इफिसुस 2:13 - Garhwali

¹³ अर एक बगत छौ, जब तुम परमेस्वर से दूर छा, पर अब तुम यीशु मसीह का ल्वे का द्‍वारा पिता परमेस्वर का पास ऐ ग्यां।

गढवली नयो नियम

¹³ एक बगत छों जब तुम दूर छा, पर अब मसीह यीशु मा वेका ल्वे का द्वारा नजदीक ऐ ग्यां।

इफिसुस 2:13 Referans Kwoze

खास चेलों 2:39

किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”

1 कुरिन्थि 6:11

अर तुम मा बटि कुछ लोग इन्द्रया ही छा, मगर पिता परमेस्वर न हमरा प्रभु यीशु मसीह का नौ से अर अपणी पवित्र आत्मा से तुमतै ध्वेके शुद्ध कैरी अर धरमी ठैरै।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

इफिसुस 2:12

अर वे बगत तुम लोग मसीह तैं जणदा नि छा। अर तुम लोग इस्राएल का लोगु खुणि एक परदेसी का जन छा, अर परमेस्वर न ऊं लोगु बटि जु करार कर्युं छौ, वामा तुमरो कुई हिस्सा नि छौ। असल मा तुम त ईं दुनियां मा बिना उम्मीद अर बिन परमेस्वर का जीवन जीण छा।

इफिसुस 1:7

अर यीशु मसीह न क्रूस पर अपणु बलिदान देके जु ल्वे बुगै वेका द्‍वारा ही हमतै छुटकारु, अर हमतै हमरा पापों से माफी मिलदी। अर यू सब हमतै पिता परमेस्वर की किरपा अर वेकी बड़ी दया का द्‍वारा मिली,

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

इब्रानी 9:18

इलै ही पैला करार तैं पूरु करणु खुणि ल्वे तैं बुगये गै।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

खास चेलों 22:21

अर प्रभु न मिकू बोलि, ‘पौलुस, तू जा, किलैकि मि त्वेतै भौत दूर तक, ऊं लोगु का बीच मा भेजलु जु लोग यहूदी जाति का नि छिन।’”

खास चेलों 15:14

जन कि भै शमौन पतरस न बतै कि जु लोग यहूदी जाति का नि छिन ऊंमा बटि कुछ लोगु तैं परमेस्वर न पैलि ही सगु बणौणु खुणि कनकै चुण्यालि,

यूहन्ना 10:16

“मेरी और भि भेड़ छिन, जु कि ये गुठ्‍यार की नि छिन। अर यू जरुरी च, कि मि ऊंतैं भि अपणा गुठ्‍यार मा लेके औंऽऽ। तब ऊ भि मेरी आवाज तैं सुणला, अर तब एक ही झुण्ड अर एक ही चरवाह होलु।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

इफिसुस 1:1

हे मेरा भै-बैंणो मि पौलुस छौं अर मि पिता परमेस्वर की मनसा से यीशु मसीह को खास चेला छौं। अर मि या चिठ्‍ठी इफिसुस नगर मा रौण वळा बिस्वासी समुदाय का सब लोगु खुणि लिखणु छौं, जु कि यीशु मसीह पर बिस्वास करण वळा पवित्र लोग छिन।

इफिसुस 2:2

बल्किन मा वे बगत त तुम ईं दुनियां का मुताबिक अपणा जीवन तैं बुरै का मुताबिक चलौन्दा छा, अर आसमान पर सासन करण वळा शैतान की बातों तैं मणदा छा। अर आसमान पर सासन करणु वळु वु बुरु आत्मा आज भि ऊं लोगु का जीवनों मा काम करदु, जु आज्ञा को पालन नि करदिन।

इफिसुस 2:6

अर पिता परमेस्वर न ही हमतै यीशु मसीह का दगड़ा मा ज्यून्दु कैरी, अर वेका दगड़ा-दगड़ि हमतै स्वर्ग का राज्य मा बैठे,

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।