गलातियों 1:14 - Garhwali

¹⁴ अर वे बगत त मि अपणा पितरों की रीति-रिवाजों तैं मनण मा, अर अपणी उमर का भौत सा यहूदी लोगु का बीच मा, अर अपणा देस का लोगु मा भि मि सबसे जादा तेज छौ।

गलातियों 1:14 Referans Kwoze

कुलुसी 2:8

अर चौकस रा, कखि कुई अपणी बेकार की बातों अर मन से बणईं शिक्षा का द्‍वारा तुमतै धोखा देके अपणु सिकार नि बणै द्‍यो, अर या शिक्षा मनखियों की बुलिं औखाणों अर दुनियां कि पुरणि शिक्षाओं का मुताबिक च, इन्दरि शिक्षा यीशु मसीह का मुताबिक नि च।

खास चेलों 26:5

अर जु लोग मितैं पैलि बटि पछ्याणदिन अगर ऊ चा, त ईं बात का खातिर मि खुणि गवै दे सकदिन, कि फरीसी होण का नाता मि अपणा धरम तैं मनण वळो मा बटि सबसे कट्‍टर मनखि छौं।

1 पतरस 1:8

अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।

खास चेलों 22:3

“मि एक यहूदी जाति को मनखि छौं। मेरी पैदेस त किलिकिया मुलक का तरसुस नगर मा ह्‍वे, अर ये यरूशलेम नगर मा मेरु पालन-पोसण ह्‍वे। अर पितरों का नियम-कानूनों की शिक्षा मितैं गमलीएल गुरुजी बटि बड़ी सख्‍तै से मिली। अर मि मा भि परमेस्वर खुणि जोस छौ, जन की तुम सब लोगु मा च।

मत्ती 15:6

अर तुम इन भि सिखौन्द्‍यां कि, ‘अगर तुम अपणा ब्वे-बाब तैं नि देखि सकद्‍यां, त कुई बात नि च,’ अर इन कैरिके तुम अपणा रीति-रिवाजों को पालन करौण का खातिर परमेस्वर की आज्ञा तैं ही टाळि देन्द्‍यां।

खास चेलों 26:9

“अरे साब, मितैं भि इन्‍नि लगदु छौ कि नासरत गौं का यीशु पर जु लोग बिस्वास करदिन, ऊंका खिलाप जैके मिसे जथगा जादा ह्‍वे सैको मि ऊंको विरोध कैरुं अर मिन यरूशलेम नगर मा जैके इन्‍नि कैरी।

खास चेलों 21:20

अर यों बातों तैं सुणी के अध्यक्ष लोगु न परमेस्वर की बडै कैरी। तब ऊंन वेकू बोलि, “पौलुस भै, क्या तुमतै पता च, कि यहूदियों मा बटि भौत सरा लोगु न बिस्वास कैरी, पर वु लोग इन सोचदिन कि मूसा का नियम-कानूनों तैं मनण भौत जरुरी च।