इफिसुस 4:11 - Garhwali

¹¹ अर वेन कुछ लोगु तैं खास चेला होण खुणि ठैरै, अर कुछ तैं रैबर्या बणै, अर कुछ लोगु तैं शुभ समाचार सुनौण वळु, अर कुछ लोगु तैं देख-रेख करण वळु, अर कुछ लोगु तैं वेन उपदेस देण वळु ठैरै।

गढवली नयो नियम

¹¹ यु मसीह छों जैल यु जिम्मेदारी मण्डलि तैं द्ये; वेल कुछ तैं प्रेरित बनांणु कु चुणि, अर कुछ तैं परमेश्वर का तरपां बट्टी बुल्ण वलो ठैरे, अर कुछ तैं शुभ संदेश सुंणाण वला ठैरे, अर कुछ तैं रखवला अर उपदेशक दींण वला ठैरे दींनि।

इफिसुस 4:11 Referans Kwoze

इफिसुस 2:20

तुम लोग एक मन्दिर छाँ। अर जु लोग खास चेला अर परमेस्वर का रैबर्या छिन, वु वेकी बुनियाद छिन। अर ये मन्दिर का कुणों को ढुंगो खुद यीशु मसीह च।

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

इफिसुस 4:8

इलै पवित्रशास्‍त्र मा भि इन लिख्यूं च कि, “जब उ ऊँचा पर चड़ये गै, त कैदियों तैं बान्धि के लि गै। अर मनखियों तैं दान-बरदान दिनी।”

इफिसुस 3:5

अर पैलि जमना का लोगु का बीच मा उ राज ये तरीके से ऊं पर परगट नि किये गै, जन की वेन आज का दिन पवित्र आत्मा का द्‍वारा हम पर परगट कैरी। हम जु कि पवित्र खास चेला अर वेका रैबर्या छां।

रोमियों 12:7

अर जैतैं सेवा करण को दान मिल्यूं च, उ सेवा करण मा लग्यूं रौ। अर जु मनखि सिखौण वळु च, उ सिखौण मा लग्यूं रौ।

इब्रानी 5:12

अर अगर बगत का हिसाब से बात किये जौ त अभि तक त तुमतै गुरु बणि जाण चयेणु छौ, मगर तुम त इन ह्‍वे ग्यां कि कुई तुमरा पास अऽ अर तुमतै शुरु से पिता परमेस्वर का वचन का बारा मा फिर से बतौ। अर तुम त ऊं बच्‍चों का जन ह्‍वे ग्यां जौं तैं दूद ही चयेन्दु, अरे तुमुन अन्‍न खाण वळु कब बणण?

दिब्य दरस 18:20

अर येका बाद मिन इन सुणी कि, हे स्वर्ग खुशी मणौ। हे परमेस्वर का रैबर्यों, बिस्वासी भै-बैंणो अर वेका खास चेलों खुशी मणा, किलैकि जै नगर का लोगु न तुमतै सतै छौ परमेस्वर न ऊंतैं दण्ड देके तुमरो बदला ऊं से लियाली।

खास चेलों 21:8

अर दुसरा दिन हम उख बटि कैसरिया नगर मा पौंछयां अर उख हम शुभ समाचार को परचार करण वळा फिलिप्पुस भै बटि मिल्यां, अर वेका घौर मा रयां, अर यू खास चेला लोगु की मदद करण खुणि चुण्यां सात बिस्वासी लोगु मा बटि एक छौ।

खास चेलों 13:1

अन्ताकिया नगर का बिस्वासी समुदाय मा कुछ रैबर्या अर उपदेस देण वळा लोग छा, जन कि बरनबास, शमौन जैकू नीगर भि बुल्दिन, अर कुरेन नगर को लूकियुस, अर मनाहेम जैको पालन-पोसण राजा हेरोदेस अग्रिप्पा का दगड़ा मा ह्‍वे। अर मनाहेम वेको खास दगड़्या छौ, अर शाऊल भि ऊंका दगड़ा मा उखि छौ।

दिब्य दरस 21:14

अर ये नगर की दिवाल बारह बुनियादो पर खड़ि छै, अर ऊं पर यीशु का बारह खास चेलों का नौ लिख्यां छा।

यहूदा 1:17

पर हे मेरा प्यारा भै-बैंणो, तुम ऊं बातों तैं जरुर याद रखा जौं तैं हमरा प्रभु यीशु मसीह का खास चेलों न पैलि ही बोलियालि छौ।

1 कुरिन्थि 12:4

अर दान-बरदान कई किसम का छिन, पर परमेस्वर की पवित्र आत्मा एक ही च।