गलातियों 2:14 - Garhwali

¹⁴ पर जब मिन देखि कि उ शुभ समाचार की सच्‍चै का मुताबिक सीदी चाल नि चलणा छिन, त मिन सभ्यों का समणि पतरस कू बोलि, “पतरस, जब तू एक यहूदी जाति को होण का बाद भि ऊंकी तरौं जीवन जीणी छैई, जु यहूदी जाति का नि छिन। त फिर तू ऊं लोगु तैं यहूदी रीति-रिवाजों का मुताबिक चलणु खुणि किलै मजबूर कनि छैई, जु यहूदी जाति का नि छिन?

गढवली नयो नियम

¹⁴ जब मिल देखि, कि उ वीं सचै को अनुसरण नि कना छा जु शुभ सन्देश सिखांद, त मिल सभियूं का संमणी पतरस जै कु कैफा भि बुलै जांद छों वेको बोलि, “तु एक यहूदी हवे के भि, अन्यजातियों का रीति-रिवाजों को पालन करदु छै अर यहूदियों को रीति-रिवाजों को पालन नि कनु छै, जु तिल इन करयूं च, त फिर तु अन्यजातियों तैं हम यहूदियों का रीति-रिवाजों कु पालन कनु कु दबाव किलै डलणी छै?”

गलातियों 2:14 Referans Kwoze

गलातियों 2:5

पर हम जरा देर खुणि भि ऊं जासूसों की बातों का अगनै नि झुक्यां अर यू सब हमुन इलै कैरी, ताकि शुभ समाचार की ज्वा सच्‍चै तुमुन पै वा तुम मा बणि रौ।

खास चेलों 10:28

अर वेन ऊंकू बोलि कि, “तुम लोग त जणदा ही छाँ, कि कै भि यहूदी जाति का मनखि तैं दुसरि जाति का लोगु का दगड़ा मा कन्द्रयो भि मेल-जोल रखण या ऊंका इख जाण, हमरा नियम-कानूनों का खिलाप मा च। मगर फिर भि परमेस्वर न मितैं इन दिखै, कि मि कै भि मनखि तैं इन नि समझु, कि वु पवित्र नि च या परमेस्वर कैतैं स्वीकार नि करदु।

1 तीमुथियुस 5:20

अर बार-बार पाप करण वळा तैं सभि लोगु का समणि झिड़की, ताकि वेतैं देखि के दुसरा बिस्वासी लोग भि पाप करण से डौऽरा।

गलातियों 6:12

हे मेरा दगड़्यों, कुछ लोग दिखावा करणु खुणि तुमतै मजबूर करणा छिन, कि खतना का रिवाज तैं पूरु कैरा। अर मि तुमतै बतै देन्दु कि वु इन इलै करणा छिन, ताकि यीशु को परचार करण की खातिर ऊंतैं सतयै नि जौ।

इब्रानी 12:13

जन कि पवित्रशास्‍त्र मा भि लिख्यूं च कि, “ठिक बाटा पर चला” तब जु लोग तुमरा पिछनै चलदा छिन, याने कि जु लोग बिस्वास मा कमजोर अपंग मनखि का जन छिन, वु पिछनै नि हटला, बल्किन मा बिस्वास मा मजबूत ह्‍वे जाला।

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

गलातियों 2:7

उल्टां ऊंतैं इन पता चलि गै, कि जन परमेस्वर न पतरस तैं यहूदी जाति का लोगु का बीच मा शुभ समाचार परचार करण को काम सौप्युं च, ठिक उन्‍नि मितैं भि उई काम सौंपे गै, कि मि ऊं लोगु का बीच मा परचार कैरुं जु यहूदी जाति का नि छिन।

रोमियों 14:14

अर मि प्रभु यीशु का बार मा जणदु छौं, अर वेसे जु बिस्वास मितैं मिलदु वां से इन साबित ह्‍वे जान्दु, कि कुछ खाण से कुई भि चीज मितैं अशुद्ध नि करदी। मगर कुछ लोग इन सोचदिन, कि ऊंका कुछ खाणुक खाण से वु अशुद्ध होणा छिन, त ऊं खुणि वु खाणुक अशुद्ध च।

खास चेलों 15:24

दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।

गलातियों 2:3

अर कै भि अध्यक्ष न मेरा दगड़्या मा अयां तीतुस भै का बारा मा नि पूछी, अर ना ही वेका खतना का बारा मा, कि वेन खतना का रिवाज तैं पूरु कर्युं च की ना। जब की उ त एक यूनानी जाति को मनखि छौ।

खास चेलों 15:1

अर फिर यहूदिया मुलक बटि कुछ लोग अन्ताकिया नगर मा ऐनी, अर बिस्वासी भै-बैंणो तैं सिखौण लगि गैनी अर ऊंन बोलि, “सुणा, अगर तुम परमेस्वर का सेवक मूसा का दियां नियम-कानूनों का मुताबिक अगर खतना का रिवाज तैं पूरु नि करवैल्या, त तुम लोगु तैं बचयै नि जाण।”

खास चेलों 15:5

मगर बिस्वासी फरीसी लोगु मा बटि कुछ लोग उठनि अर ऊंन बोलि, “जु लोग यहूदी जाति का नि छिन अर प्रभु पर बिस्वास करदिन ऊं लोगु तैं खतना का रिवाज तैं पूरु करण जरुरी च, अर ऊंतैं इन हुकम देण चयेणु कि ऊ मूसा का दियां नियम-कानून को पालन कैरा।”

गलातियों 1:6

मितैं ईं बात पर बड़ु ताजुब होणु च, कि जै पिता परमेस्वर न तुमतै यीशु मसीह की किरपा का द्‍वार अपणा पास बुलै, आज तुम वेतैं छोड़ि के कैं दुसरा ही शुभ समाचार को पालन करण लगि ग्यां।

गलातियों 1:18

अर ठिक तीन साल बाद मि पतरस बटि मुलाकात करणु खुणि यरूशलेम नगर कू ग्यों, अर उख पन्द्ररा दिनों तक वेका दगड़ा मा रौंऽऽ।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।