गलातियों 2:15 - Garhwali

¹⁵ “अर हम दुईया का दुई जनमजात यहूदी छां, अर एक बगत इन छौ जब हम ऊं लोगु तैं पापि मणदा छा, जु कि यहूदी जाति का नि छिन।

गढवली नयो नियम

¹⁵ हम जु जन्म बट्टी ही यहूदी छा, अर अन्यजाति नि छा जूं तैं यहूदी पापी बुल्दींनि।

गलातियों 2:15 Referans Kwoze

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

रोमियों 3:9

अर ज्वा बात मिन तुमतै बतै त क्या हम इन बोलि सकद्‍यां, कि हम यहूदी लोग दुसरा लोगु से भौत अच्छा छां? नऽ रे ना, इन बात नि च, किलैकि हमुन पैलि ही या बात बतैयालि की हरेक मनखि पाप का वश मा च, अब चै वु यहूदी जाति को हो या कुई और।

फिलिप्पी 3:4

पर मि त अपणा सरील पर भि भरोसा रखी सकदु। अर मि त इन्द्रया लोगु से जादा भरोसा रखी सकदु, जु कि अपणा खतना करौण की बात पर बड़ु मोन करदिन।

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

खास चेलों 22:21

अर प्रभु न मिकू बोलि, ‘पौलुस, तू जा, किलैकि मि त्वेतै भौत दूर तक, ऊं लोगु का बीच मा भेजलु जु लोग यहूदी जाति का नि छिन।’”

मत्ती 9:11

अर यू देखि के फरीसी दल का लोगु न यीशु का चेलों कू बोलि, “तुमरो गुरु चुंगी लेण वळो कि, अर ऊंका ही जन दुसरा पापि लोगु का दगड़ा मा खाणुक किलै खान्दु?”

लूका 24:7

ऊंन बोलि छौ कि, ‘यू जरुरी च कि मनखि को पुत्र पापि लोगु का हाथ मा पकड़वै जौ, ताकि ऊ वेतैं क्रूस पर चड़ै द्‍या। अर फिर उ तिसरा दिन मुरदो मा बटि ज्यून्दु ह्‍वे जौ।’”

गलातियों 2:17

अर हम जु यीशु मसीह पर बिस्वास कैरिके परमेस्वर की नजर मा धरमी बणणे की कोसिस करण पर लग्यां छां, अर अगर जु हम खुद ही पाप करण लगि जां, त यां को मतलब त इन ह्‍वे गै कि यीशु मसीह खुद पाप को सेवक च अर हमतै पाप करणु खुणि उकसौन्दु, त क्या इन्दरि बात च? नऽ रे ना इन्दरि बात बिल्कुल भि नि च।