गलातियों 1:23 - Garhwali

²³ पर ऊंन मेरा बारा मा सिरफ इथगा सुणी छौ, कि पौलुस नौ एक मनखि बिस्वासी लोगु तैं भौत सतौन्दु, मगर अब वेन खुद वे पिता परमेस्वर का शुभ समाचार पर बिस्वास कैरियाली। अर वे ही शुभ समाचार का बारा मा अब उ लोगु तैं बतौणु भि च, जै शुभ समाचार तैं नास करण को पूरु जतन उ कनु छौ।

गढवली नयो नियम

²³ पर ऊंल बार-बार सूंणि, कि एक बगत पैली हमारो सतौंण वलो छो, अब यीशु मसीह मा ऊई वे विश्वास कु शुभ सन्देश प्रचार कनु च, जबकि यां से पैली उ लुखुं तैं मसीह पर विश्वास कन से रुकणै की कोशिश करदु छो।

गलातियों 1:23 Referans Kwoze

खास चेलों 9:13

पर हनन्याह न प्रभु तैं इन जबाब दिनी, “प्रभु, मिन ये मनखि का बारा मा भौत कुछ सुणयूं च, कि येन यरूशलेम नगर मा तुमरा बिस्वासी लोगु का दगड़ा मा भौत बुरु बरतौ कैरी।

खास चेलों 9:20

अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

खास चेलों 9:26

अर जब शाऊल यरूशलेम नगर मा पौंछी, त वेन बिस्वासी लोगु का दगड़ा मा मिलण को पूरु जतन कैरी, मगर वु सब वेसे डऽरदा छा, किलैकि ऊंतैं वे पर यकीन नि होणु छौ, कि उ भि यीशु मसीह पर बिस्वास करण वळु बणि गै।

खास चेलों 6:7

अर इनकै परमेस्वर को वचन और भि जादा फैलदी गै, अर यरूशलेम नगर मा बिस्वासी लोगु की गिनती और भि जादा ह्‍वे गै। अर भौत सा पुरोहितों न बिस्वास कैरी अर यू भि ऊंका दगड़ा मा मिली गैनी।

खास चेलों 9:21

अर शाऊल की या बात सुणी के लोग घंघतोळ मा पोड़ि गैनी अर बुलण लगि गैनी कि, “क्या यू उई मनखि नि च जु यरूशलेम नगर मा यीशु पर बिस्वास करण वळो तैं नास कनु छौ? अरे यू त इख भि ये ही मकदस से अयूं छौ, कि बिस्वासी लोगु तैं गिरफ्तार कैरिके मुख्य पुरोहितों का पास लि जौ।”

खास चेलों 19:13

मगर यहूदियों मा बटि कुछ लोग इन छा जु जग-जगा घूमी के झाड़-फूक कैरिके खबेसों तैं निकळण को काम करदा छा। अर यू लोग इन करण लगि गैनी कि जैमा भि खबेस लग्यूं रौन्दु छौ ऊंकू यीशु को नौ लेके इन बुल्दा छा कि, “जै यीशु को परचार पौलुस करदु, वेका नौ से मि त्वेतै आज्ञा देन्दु कि, ‘निकळ वेमा बटि।’”

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।