गलातियों 1:18 - Garhwali

¹⁸ अर ठिक तीन साल बाद मि पतरस बटि मुलाकात करणु खुणि यरूशलेम नगर कू ग्यों, अर उख पन्द्ररा दिनों तक वेका दगड़ा मा रौंऽऽ।

गढवली नयो नियम

¹⁸ अर तीन बरस का बाद पतरस जु कैफा कहलांद वे बट्टी मुलाकात कनु कु मि यरूशलेम शहर मा ग्यूं, अर वे दगड़ी पन्द्रह दिन तक रयूं।

गलातियों 1:18 Referans Kwoze

यूहन्ना 1:42

अर उ वेतैं यीशु का समणि लेके ऐ। तब यीशु न वेतैं देखि के बोलि कि, “तू यूहन्‍ना को नौनु शमौन छैई, त्वेकू आज बटि कैफा मतलब पतरस बुले जालु।”

गलातियों 2:7

उल्टां ऊंतैं इन पता चलि गै, कि जन परमेस्वर न पतरस तैं यहूदी जाति का लोगु का बीच मा शुभ समाचार परचार करण को काम सौप्युं च, ठिक उन्‍नि मितैं भि उई काम सौंपे गै, कि मि ऊं लोगु का बीच मा परचार कैरुं जु यहूदी जाति का नि छिन।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

गलातियों 2:11

अर जब पतरस भै अन्ताकिया नगर मा अयूं छौ, त मिन वेतैं सब लोगु का समणि वेको विरोध कैरी, किलैकि वे बगत जु वेन कैरी वु गळत छौ।

गलातियों 2:14

पर जब मिन देखि कि उ शुभ समाचार की सच्‍चै का मुताबिक सीदी चाल नि चलणा छिन, त मिन सभ्यों का समणि पतरस कू बोलि, “पतरस, जब तू एक यहूदी जाति को होण का बाद भि ऊंकी तरौं जीवन जीणी छैई, जु यहूदी जाति का नि छिन। त फिर तू ऊं लोगु तैं यहूदी रीति-रिवाजों का मुताबिक चलणु खुणि किलै मजबूर कनि छैई, जु यहूदी जाति का नि छिन?