इफिसुस 1:11 - Garhwali

¹¹ अर पिता परमेस्वर न यीशु मसीह का द्‍वारा हमतै अपणु वारिस बणै। अर परमेस्वर न यू अपणी योजना का मुताबिक कैरी, अर वु सब कुछ अपणी मरजी का हिसाब से करदु।

गढवली नयो नियम

¹¹ परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

इफिसुस 1:11 Referans Kwoze

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

1 पतरस 1:4

ज्वा कि एक विरासत का रुप मा हम खुणि स्वर्ग मा रखी च, अर वा विरासत कभि नि मिटण वळी च, ज्वा कि सदनि तक रौण वळी अर शुद्ध च।

इफिसुस 1:14

किलैकि पिता परमेस्वर न हमतै पवित्र आत्मा दियूं च, ज्यां से कि हमरु बिस्वास और भि जादा पक्‍कु ह्‍वे जान्दु। अर हमतै छुटकारु देके के जिं विरासत तैं देण को करार पिता परमेस्वर न कैरी छौ वु वेतैं भि जरुर पूरु करलु, ताकि हम वेतैं अपणा जीवन से पूरु आदर-सम्मान दे सैका अर वेकी बडै भि कैरी सैका।

इफिसुस 3:11

अर या योजना पिता परमेस्वर न दुनियां की शुरुवात से पैलि बणैयालि छै, जींतैं वेन हमरा यीशु मसीह का द्‍वारा पूरु कैरी।

इफिसुस 1:5

अर अपणी भली मनसा का मुताबिक जन पिता परमेस्वर न ठाणि छौ, वेन हम से प्यार कैरी। अर हमतै यीशु मसीह का द्‍वारा गोद लिनी, ताकि हम वेकी औलाद बणि जां।

गलातियों 3:18

किलैकि अगर वारिस होण को अधिकार नियम-कानून का द्‍वारा ठैरैये जान्दु, त यू अधिकार करार का द्‍वारा नि मिलदु, पर परमेस्वर न वारिस होण को यू अधिकार पितर अब्राहम तैं करार का द्‍वारा ही दिनी।

इब्रानी 6:17

अर वंश का लोगु खुणि जु-जु करार कियां छिन क्या पिता परमेस्वर ऊं लोगु का खातिर अपणी इच्छा तैं बदलि द्‍यालु, नऽ रे ना इन कभि नि ह्‍वे सकदु। पिता परमेस्वर अपणी मनसा तैं ऊं पर परगट करणु खुणि जरुर पूरि करलु, इलै वेन अपणा करार का बगत मा अपणी ही कसम खै दिनी।

तीतुस 3:7

ताकि हम वेकी दया से परमेस्वर की नजर मा धरमी बणि सैका, अर सदनि को जीवन जीण की आस का मुताबिक वेका वारिस बणि जा।

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

कुलुसी 1:12

अर पिता परमेस्वर को धन्यवाद कना रा, किलैकि वेन तुमतै उज्याळा का राज मा अपणा पवित्र लोगु का दगड़ा मा रौण अर वारिस होण का लैख बणै।

कुलुसी 3:24

किलैकि तुमतै पता च, कि येका बदला मा प्रभु तुमतै अपणी विरासत मा से द्‍यालु जैको करार वेन कैरी। अर तुम लोग हमरा प्रभु यीशु मसीह की सेवा करद्‍यां,

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

खास चेलों 20:32

अर अब मि तुमतै परमेस्वर का सुपुर्द कैरी देन्दु, अर वेकी बड़ी किरपा का वचन तैं लगातार याद करण कू बुल्दु, अर वु ही वचन तुमतै बिस्वास मा मजबूत बणै सकदु, अर जौं लोगु तैं परमेस्वर न पवित्र बणयूं च ऊं लोगु तैं यू वचन ही वारिस होण को अधिकार दे सकदु।

खास चेलों 2:23

अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी।

खास चेलों 20:27

किलैकि परमेस्वर की ज्वा योजना तुम खुणि च वा तुमतै बतौण मा मितैं जरा भि झिझक नि लगि।

खास चेलों 4:28

अर इन त इलै ह्‍वे, किलैकि तुमुन यू सब पैलि बटि ही अपणी इच्छा अर सामर्थ से ठैर्युं छौ, ताकि इन्‍नि हो।

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

रोमियों 11:34

अर पवित्रशास्‍त्र मा इन्‍नि लिख्यूं च कि, “कुई भि मनखि प्रभु का मन तैं नि जाणि सकदु, अर ना ही कुई मनखि वेतैं सला दे सकदु।”

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

इफिसुस 1:8

अर येका द्‍वारा उ हमतै कई बातों की सच्‍चै तैं बिंगण मा अकल देन्दु।

खास चेलों 13:48

अर या बात सुणी के दुसरि जाति का लोग भौत खुश ह्‍वे गैनी, अर प्रभु का वचन की बडै करण लगि गैनी। अर ऊं मदि जथगा लोगु तैं सदनि का जीवन जीणु खुणि चुणै गै छौ, ऊं सभ्यों न प्रभु यीशु पर बिस्वास कैरी।

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

रोमियों 9:11

मगर दुई जौंळ्या बच्‍चों तैं जनम देण से पैलि, पिता परमेस्वर न रिबका कू बोलि छौ कि, “बड़ु नौनु अपणा छुटा भै की सेवा करलु।” अर ना ही ऊं नौनो न कुई अच्छु या बुरु काम कैरी छौ। मगर पिता परमेस्वर न इन इलै बोलि, ताकि वेन जैतैं चुण्यूं च, वेका द्‍वारा पिता परमेस्वर की योजना बणि रौ। अर यू सब त इलै ह्‍वे, ताकि इन साबित ह्‍वे जौ कि कै मनखि को चुणै जाण परमेस्वर की मनसा का मुताबिक ही होन्दु। अर पिता परमेस्वर की योजना कै मनखि का काम का मुताबिक नि बणदी, बल्किन मा वेन वेतैं किलै बुलै वेका मुताबिक होन्दी।

इफिसुस 1:9

अर पिता परमेस्वर न हमतै अपणी छिपी मनसा का बारा मा बतै, अर ईं बात से खुश ह्‍वे कि उ यीशु मसीह का द्‍वारा अपणी इच्छा तैं पूरि करलु।

इफिसुस 1:18

अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।