इफिसुस 4:24 - Garhwali

²⁴ अर अपणा ये नया सभौ का मुताबिक परमेस्वर की नजर मा एक सच्‍चु धरमी अर पवित्र जीवन जीण वळु बणा।

गढवली नयो नियम

²⁴ परमेश्वर ल तुम तैं एक नयो बरतौ दियुं च जु वेको खुद का बरतौ का जन च, इलै की यु नया बरतौ का अनुसार बरतौ कैरा, अर सचै मा धर्मी अर पवित्र बंणि।

इफिसुस 4:24 Referans Kwoze

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।

रोमियों 13:14

बल्किन मा प्रभु यीशु मसीह का सभौ तैं अपणा जीवन मा पूरि तरौं से ले ल्या, अर अपणा सरील की पापि इच्छाओं तैं पूरु करण बन्द कैरी द्‍या।

इफिसुस 6:11

परमेस्वर का दियां सब आत्मिक हथियारों तैं बान्धि ल्या, ताकि तुम शैतान की चालाकी का खिलाप मा टिक्यां रा।

रोमियों 6:4

इलै जब हमुन पाणि मा डुबकी मारी के जु बपतिस्मा ले वेका द्‍वारा हम भि यीशु मसीह का दगड़ा मा दफनै ग्यां, ताकि वेकी मौत का दगड़ा मा हम भि सामिल ह्‍वे जा। अर जन पिता परमेस्वर की ताकत न यीशु मसीह तैं मुरदो मा बटि ज्यून्द कैरी, ठिक उन्‍नि उ हमतै भि उठालु अर वेका द्‍वारा हम नयू जीवन जी सकद्‍यां।

2 कुरिन्थि 3:18

अर पिता परमेस्वर न हमरा मुख बटि वु परदा हटैयली, अर अब हम इन देखि सकद्‍यां कि हमरु प्रभु कथगा महान च। अर हम पवित्र आत्मा का द्‍वारा लगातार प्रभु यीशु मसीह कि तरौं बणदी जां, ताकि लोग भि जाणि सैका कि हमरु प्रभु कथगा महान च। अर यू सब काम हमरा प्रभु यीशु मसीह को पवित्र आत्मा करदु।

2 कुरिन्थि 4:16

इलै ही हम भि अपणी हिम्मत तैं नि छुड़द्‍यां अर ना ही हमुन वचन सुनौण बन्द कैरी, अर भले ही हमरा सरील कमजोर छिन, पर फिर भि पिता परमेस्वर हमतै हरेक दिन हिम्मत देन्दु अर हमतै मजबूत कनु रौन्दु।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

1 पतरस 2:2

अर अब तुम जाणि ग्यां कि पिता परमेस्वर भलु च, इलै जन पैदा होयुं एक बच्‍चा तैं दूद पीण की इच्छा होन्दी, ठिक उन्‍नि तुम लोगु तैं भि पिता परमेस्वर का वचन तैं हरेक दिन स्वीकार करण की इच्छा रखण चयेणी, ताकि तुम लोग बचि जा अर वेमा बढदी जा।

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

यूहन्ना 17:17

तुमरो वचन सच्‍चु च, इलै अपणा वे सच्‍चा वचन का द्‍वारा तुम ही ऊंतैं पवित्र कैरा।

गलातियों 6:15

अर खतना करण का रिवाज तैं पूरु करण या नि करण येसे कुई फैदा नि च, पर अब जु कुछ भि च उ सब यीशु मसीह मा नयू जीवन ही च।

गलातियों 3:27

अर तुम मा बटि जथगा लोगु न यीशु का नौ से पाणि मा डुबकी लेके बपतिस्मा लिनी, ऊंन यीशु मसीह तैं कपड़ों का जन पैनयालि।

1 कुरिन्थि 15:53

किलैकि हम नास होण वळा ये सरील तैं लेके स्वर्ग मा नि जै सकद्‍यां, इलै ये सरील को नास होण जरुरी च, ताकि हमतै वु सरील मिली सैको जु कि अजर-अमर च।

इब्रानी 12:14

अब तुम सब लोगु का दगड़ा मा मेल-जोल बणै के रखा अर पवित्र ह्‍वे जा, किलैकि वु लोग ही प्रभु तैं देख सकदिन जु पवित्र छिन।

इब्रानी 1:8

मगर अपणा पुत्र का बारा मा उ इन बुल्दु, “हे परमेस्वर तुमरि राजगद्‍दी सदनि तक बणि रौ, अर तुमरा राज मा न्याय सच्‍चै का सासन से किये जौ।

रोमियों 7:6

मगर अब हम लोग पुरणा नियम-कानून खुणि जौन हमतै बन्धी बणै के रख्युं छौ, अब हम वां खुणि मोरि ग्यां। अर अब हम पुरणा तरीका से ना, बल्किन मा पवित्र आत्मा की मनसा का मुताबिक पिता परमेस्वर की सेवा करणा छां।

रोमियों 12:2

अर सुणा, तुमतै ईं दुनियां का मुताबिक अपणु जीवन नि जीण चयेणु, पर पिता परमेस्वर का द्‍वारा तुम अपणा मन तैं नयू बणै के अपणा चाल-चलन तैं बदला। तब जैके तुम पिता परमेस्वर की मनसा तैं जाणि सकिल्या, कि कु जि बात वेतैं अच्छी लगदिन, अर कु जि बात छिन जु कि स्वीकार करण लैख छिन जौं मा कुछ भि गळत नि हो।

2 पतरस 1:4

अर वे आदर-सम्मान अर वीं अच्छी भावना का मुताबिक ही वेन हमतै कीमती अर अच्छा दान-बरदान दियां छिन, ताकि ये बरदान का द्‍वारा हम दुनियां मा होण वळा गळत सम्बन्ध रखण से, अर गन्दा काम करण से बचि जा, अर पिता परमेस्वर का सभौ का जन चलि सैका।