कुलुसी 4:3 - Garhwali

³ अर येका दगड़ा-दगड़ि हम खुणि इन प्रार्थना कैरा, ताकि हमतै इन मौका मिलु कि हम पिता परमेस्वर का वचन तैं लोगु का बीच मा और भि जादा फैले सैका। अर हम यीशु मसीह का वे राज का बारा मा बतै सैका, जैका खातिर आज मि कैद मा छौं,

गढवली नयो नियम

³ अर यांका दगड़ा-दगड़ी हम कु भि प्रार्थना करदी रावा, कि पिता परमेश्वर हम कु वचन सुणौणु कु इन मौका द्या, कि हम मसीह का वे भेद कु बखान कैरी साका, जै कु प्रचार मिल कैरी अर वे कारण मि कैद मा छौं।

कुलुसी 4:3 Referans Kwoze

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

कुलुसी 1:26

अर यू उ राज छौ जु कि युग-युग अर पीढ़ी-पीढ़ी बटि छिप्यूं छौ, मगर अब वे राज तैं परमेस्वर न अपणा पवित्र लोगु पर परगट कैरियाली।

2 कुरिन्थि 2:12

हे मेरा दगड़्यों, जब मि यीशु मसीह का बारा मा शुभ समाचार सुनौणु कू त्रोआस नगर मा पौंछु, त मिन देखि कि प्रभु न उख अपणु काम करणु खुणि पैलि बटि लोगु तैं तयार कैरिके रख्युं च, अर मितैं एक अवसर अच्छु मिली कि मि ऊंतैं शुभ समाचार सुणौ।

2 तीमुथियुस 2:9

अर ये शुभ समाचार तैं सुनौण का खातिर ही मि दुख-तकलीफ उठाणु छौं। अर इख तक कि यों न मितैं एक कैदी का जन बेड़ियों से बान्धि के जेलखाना मा रख्युं च, पर तभि भि परमेस्वर का वचन तैं फैलण से कुई नि रोकी सकदु।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

इफिसुस 4:1

इलै मि जु कि प्रभु यीशु को चेला होण का नाता कैद मा छौं, तुम बटि बिन्ती करदु कि तुमरो चाल-चलन वीं इच्छा का मुताबिक हो ज्यां खुणि पिता परमेस्वर न तुमतै बुलै।

1 कुरिन्थि 16:9

किलैकि विरोध करण वळा उख भौत छिन, पर फिर भि शुभ समाचार को परचार करण को एक बड़ु अवसर मिल्यूं च।

1 कुरिन्थि 4:1

इलै तुम लोग हमतै प्रभु का सेवक समझा, जौं का पास पिता परमेस्वर न सच्‍चै सिखौण को काम सौप्युं च, जु कि पैलि परगट नि छौ।

1 थिस्सलुनीकी 5:25

हे मेरा भै-बैंणो, हम कू भि प्रार्थना कर्यां।

मत्ती 13:11

अर वेन ऊंतैं जबाब दिनी, “तुमतै त परमेस्वर का राज का भेदों तैं बिंगण को ज्ञान दियूं च, मगर ऊं लोगु तैं ना।

फिलेमोन 1:22

अर यों सब बातों का दगड़ा-दगड़ि मि त्वेसे कुछ और बात भि बोन्‍न चान्दु, कि तू मि खुणि एक घौर को इंतजाम कैर, किलैकि मितैं ईं बात कि आस च कि ज्वा प्रार्थना तुम लोग मि खुणि करद्‍यां, वींतैं पिता परमेस्वर जरुर सुणलु अर जल्दी ही मि तुमरा इख ऐ जौलु।

फिलिप्पी 1:19

किलैकि मि जणदु छौं कि तुम लोगु की प्रार्थनाओं का द्‍वारा अर यीशु की पवित्र आत्मा की मदद से मितैं छुटकारु मिललु।

2 तीमुथियुस 1:16

अर मि प्रार्थना करदु, कि उनेसिफुरुस का घौर मा रौण वळा सब लोगु पर परमेस्वर कि दया हो, किलैकि जब मि बेड़ियों मा कैद होयुं छौ, तब उ मितैं मिलण से नि सरमै। पर उ बार-बार मितैं मिलणु कू ऐ अर वेन मेरी हिम्मत भि बढै।

इफिसुस 3:1

इलै मि पौलुस, तुम लोगु तैं यीशु मसीह का शुभ समाचार सुनौण की वजै से कैद मा छौं, तुम लोग जु कि यहूदी जाति का नि छाँ।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

इफिसुस 3:3

अर जन कि मिन तुमतै वे राज का बारा मा थुड़ा भौत पैलि भि लिखी के बतै छौ, कि उ राज मि पर दिब्य दरसन का द्‍वारा परगट किये गै।

इफिसुस 3:4

अर जब तुम ईं चिठ्‍ठी तैं पढिल्या, त तुम समझि सकिल्या कि मितैं वीं योजना का बारा मा कथगा अच्छे से पता होलु, ज्वा कि पैलि छिपी छै अर पिता परमेस्वर न यीशु मसीह का बारा मा बणईं छै।

इफिसुस 3:9

अर पिता परमेस्वर जैन सब चीजों तैं बणै, अर वेमा ही यू सब बात पैलि छिपी छिन वे ही परमेस्वर न मितैं यू काम सौंपी, कि मि सब लोगु तैं वीं महान योजना का बारा मा बतौ।

कुलुसी 4:18

अर मि पौलुस जु कि इख बेड़ियों मा बन्धयूं छौं खुद अपणा हाथळ तुम खुणि सलाम लिखणु छौं, तुम मितैं अपणी प्रार्थनाओं मा याद रख्यां। अर मि इन प्रार्थना करदु कि प्रभु की किरपा तुम पर होणी रौ। आमीन।