गलातियों 1:11 - Garhwali

¹¹ हे मेरा भै-बैंणो मि तुमतै बतै देन्दु, कि जै शुभ समाचार को परचार मिन तुमरा बीच मा कैरी, वु कै मनखि का द्‍वारा नि बणयै गै।

गढवली नयो नियम

¹¹ हे विश्वासी भयों, मि तुम तैं बतौंणु छौं, कि जु शुभ सन्देश प्रचार मिल तुम तैं सुंणै, उ लुखुं का विचारों का हिसाब से नि च।

गलातियों 1:11 Referans Kwoze

गलातियों 1:1

हे मेरा भै-बैंणो, मि पौलुस अर वु सब बिस्वासी भै-बैंणा जु कि मेरा दगड़ा मा छिन, मि या चिठ्‍ठी गलाति मुलक मा रौण वळा बिस्वासी समुदाय का लोगु खुणि लिखणु छौं। मेरा दगड़्यों, मितैं नऽ त कै खास मनखि न, अर ना ही लोगु द्‍वारा खास चेला का रुप मा चुणै गै, बल्किन मा मितैं त यीशु मसीह अर पिता परमेस्वर न खास चेला का रुप मा चुणी, हाँ, वे ही पिता परमेस्वर न जैन यीशु मसीह तैं मुरदो मा बटि ज्यून्द कैरी, अर वेन ही खुद यू काम कैरी।

1 कुरिन्थि 11:23

हे मेरा भै-बैंणो, ज्वा बात प्रभु की तरफा बटि मितैं मिली, वा ही बात मिन तुमतै सिखै कि प्रभु यीशु मसीह जिं रात वेतैं पकड़वै गै, वीं ही रात पकड़वै जाण से पैलि वेन रुट्‍टी ले,

रोमियों 2:16

अर यू सब कुछ आखिरी का दिन मा होलु, जब पिता परमेस्वर यीशु मसीह का द्‍वारा लोगु का गुप्‍त कामों को न्याय करलु। अर जै शुभ समाचार को परचार मि करदु उ यू ही च।

1 कुरिन्थि 3:4

अर जब तुम अपणा बीच मा इन बुल्द्‍यां कि, “मि पौलुस को छौं,” अर दुसरो बुल्दु कि, “मि अपुल्‍लोस को छौं” इन बोलि के त तुम एक-दुसरा का खिलाप मा छाँ, अरे तुम त ऊं लोगु का जन छाँ जु बिस्वास नि करदिन।

1 कुरिन्थि 9:8

अर यू सब बात त मि दुनियां मा होण वळी बातों का मुताबिक ही नि बोन्‍नु छौं, बल्किन मा परमेस्वर का नियम-कानूनों मा भि हमतै या ही शिक्षा मिलदी,

गलातियों 1:6

मितैं ईं बात पर बड़ु ताजुब होणु च, कि जै पिता परमेस्वर न तुमतै यीशु मसीह की किरपा का द्‍वार अपणा पास बुलै, आज तुम वेतैं छोड़ि के कैं दुसरा ही शुभ समाचार को पालन करण लगि ग्यां।