इफिसुस 5:15 - Garhwali

¹⁵ इलै हे मेरा दगड़्यों, अपणा-अपणा चाल-चलन पर ध्यान द्‍या, मूरख मनखि की तरौं ना, बल्किन मा अकलमन्द मनखियों की तरौं अपणु जीवन ज्या।

गढवली नयो नियम

¹⁵ इलै ध्यान द्यावा, कि अपड़ा स्वभाव का बारा मा खास रूप बट्टी चौकस रावा; निर्बुद्धि का जन न पर बुद्धिमान जन चला।

इफिसुस 5:15 Referans Kwoze

कुलुसी 4:5

अर बगत तैं अच्छु समझि के वेको पूरु इस्तेमाल कैरा। अर जु लोग प्रभु यीशु पर बिस्वास नि करदिन, ऊं लोगु का दगड़ा मा अपणु बरतौ बड़ा समझदारी से कैरा।

याकूब 3:13

तुम मा बटि ज्ञानी अर समझदार कु च? अर अगर कुई छैई च, त उ अपणा अच्छा चाल-चलन अर ज्ञान से भलु बणु अर अपणु काम पूरु कैरिके दिखौ।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

1 तीमुथियुस 6:9

पर जु सेठ बणण चनदिन ऊ अजमैस मा पोड़दिन, अर जाल अर खतरनाक मनसा मा पोड़ि जनदिन। अर इन मनसा ऊंतैं बिगाड़ि देन्दी, अर विणास का बाटा मा ले जान्दी।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

मत्ती 10:16

अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

1 थिस्सलुनीकी 5:15

अर ईं बात तैं ध्यान मा रखा, कि अगर कुई तुमरा खिलाप मा बुरै करदु, त तुम वेका बदला मा बुरै नि कर्यां। पर हमेसा भलै करण की कोसिस कैरा, ज्यां से की सब लोगु की भलै हो।

लूका 24:25

तब वेन ऊंकू बोलि, “अरे लाटों, अर परमेस्वर का रैबर्यों का द्‍वारा बोलि बातों पर देर से बिस्वास करण वळो,

गलातियों 3:3

अरे, क्या तुम पर इथगा भि दिमाग नि च? कि जु काम तुमुन पवित्र आत्मा का द्‍वारा शुरु करिनी, अब तुम ऊंतैं सरील की ताकत से पूरु करण चाणा छाँ?

इब्रानी 12:25

इलै ईं बात तैं याद रखा कि, जब पितर मूसा न इस्राएली लोगु तैं परमेस्वर को रैबार सुणै त ऊं लोगु न आज्ञा को पालन नि कैरी अर वु लोग नि बचि सकिनी, इलै चौकस ह्‍वे जा किलैकि अब जब परमेस्वर सीदा स्वर्ग बटि हम से बात करदु, अर अगर अब हम भि आज्ञा नि मणद्‍यां त हम कनकै बचि सकुला।

मत्ती 27:24

जब पिलातुस न देखि कि कुई फैदा नि होणु, बल्किन मा हल्‍ला और भि जादा होणु च, त वेन पाणि ले अर भीड़ का समणि अपणा हाथ ध्वेके बोलि, “ये निरदोष मनखि का ल्वे मा मेरु कुई हाथ नि च येका बारा मा तुम ही जाणा।”

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

मत्ती 8:4

अर यीशु न वेकू बोलि, “पर सुण, येका बारा मा कै मा कुछ भि नि बोलि, मगर जा, अर अफ तैं पुरोहित मा दिखौ। अर अपणा शुद्ध होण का खातिर लोगु का समणि मूसा का दिया नियम-कानूनों का मुताबिक भेंट चड़ौ, ताकि वु लोग खुद ईं बात का गवा ह्‍वे जा, कि तू शुद्ध ह्‍वे गै।”

इफिसुस 5:33

पर फिर भि तुम मा बटि हरेक मनखि अपणी घरवळी से उन्‍नि प्यार कैरो, जन उ खुद से करदु। अर ठिक उन्‍नि घरवळी भि अपणा पति तैं पूरु आदर-सम्मान द्‍यो।

कुलुसी 1:9

इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

मत्ती 27:4

अर वेन ऊंकू बोलि, “मिन एक निरदोष मनखि की मौत खुणि वेका दगड़ा मा बिस्वासघात कैरिके पाप कैरियाली,” पर ऊंन वेकू बोलि, “हमतै ईं बात से कुई भि मतलब नि च, तू खुद ही निस्तारि ले।”

मत्ती 25:2

अर ऊंमा बटि पांच त मूरख, अर पांच समझदार छै।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।