इफिसुस 1:3 - Garhwali

³ हमरा प्रभु यीशु मसीह का पिता परमेस्वर की तारीफ हो, जैन हमतै यीशु मसीह का पास औण का बाद पवित्र आत्मा का द्‍वारा हरेक किसमे की आत्मिक आसीस दिईं च।

गढवली नयो नियम

³ हमारो परमेश्वर अर प्रभु यीशु मसीह कु बुबा कु धन्यवाद हो कि जैल हम तैं मसीह का द्वारा स्वर्ग बट्टी मिलण वलि, सभि किस्मै कि आत्मिक आशीष दिंयि च अर यु मसीह दगड़ी हमारी एकता का कारण हूंयुं च।

इफिसुस 1:3 Referans Kwoze

1 पतरस 1:3

हमरा प्रभु यीशु मसीह का पिता परमेस्वर की तारीफ हो, जैन यीशु मसीह तैं मुरदो मा बटि ज्यून्दु कैरी, अर अपणी महान दया कैरिके वेन हमतै नयू जनम दिनी। अर अब हम मा एक ज्यून्द आस च,

2 कुरिन्थि 1:3

हमतै हमरा प्रभु यीशु मसीह का पिता परमेस्वर की तारीफ करण चयेणी, किलैकि उ हमेसा हम पर दया करदु, अर हमरि मदद करदु। अर हर बात मा दिलासा देण वळु परमेस्वर च।

इफिसुस 2:6

अर पिता परमेस्वर न ही हमतै यीशु मसीह का दगड़ा मा ज्यून्दु कैरी, अर वेका दगड़ा-दगड़ि हमतै स्वर्ग का राज्य मा बैठे,

इफिसुस 1:20

अर या वा ही ताकत च जिं का द्‍वारा वेन यीशु मसीह तैं मुरदो मा बटि ज्यून्दु कैरी, अर स्वर्गीय जगा मा अपणी दैंणी तरफा बैठे दिनी।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

इफिसुस 3:10

अर बिस्वासी समुदाय का द्‍वारा वेको मकसद इन च, कि आसमान का सासक अर सब शक्‍तियाँ पिता परमेस्वर का ज्ञान का बारा मा जाणि सैका, कि वेकी योजना कथगा महान च।

गलातियों 3:9

इलै जु लोग पितर अब्राहम की तरौं बिस्वास करदिन, वु लोग ईं आसीस तैं जरुर पाला।

यूहन्ना 17:21

ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

इफिसुस 1:17

हमरा प्रभु यीशु मसीह को पिता परमेस्वर जु कि सबसे महान च, उ तुमतै ऊं बातों तैं समझणे की अकल द्‍यो जु कि उ परगट करदु, ताकि तुमतै वेका भेदों तैं बिंगण को सच्‍चु ज्ञान मिली सैको।

2 कुरिन्थि 11:31

हमरु पिता परमेस्वर जु कि हमरा प्रभु यीशु मसीह को पिता च, वेकी तारीफ सदनि होणी रौ, उ सब कुछ जणदु की मि झूठ्‍ठ नि बोन्‍नु छौं।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

1 कुरिन्थि 12:12

हे मेरा भै-बैंणो, जन कि हमरा सरील मा कई अंग छिन, फिर भि हमरु एक ही सरील च, ठिक उन्‍नि हम सभ्या का सभि लोग जौन यीशु मसीह पर बिस्वास कैरी वेका अंग छां।

रोमियों 12:5

ठिक उन्‍नि हम भि कई बिस्वासी लोग छां, मगर फिर भि हम सब एक ही यीशु का छां अर एक ह्‍वेके काम करद्‍यां।

इफिसुस 1:10

अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

रोमियों 15:6

ताकि तुम सब एक ह्‍वे जा, अर हमरा प्रभु यीशु मसीह का द्‍वारा पिता परमेस्वर की बडै कैरी सैका।

इब्रानी 8:5

अर असली पवित्र जगा स्वर्ग मा च अर ईं धरती का पुरोहित जख सेवा करदिन वु सिरफ वेको एक नमूना च। इलै जब मूसा रैबर्या ईं धरती पर पवित्र तम्बू तैं बणौण वळु छौ, त तम्बू बणौण से पैलि ही पिता परमेस्वर न वेतैं चितै दिनी कि, “ईं बात को ध्यान रखी कि जु नमूना त्वेतै सीनै पाड़ पर दिखये गै तू तम्बू तैं वेका मुताबिक ही बणै।”

फिलिप्पी 2:11

अर पिता परमेस्वर की बडै करणु खुणि हरेक जीब स्वीकार कैरो, कि यीशु मसीह ही प्रभु च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

इब्रानी 9:23

हे मेरा दगड़्यों, इख जु चीज छिन वु स्वर्ग की चीजों को एक नमूना च। अर यों चीजों तैं जानबरों का ल्वे से शुद्ध करण पोड़ि, मगर यू ल्वे स्वर्ग की चीजों तैं पवित्र नि बणै सकदु किलैकि यां खुणि और भि अच्छा बलिदान की जरुरत छै।

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

यूहन्ना 14:20

फिर वे दिन तुम जणिल्या, कि मि अपणा पिता मा छौं, अर तुम मि मा, अर मि तुम मा छौं।

लूका 2:28

तब शमौन न बच्‍चा तैं अपणा हाथों मा लेई, अर परमेस्वर को धन्यवाद कैरिके बोलि,