इफिसुस 2:16 - Garhwali

¹⁶ अर एक सरील का रुप मा, यीशु मसीह न क्रूस पर अपणी जान दे दिनी, अर वेका द्‍वारा दुई दल का लोगु का बीच की दुसमनी खतम ह्‍वे गै। अर इन कैरिके वेन दुई दल का लोगु को मेल-जोल परमेस्वर का दगड़ा मा करै दिनी।

गढवली नयो नियम

¹⁶ अर सूली पर अपड़ा मृत्यु का द्वारा, मसीह ल द्वी झुण्ड तैं एक कैरी अर ऊंको मेल पिता परमेश्वर बट्टी करद्यां, इलै मसीह ल यहूदियों अर अन्यजातियों का बीच बैर तैं खत्म कैरी दये।

इफिसुस 2:16 Referans Kwoze

रोमियों 5:10

किलैकि पैलि त हम पिता परमेस्वर का दुसमन छा, मगर अब यीशु मसीह की मौत का द्‍वारा हमरु मेल-जोल वेका दगड़ा मा ह्‍वे गै। अर हमतै पूरु यकीन च, कि वेका पुत्र यीशु मसीह को मुरदो मा बटि ज्यून्द होण का द्‍वारा हमतै छुटकारा भि मिललु।

कुलुसी 2:14

अर जु लेख नियम का मुताबिक हमरा खिलाप मा लिख्यां छा, ऊंतैं यीशु न रद्‍द कैरी दिनी अर क्रूस पर किलों का द्‍वारा छिदै के वेन हम पर लग्यां इळजामो तैं हटै दिनी।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

रोमियों 8:7

किलैकि शरीर पर मन लगौण को मतलब परमेस्वर का दगड़ा मा दुसमनी रखण च, अर मनखि को सरील ना त परमेस्वर का नियम-कानून का अधीन च अर नऽ त कभि ह्‍वे सकदु।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

1 कुरिन्थि 10:17

जब कि बिस्वास मा त हम भौत सा लोग छां, मगर फिर भि हमरि रुट्‍टी एक ही च, अर वु यीशु मसीह च। अर अलग-अलग होण का बाद भि हम मसीह मा एक छां।

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

इफिसुस 4:4

किलैकि पिता परमेस्वर न हमतै एक होणु खुणि ही बुलयूं च, अर फिर मसीह को बदन भि एक ही च, अर एक ही पवित्र आत्मा अर ठिक उन्‍नि हम सभ्यों की भि एक ही आस च।

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।