गलातियों 2:19 - Garhwali

¹⁹ अर नियम-कानूनों को पालन करणु खुणि मि पौलुस नियम-कानून की नजर मा एक मुरयां मनखि का जन ह्‍वे ग्यों, अर अब मि परमेस्वर खुणि जीणु छौं।

गढवली नयो नियम

¹⁹ मि समझदु छों की मूसा की व्यवस्था कु पालन कन मा मि धर्मी घोषित नि हुलु। इलै मि इन मंणदु छों कि मि मूसा की व्यवस्था का बारा मा मोरि ग्यों कि मि पिता परमेश्वर कु मसीह मा ज्यूँदो रौं।

गलातियों 2:19 Referans Kwoze

रोमियों 7:4

हे मेरा भै-बैंणो, ठिक इन्‍नि जब यीशु मसीह तैं क्रूस पर मरे गै, त तुम भि वेका दगड़ा मा मरे ग्यां। इलै अब से तुम पुरणा नियम-कानूनों का भार से आजाद ह्‍वे ग्यां अर हमरु यीशु मसीह जैतैं पिता परमेस्वर न मुरदो मा बटि ज्यून्द कैरी अब उई तुमरो मालिक च। इलै अब तुम पिता परमेस्वर को सेवक बणि के भलै का काम कैरा।

रोमियों 6:2

नऽ रे ना इन नि ह्‍वे सकदु। जब एक बार हम पाप करणु खुणि मुरयां मनखि का जन ह्‍वे ग्यां, त फिर हम पाप का अधीन मा कनकै रै सकद्‍यां?

1 थिस्सलुनीकी 5:10

अर यीशु मसीह हम कू इलै मोरि ताकि हम चै ज्यून्दा रा या मोरि जां, हम सब मिली के वेका दगड़ा मा जीवन ज्यूला।

रोमियों 6:11

ठिक इन्‍नि तुम भि अपणा पापि सभौ तैं मारी द्‍या, पर पिता परमेस्वर खुणि अफ तैं यीशु मसीह का द्‍वारा ज्यून्दु समझा।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

रोमियों 6:14

अगर जु तुम इन करिल्या, त तुम पर पाप को कुई अधिकार नि होलु, किलैकि अब तुम नियम-कानून का अधीन मा नि छाँ, बल्किन मा परमेस्वर की किरपा का अधीन ह्‍वे ग्यां।

1 पतरस 4:6

अर ईं वजै से ही यीशु मसीह का पिछनै चलण वळा लोगु न वेका बारा मा शुभ समाचार को परचार कैरी, जु कि अब मोरि गैनी, अर भले ही पिता परमेस्वर न ऊंको न्याय कैरी अर वु सब भि आम मनखियों की तरौं ही मोरि गैनी, मगर पिता परमेस्वर का पवित्र आत्मा न ऊंतैं सदनि को जीवन दिनी।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

कुलुसी 2:20

हे मेरा भै-बैंणो, तुमरा पापि सभौ तैं यीशु मसीह का दगड़ा क्रूस पर मरे गै, इलै अब बुरी ताकतों को तुम पर कुई अधिकार नि च। अर मितैं इन बता कि अब तुमरो सभौ इन्द्रयो किलै होणा छाँ? अरे, तुम त इन जीवन जीण छाँ जन कि ईं दुनियां का नियम तुम खुणि ही बणयां हो,

गलातियों 3:24

इलै जबरि तक हम यीशु मसीह पर बिस्वास करण वळा नि ह्‍वे ग्यां, तबरि तक ऊं नियम-कानूनों न हमतै सिखै अर हमरि इन जबाबदारी छै कि हम ऊं नियम-कानूनों का मुताबिक चला। पर अब यीशु मसीह पर बिस्वास करण से हम नियम-कानूनों से आजाद ह्‍वे ग्यां, अर परमेस्वर की नजर मा धरमी ठैरै ग्यां।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

1 कुरिन्थि 10:31

इलै चै तुम खा या प्या, जु कुछ भि कैरा वां से पिता परमेस्वर की बडै हो।

रोमियों 7:14

हे मेरा भै-बैंणो, हम जणदा छां कि पिता परमेस्वर का नियम-कानून पवित्र छिन, मगर मि एक साधारण सि मनखि छौं, अर पाप का वश मा होण की वजै से मि भि वेको गुलाम छौं।

रोमियों 5:20

अर परमेस्वर न नियम-कानून इलै दिनी, ताकि सब लोगु तैं ईं बात का बारा मा पता चलि जौ कि ऊ भौत बड़ा पापि छिन, मगर वेका दगड़ा-दगड़ि पिता परमेस्वर की किरपा भि ऊं लोगु खुणि और भि जादा बढदी गै।

रोमियों 4:15

मगर सच्‍चै त या च कि नियम-कानूनों से लोगु तैं दण्ड मिलदु, किलैकि लोग नियम-कानून को पालन पूरि तरौं से नि कैरी सकदिन। अगर नियम-कानून नि होन्दा, त लोग भि नियम-कानून का खिलाप मा जैके दोषी नि ठैरदा।

1 कुरिन्थि 9:20

इलै जु जन छौ, मि ऊं खुणि उन्‍नि बणि ग्यों। मि खुद त मूसा रैबर्या का द्‍वारा दियां नियम-कानूनों से आजाद ह्‍वे ग्यों। मगर फिर भि जब मि यहूदी लोगु का दगड़ा मा रौन्दु त मि ऊं खुणि नियम-कानून का मुताबिक ही चलदु, ताकि वु यीशु मसीह पर बिस्वास कैरा।

गलातियों 6:14

अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।