कुलुसी 4:10 - Garhwali

¹⁰ अर मेरा दगड़ा कैद होयां अरिस्तर्खुस भै कि तरफा बटि अर मरकुस भै कि तरफा बटि भि तुमतै सलाम, अर मरकुस रिश्ता मा बरनबास को भै लगदु। (अर मरकुस का बारा मा तुमतै इन बतये गै छौ, कि वेको स्वागत बड़ा अच्छे कर्यां)।

गढवली नयो नियम

¹⁰ अरिस्‍तर्खुस जु मि दगड़ी जेलखना मा कैद च, अर मरकुस जु बरनबास कु भंणजो लगदो तुम कु प्रणाम बुल्णु च। जैका बारा मा तुम तैं पैली बट्टी ही मालूम च, कि जु उ तुम मा औ त वे दगड़ी अच्छो बरतौ करयां।

कुलुसी 4:10 Referans Kwoze

फिलेमोन 1:24

अर मेरा दगड़ा मा सेवा को काम करण वळा मरकुस भै अर वेका दगड़ा-दगड़ि अरिस्तर्खुस, देमास अर लूका भै भि त्वे खुणि सलाम बोन्‍ना छिन।

2 तीमुथियुस 4:11

अर बस लूका भै ही इख सेवा मा मेरा दगड़ा मा च। अर जब तू इख ऐलि त मरकुस भै तैं अफ दगड़ा मा लेके ऐ, किलैकि उ सेवा मा मेरा भौत काम आलु।

खास चेलों 19:29

तब पूरा नगर मा घपरोळ होण लगि गै, अर यों लोगु न मकिदुनिया मुलक का रौण वळा गयुस अर अरिस्तर्खुस तैं पकड़ी दिनी, जु कि पौलुस का दगड़ा मा यात्रा कैरिके इख अयां छा। अर भागी के यों तैं वे घौर मा लि गैनी, जख नाटक होन्दा छा।

खास चेलों 27:2

अर हमुन अद्रमुत्तियुम नगर बटि पाणि का एक जाज मा बैठि के अपणु सफर शुरु कैरी। अर ये जाज न आसिया का बंदरगाहों से ह्‍वेके जाण छौ, अर हमरा दगड़ा मा मकिदुनिया मुलक को अरिस्तर्खुस भै भि छौ, जु की थिस्सलुनीकी नगर को रौण वळु छौ।

खास चेलों 20:4

अर इन ह्‍वे कि जब पौलुस न अपणी यात्रा शुरु कैरी, त वेका दगड़ा मा बिरीया नगर को पुरूर्स को नौनु सोपत्रुस, अर थिस्सलुनीकी नगर को अरिस्तर्खुस अर सिकुन्दुस, अर दिरबे नगर को गयुस, अर आसिया मुलक को तुखिकुस अर त्रुफिमुस छा, अर ऊंका दगड़ा मा तीमुथियुस भि छौ। अर यों न आसिया मुलक तक वेका दगड़ा मा यात्रा कैरी।

खास चेलों 12:12

अर सब कुछ बिंगण का बाद उ मरियम का घौर चलि गै। अर या मरियम यूहन्‍ना की माँ छै। अर यू यूहन्‍ना वु च जैकू मरकुस भि बुले जान्दु। अर वींका घौर मा भौत सरा लोग जमा ह्‍वेके प्रार्थना कना छा।

1 पतरस 5:13

अर जन पिता परमेस्वर न तुमतै चुणी, ठिक उन्‍नि बिस्वासी लोग बेबीलोन नगर मा भि छिन, जु कि तुमकु सलाम बोन्‍ना छिन। अर मरकुस भै भि जु कि मेरा नौना का जन च तुमकु सलाम बोन्‍नु च।

रोमियों 16:7

मेरा दगड़ा जेलखाना मा रौण वळा मेरा रिश्तेदार अन्द्रुनीकुस अर यूनीयास भै तैं मेरु सलाम, यीशु का खास चेलों मा बटि यू भौत खास लोग छिन। अर मेरा बिस्वास करण से भि पैलि यू लोग यीशु मसीह पर बिस्वास करदा छा।

रोमियों 16:2

कि तुम लोग वींतैं प्रभु का नौ से स्वीकार कैरा। अर या बात मि इलै बोन्‍नु छौं, किलैकि पवित्र लोगु को स्वागत इन्‍नि किये जाण चयेणु। अर अगर कै भि काम मा वींतैं तुमरि जरुरत पोड़ो त वीं की मदद कर्यां, किलैकि वींन मेरी मदद कैरी अर मेरा दगड़ा-दगड़ि भौत सा लोगु की भि मदद कैरी।

खास चेलों 13:13

यू सब होण का बाद पौलुस अर वेका दगड़्या पाफुस नगर बटि पाणि का जाज मा बैठि के पंफूलिया मुलक का पिरगा नगर मा पौंछिनी। मगर यूहन्‍ना ऊंतैं उखि छोड़ि के यरूशलेम नगर कू ऐ गै।

खास चेलों 4:36

अर साइप्रस टापू को एक बिस्वासी मनखि जैको नौ यूसुफ छौ, यू लेवी गोत्र को छौ, अर खास चेलों न वेको नौ बरनबास रखी (जैको मतलब च दिलासा देण वळु)।

खास चेलों 13:5

अर ये टापू पर औण का बाद ऊ सलमीस नगर मा पौंछिनी, अर इख ऐके ऊंन यहूदियों का प्रार्थना भवनों मा परमेस्वर का वचन तैं सुणै। अर ऊंकी मदद करणु खुणि यूहन्‍ना जैकू मरकुस भि बुल्दिन ऊंका दगड़ा मा छौ।

खास चेलों 12:25

अर जब बरनबास अर शाऊल न इकट्‍ठा कियां दान तैं यरूशलेम का बिस्वासी समुदाय का अध्यक्षों मा देण को काम पूरु कैरी दिनी, त जाण दौं वु यूहन्‍ना तैं जैकू मरकुस भि बुल्दिन वेतैं अफ दगड़ा मा लि गै।

फिलेमोन 1:23

अर इपफ्रास भै जु कि मेरा दगड़ा मा यीशु मसीह का खातिर जेलखाना मा च, त्वे खुणि सलाम बोन्‍नु च।