इफिसुस 5:27 - Garhwali

²⁷ अर ऊंतैं पूरि सान-सौकत से अपणा समणि खड़ु कैरो, जैमा कुई दाग नि हो, अर ना कुई झुरी अर ना ही कुई बुरै हो, अर उ पवित्र अर बेदाग हो।

गढवली नयो नियम

²⁷ मसीह ल इन इलै कैरी कि उ हम सभि विश्वासी लुखुं की मण्डलि तैं एक इन महिमामय झुण्ड बंणै साका जु वे बट्टी जुड़यां छिनी, इन लोग जु मा कुई कमी नि हो, बल्कि उ पूरी रीति पवित्र हों जब उ हम तैं अपड़ा संमणी कठ्ठा करदु।

इफिसुस 5:27 Referans Kwoze

कुलुसी 1:22

मगर यीशु मसीह न अपणा सरील मा जिं मौत तैं सै, वेका द्‍वारा पिता परमेस्वर न तुमरो मेल-जोल अफ दगड़ा मा कैरियाली। अर अब वु तुमतै अपणा समणि पवित्र अर बेदाग, अर बिना गळती को खड़ु होयुं दिखण चाणु च।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

1 पतरस 1:19

बल्किन मा यू त तुमतै भौत कीमती ल्वे की वजै से मिली, जु कि यीशु मसीह को च अर वेमा कुई दाग अर दोष नि च, किलैकि उ बेदाग मेम्‍ना च जैन कुई भि पाप नि कैरी।

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

2 कुरिन्थि 11:2

अर मितैं तुमरि बड़ी परवा च, ठिक उन्‍नि परवा जन पिता परमेस्वर तैं तुमरि च। अर अब तुम एक कुंवारी नौनि का जन छाँ, जिं की मांगण मिन पवित्र यीशु मसीह का दगड़ा मा करीं च।

कुलुसी 1:28

अर वे ही मसीह को परचार हम लोग करद्‍यां अर लोगु तैं चितै देन्द्‍यां, अर हरेक मनखि तैं अपणा पूरा ज्ञान से सिखौन्द्‍यां, ताकि हरेक मनखि तैं एकदम सिद्ध बणै के पिता परमेस्वर का समणि खड़ु कैरी सैका।

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।

2 पतरस 3:14

इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

यहूदा 1:21

खुद तैं पिता परमेस्वर का प्यार मा और भि जादा मजबूत बणै के रखा। अर सदनि का जीवन तैं पौणु खुणि हमरा प्रभु यीशु मसीह की दया को इंतजार कैरा।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

दिब्य दरस 14:4

अर यू ऊ लोग छिन जु अणविवाक ही रैनी अर यों न खुद तैं जनानियों का दगड़ा मा अशुद्ध नि कैरी। किलैकि यीशु जु कि मेम्‍ना च अर जख-जख वु जान्दु यू वेका पिछनै-पिछनै चलदिन, इलै परमेस्वर की सेवा खुणि यों लोगु तैं धरती का सब लोगु मदि सबसे पैलि चुणी के खरीदे गै।