गलातियों 1:6 - Garhwali

⁶ मितैं ईं बात पर बड़ु ताजुब होणु च, कि जै पिता परमेस्वर न तुमतै यीशु मसीह की किरपा का द्‍वार अपणा पास बुलै, आज तुम वेतैं छोड़ि के कैं दुसरा ही शुभ समाचार को पालन करण लगि ग्यां।

गढवली नयो नियम

⁶ मि तैं ईं बात बट्टी हैरानी हूंदू, कि पिता परमेश्वर ल तुम तैं मसीह की दया मा रौंणु कु बुलै, अर वे पिता परमेश्वर तैं छोड़ी के तुम ल नया ही शुभ सन्देश पर विश्वास कन शुरू कैरेले।

गलातियों 1:6 Referans Kwoze

2 कुरिन्थि 11:4

अर मि तुमतै चितै देन्दु कि तुमरा बीच मा कुछ इन्द्रया लोग ऐ गैनी, जु कि यीशु मसीह का बारा मा कुछ अलग ही शिक्षा देणा छिन, ज्वा कि हमरि दिईं शिक्षा से बिल्कुल अलग च। अर वे बगत मा तुमुन हमरा द्‍वारा शुभ समाचार तैं सुणी अर पवित्र आत्मा तैं पै, मगर अब तुम कै दुसरा ही रैबार तैं सुनणु खुणि अर कै दुसरा ही आत्मा तैं पौणु खुणि तयार होयां छाँ।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

1 कुरिन्थि 4:15

हालांकि, सच्‍चै का बाटा पर चलौणु खुणि तुमरा पास सिखौण वळा हजारों गुरु ह्‍वे सकदिन, मगर तुमरा भौत बुबा नि छिन। ठिक उन्‍नि मि भि तुम खुणि एक बुबा का जन बणि ग्यों, किलैकि मिन ही तुमतै शुभ समाचार का बारा बतै, अर मेरा द्‍वारा ही तुमुन प्रभु यीशु मसीह पर बिस्वास कैरी।

खास चेलों 15:11

मगर हमरु त यू बिस्वास च, जन कि प्रभु यीशु की किरपा से आज हम लोगु तैं बचयै गै, ठिक उन्‍नि ऊं लोगु तैं भि बचयै गै जु यहूदी जाति का नि छिन।”

गलातियों 5:4

अर तुम मा बटि जथगा भि लोग नियम-कानूनों को पालन करण का द्‍वारा परमेस्वर की नजर मा धरमी होण की कोसिस कना छिन, अर यीशु मसीह पर बिस्वास नि करदिन त मि तुमतै बतै देन्दु कि तुम सब वेसे अर परमेस्वर की किरपा से भि दूर ह्‍वे ग्यां।

रोमियों 10:3

अर ऊंतैं यू भि पता नि च, कि पिता परमेस्वर लोगु तैं अपणी नजर मा कनकै धरमी साबित करदु, मगर फिर भि वु लोग अपणा ही तरीका से खुद तैं धरमी साबित करण की पूरि कोसिस कना छिन। इलै ऊंन पिता परमेस्वर का वे तरीका तैं स्वीकार नि कैरी, ज्यां से कि लोग धरमी साबित होनदिन।

1 तीमुथियुस 1:14

अर मि पर प्रभु की किरपा भरपूरी से ह्‍वे, अर ईं किरपा का दगड़ा मा मितैं बिस्वास अर प्यार भि मिली, अर यू यीशु मसीह का दगड़ा मा जुड़यां रौण से मिली।

दिब्य दरस 22:21

प्रभु यीशु की किरपा तुम पर हो। आमीन।

2 तीमुथियुस 2:1

हे मेरा नौना तीमुथियुस, तू यीशु मसीह की किरपा मा मजबूत ह्‍वे जा।

2 तीमुथियुस 1:9

अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्‍वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।

2 थिस्सलुनीकी 2:14

अर छुटकारा पौण का खातिर ही परमेस्वर न तुमतै बुलै ताकि जु आदर प्रभु यीशु मसीह तैं परमेस्वर न देई, वेका हकदार तुम भि ह्‍वे जा। अर ये शुभ समाचार का बारा मा हमुन ही तुमतै बतै, अर वे पर बिस्वास कैरिके तुम बचयै ग्यां।

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

यूहन्ना 9:30

तब वे मनखि न जबाब देई, “या त बड़ी ताजुब की बात च, कि तुम नि जणद्‍यां कि उ कखो च, पर फिर भि वेन मेरा आंख्यों तैं खूब कैरी दिनी।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

1 पतरस 1:15

इलै जन तुमतै बुलाण वळु परमेस्वर पवित्र च, ठिक उन्‍नि तुम भि पवित्र बणा।

मरकुस 6:6

अर बिस्वास नि करण की बात तैं देखि के यीशु तैं ऊं पर बड़ु ताजुब ह्‍वे। फिर उ गौं-गौं मा जैके के उपदेस देण लगि गै।

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

गलातियों 1:7

पर मि तुमतै बतै देन्दु कि पिता परमेस्वर को कुई दुसरो समाचार छैई नि च, अर सच्‍चि बात त या च कि कुछ लोग तुमतै भरमौणा छिन, अर इन कैरिके वु लोग मसीह का शुभ समाचार तैं ही बदलण चाणा छिन।

गलातियों 1:11

हे मेरा भै-बैंणो मि तुमतै बतै देन्दु, कि जै शुभ समाचार को परचार मिन तुमरा बीच मा कैरी, वु कै मनखि का द्‍वारा नि बणयै गै।

गलातियों 1:15

मगर परमेस्वर न मितैं माँ का पुटगुन्द ही अफ खुणि चुणी के अलग कैरियाली छौ, अर अपणी महान किरपा का द्‍वारा वेन मितैं बुलै। अर वे परमेस्वर तैं या बात अच्छी लगि कि,

गलातियों 2:2

अर उख मि इलै ग्यों, किलैकि परमेस्वर न मि पर यू परगट कैरी छौ, कि मितैं उख जाण चयेणु। अर उख मि ऊं लोगु से मिलु, जु कि बिस्वासी समुदाय का अध्यक्ष लोग छा। अर ईं सभा मा मिन ऊंतैं अकेला मा जैके वे शुभ समाचार का बारा मा बतै, जैको परचार मि ऊं लोगु का बीच मा कनु छौं जु यहूदी जाति का नि छिन। अर इन मिन इलै कैरी, ताकि मेरी पैले की मेनत अर ज्वा मि अभि कनु छौं, कखि वा बरबाद नि ह्‍वे जौ।

गलातियों 2:5

पर हम जरा देर खुणि भि ऊं जासूसों की बातों का अगनै नि झुक्यां अर यू सब हमुन इलै कैरी, ताकि शुभ समाचार की ज्वा सच्‍चै तुमुन पै वा तुम मा बणि रौ।

गलातियों 2:7

उल्टां ऊंतैं इन पता चलि गै, कि जन परमेस्वर न पतरस तैं यहूदी जाति का लोगु का बीच मा शुभ समाचार परचार करण को काम सौप्युं च, ठिक उन्‍नि मितैं भि उई काम सौंपे गै, कि मि ऊं लोगु का बीच मा परचार कैरुं जु यहूदी जाति का नि छिन।

गलातियों 2:14

पर जब मिन देखि कि उ शुभ समाचार की सच्‍चै का मुताबिक सीदी चाल नि चलणा छिन, त मिन सभ्यों का समणि पतरस कू बोलि, “पतरस, जब तू एक यहूदी जाति को होण का बाद भि ऊंकी तरौं जीवन जीणी छैई, जु यहूदी जाति का नि छिन। त फिर तू ऊं लोगु तैं यहूदी रीति-रिवाजों का मुताबिक चलणु खुणि किलै मजबूर कनि छैई, जु यहूदी जाति का नि छिन?

गलातियों 5:14

किलैकि पूरु नियम-कानून एक ही बात मा पूरु ह्‍वे जान्दु अर वु इन च कि, “जन प्यार तू अफ बटि करदी उन्‍नि सब लोगु से भि कैर।”