कुलुसी 3:22 - Garhwali

²² हे मेरा भै-बैंणो, तुम जु नौकर छाँ तुम अपणा मालिक की सब बातों को पालन कैरा। अर यू काम तुम मनखि तैं खुश करणु खुणि ना, अर ना ही दिखावा करणु खुणि, बल्किन मा अपणा सीदा मन से पिता परमेस्वर पर अपणी पूरि सरदा रखी के ये काम तैं पूरु कैरा।

गढवली नयो नियम

²² हे सेवकों, जु दुनिया मा तुमारा स्वामी छिन, सभि बातों मा ऊंको आज्ञा मांणा, अर मनिख्युं तैं खुश कन वलो का जन न, बल्कि सचै ल अर पिता परमेश्वर कि डैर भय बट्टी कैरा।

कुलुसी 3:22 Referans Kwoze

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

1 थिस्सलुनीकी 2:4

मगर पिता परमेस्वर न हमतै ये लैख समझि कि ये शुभ समाचार की सेवा हमरा द्‍वारा किये जौ, अर उई शुभ समाचार हम लोगु तैं सुणौन्द्‍यां। अर यू काम हम मनखि तैं खुश करणु खुणि ना, बल्किन मा परमेस्वर तैं खुश करणु खुणि करद्‍यां जु की हमरा मनों का विचारों तैं परखदु।

कुलुसी 3:20

बच्‍चों, हरेक बात मा अपणा-अपणा ब्वे-बाब को बुलयूं माणा, किलैकि प्रभु यीशु यों बातों से ही खुश होन्दु।

लूका 6:46

तब यीशु न इन भि बोलि कि, “तुम मिकू ‘हे प्रभु, हे प्रभु,’ बुल्द्‍यां, पर जु मि बुल्दु, तुम वेतैं किलै नि मणद्‍यां?

फिलेमोन 1:16

पर अब वु एक गुलाम नि च बल्किन मा गुलाम से भि कई बढी के च, किलैकि अब उ एक बिस्वासी भै च जै बटि मि भौत प्यार करदु। पर अब वु त्वे खुणि जादा लाडलु होलु, किलैकि अब वु त्वे खुणि एक गुलाम का दगड़ा-दगड़ि एक बिस्वासी भै भि च।

2 कुरिन्थि 7:1

हे मेरा प्यारा भै-बैंणो, जब हमरा पास पिता परमेस्वर का यू करार छिन, इलै हमतै अपणु जीवन पवित्र बणै के रखण चयेणु, अर हम इन्द्रयो कुछ भि नि कैरा ज्यां से कि वेतैं घिण औन्दी। अर हमतै परमेस्वर पर अपणी पूरि सरदा रखी के एक पवित्र जीवन जीण की पूरि कोसिस करण चयेणी।

खास चेलों 2:46

अर ऊ एक मन ह्‍वेके हरेक दिन मन्दिर मा इकट्‍ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा।

लूका 7:8

किलैकि मि भि अधिकारीयों का मूड़ी काम करण वळु मनखि छौं, अर मेरा मूड़ी भि सिपै छिन। अर जब मि एक कू जाणु कू बुल्दु, त उ जान्दु च, अर जब दुसरा कू औणु कू बुल्दु, त उ औन्दु च। अर जब मि अपणा नौकर तैं कुछ करणु कू बुल्दु छौं, त उ वेतैं करदु च।”

मत्ती 8:9

किलैकि मि भि अधिकारीयों का मूड़ी काम करण वळु मनखि छौं, अर मेरा मूड़ी भि सिपै छिन। अर जब मि एक कू जाणु कू बुल्दु, त उ जान्दु च अर जब दुसरा कू औणु कू बुल्दु, त उ औन्दु च। अर जब मि अपणा नौकर तैं कुछ करणु कू बुल्दु छौं, त उ वेतैं करदु च।”

मत्ती 6:22

यीशु न ऊंकू बोलि कि, “मनखि का सरील खुणि वेका आंखा द्‍यू का जन काम करदिन, अर अगर जु ऊ ठिक होला, त वेको पूरु सरील मा उज्याळु होलु।