इफिसुस 4:29 - Garhwali

²⁹ अर कुई भि गळत बात तुमरा गिच्‍चा बटि नि बुले जौ, पर सिरफ इन्दरि बात ही बुले जौ जु बगत का मुताबिक दुसरा लोगु की हिम्मत बढौणु खुणि अच्छी हो, ताकि वेका द्‍वारा सुनण वळो की भलै हो।

गढवली नयो नियम

²⁹ कुई गंदी बात तुमारा गिच्चा बट्टी नि निकलो, बल्कि भस उ ही बोला जु लुखुं कि उन्नति कनै कि जरुरी च, कि जु कुछ भि तुम बुल्दा छा उ सुनण वलो तैं आत्मिक रूप बट्टी फैदा कैरी साको।

इफिसुस 4:29 Referans Kwoze

कुलुसी 4:6

अर बात-चित करण मा तुमतै दीन होण चयेणु, ताकि तुमरि बात सभ्यों तैं अच्छी लगौ, अर तुमतै हरेक बात को जबाब देण भि औण चयेणु।

1 थिस्सलुनीकी 5:11

इलै जन की तुम करदी औणा छाँ एक-दुसरा तैं दिलासा दिणा रा, अर एक-दुसरा की हिम्मत बढा।

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

लूका 4:22

अर सभ्यों न वेकी तारीफ कैरी, अर जु भलै की बात वेन बुलिनी, ऊंतैं सुणी के सब लोग हकदक ह्‍वे गैनी। अर ऊ बुलण लगि गैनी, “अरे यू त यूसुफ को नौनु च?”

1 पतरस 3:1

हे मेरी बैंणो, तुम अपणा-अपणा पति का अधीन मा रा। अर अगर जु तुमरा बीच मा कै को पति, परमेस्वर का वचन को पालन नि करदु हो, त हे मेरी बैंण, अपणा पति कू बिना कुछ बुलयां, तू अपणा पवित्र अर आदर-सम्मान देण वळा चाल-चलन तैं दिखौ, अर इन कैरिके तू अपणा पति तैं बिस्वास मा लेके ऐ सकदी छैई।

इफिसुस 4:16

अर उ बिस्वासी समुदाय का सब लोगु तैं पूरि तरौं से एक कैरिके रखदु, ज्यां से की हरेक मनखि अपणा-अपणा बुलये जाण का मुताबिक काम कैरी सैको। अर समुदाय को हरेक मनखि इन इलै कैरो, ताकि हरेक बिस्वासी वचन मा अगनै बढी सैको। अर मसीह जु कि बिस्वासी समुदाय को मुण्ड़ च वेको पूरु सरील खूब रौ, हम हरेक दिन बढदी जां अर वेका प्यार मा जड़ भि पकड़दी जां।

इफिसुस 4:12

अर इन वेन इलै कैरी, ताकि बिस्वासी लोगु तैं सेवा का काम का लैख बणयै जौ अर यीशु मसीह को बिस्वासी समुदाय और भि जादा तरक्‍की कैरो।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

1 कुरिन्थि 14:19

इलै मि बिस्वासी समुदाय मा ऊं भाषाओं को इस्तेमाल नि करदु, किलैकि मि खुणि या बात जादा फैदे की च कि मि अपणा ज्ञान मा बटि जण चर-एक बात ही कैरुं, ताकि सब बिस्वासी लोग समझि सैका अर मजबूत ह्‍वे जा। अर अगर जु मि भौत सरी बात बोललु, अर कै की समझ मा कुछ भि नि अऽ, त फिर क्या फैदा ह्‍वे अर इन करण से कुछ भि नि होण।

रोमियों 14:19

इलै हम ऊं बातों तैं पूरु करण मा लग्यां रा, जौं बातों से मेल-जोल होन्दु, अर जु बात एक-दुसरा का बिस्वास तैं मजबूत बणौण मा काम औन्दिन।

रोमियों 15:2

हरेक मनखि अपणा-अपणा बिस्वासी लोगु तैं ऊं बातों मा खुश रखो, ज्यां से ऊंकी भलै होणी हो, ताकि वु लोग बिस्वास मा और भि जादा मजबूत होन्दी जा।

यूहन्ना 1:37

जब ऊं दुई चेलों न वेतैं यू बुल्द सुणी, तब वु यीशु का पिछनै चलि गैनी।