जीवन देन्दु, त नियम-कानून को पालन करण से ही हम लोग धरमी ठैरैये जान्दा।

इब्रानी 7:11

अर अगर मूसा रैबर्या का दियां नियम-कानूनों का मुताबिक पुरोहित लोग केवल लेवी का वंशज अर पितर हारुन की पीढ़ी का ही होला, त या योजना कै भि मनखि तैं सिद्ध नि कैरी सकदी। अर अगर इन जि ह्‍वे जान्दु त पुरोहित अपणा काम तैं लगातार कना रौन्दा, मगर पिता परमेस्वर न त अपणी सेवा करण खुणि एक अलग ही पुरोहित तैं चुणी जु कि पितर लेवी का वंश मदि नि छौ। इलै मलिकिसिदक की तरौं सदनि को पुरोहित होणु खुणि एक नयू आदिम चुणै गै।

1 कुरिन्थि 15:14

अर अगर जु मसीह तैं ज्यून्द नि किये गै, त हमरु परचार करण, अर तुमरो वे पर बिस्वास करण भि बेकार च।

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

रोमियों 10:3

अर ऊंतैं यू भि पता नि च, कि पिता परमेस्वर लोगु तैं अपणी नजर मा कनकै धरमी साबित करदु, मगर फिर भि वु लोग अपणा ही तरीका से खुद तैं धरमी साबित करण की पूरि कोसिस कना छिन। इलै ऊंन पिता परमेस्वर का वे तरीका तैं स्वीकार नि कैरी, ज्यां से कि लोग धरमी साबित होनदिन।

1 कुरिन्थि 15:2

अर जु वचन तुमतै दिये गैनी ऊं वचनों तैं याद रखा। अर अगर जु तुम वामा मजबूत नि बणयां रैल्या, त फिर तुमतै कनकै बचयै जालु। अर अगर जु तुम इन नि करिल्या फिर त इन समझा कि तुमरो बिस्वास कन भि बेकार च।

गलातियों 2:18

अर अगर जु मि ऊं कामों तैं फिर से करण लगि जौलु, जौं तैं मिन छोड़याली, त इन कैरिके मि खुद दोषी ठैरि ग्यों।

रोमियों 8:31

हे मेरा भै-बैंणो, अब मि तुमतै इन बतौण चान्दु, कि यों सब बातों की एक ही बात च अर वा या च कि अगर जु पिता परमेस्वर हमरि तरफा च, त हमरु विरोध करण वळु कुई भि नि ह्‍वे सकदु।

मरकुस 7:9

अर यीशु न ऊंकू इन भि बोलि, “वाह, तुम अपणी रीति-रिवाजों को पालन करण खुणि परमेस्वर की आज्ञा तैं कथगा अच्छे से टाळि देन्दयां।

1 कुरिन्थि 15:17

अर अगर जु यीशु मसीह ज्यून्दु नि ह्‍वे त फिर तुमरो बिस्वास कन भि बेकार च, अर जु लोग यीशु पर बिस्वासी कैरिके मोरि गैनी ऊंको भि नास ह्‍वे गै। अर तुम सभ्या का सभि अपणा-अपणा पापों मा फंस्यां छाँ, अर वांको दण्ड तुमतै परमेस्वर बटि जरुर मिलण।

रोमियों 4:25

अर यीशु मसीह ही च जु कि हमरा अपराधों का खातिर मरणु खुणि पकड़वै गै, अर पिता परमेस्वर न वेतैं मुरदो मा बटि ज्यून्द कैरी, ताकि हम वे पर बिस्वास कैरिके धरमी ठैरैये जा।