कुलुसी 3:14 - Garhwali

¹⁴ अर यों सब बातों का दगड़ा-दगड़ि, अपणा जीवन तैं प्यार करण वळु बणै द्‍या, किलैकि मसीह प्यार ही सब लोगु तैं एक कैरिके रखदु।

गढवली नयो नियम

¹⁴ अर सबसे जरूरी काम जु तुम तैं कन चयणु च उ यूं च कि एक दुसरा बट्टी प्रेम कैरी के तुम पूरा ढंग से कठ्ठा हवे जावा।

कुलुसी 3:14 Referans Kwoze

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

कुलुसी 2:2

अर या मेनत मि इलै करदु, ताकि तुम सभ्या का सभि एक-दुसरे कि हिम्मत बढै सैका, अर अपणा आपस मा बड़ा प्यार से मिली-जुली के रा। अर पिता परमेस्वर का ज्ञान का खजाना तैं तुम जाणि सैका ज्यां से की सच्‍चै की समझ मिलदी, अर तुम परमेस्वर का वे राज तैं भि पछ्याणी सैका, जु की यीशु मसीह का द्‍वारा परगट ह्‍वे।

यूहन्ना 13:34

इलै अब मि तुमतै एक नई आज्ञा देन्दु छौं, कि तुम एक-दुसरा बटि प्यार कैरा। अर जन मिन तुम बटि प्यार कैरी, उन्‍नि तुम भि एक-दुसरा बटि प्यार कैरा।

रोमियों 13:8

हे मेरा भै-बैंणो, तुमरो यू फरज बणदु कि तुम सब लोगु से प्यार कैरा, अर ऊंतैं ऊंको पूरु हक द्‍या, किलैकि जु मनखि दुसरा लोगु तैं प्यार करदु वेन सब नियम-कानून को पालन कैरियाली।

इफिसुस 4:3

अर पवित्र आत्मा का द्‍वारा एकजुट होण को जु दान तुमतै मिली वेका मुताबिक तुम एक-दुसरा का दगड़ा मा शान्ति से रौण की पूरि कोसिस कैरा।

1 यूहन्ना 4:21

इलै हमतै यीशु मसीह का द्‍वारा इन आज्ञा मिली च कि जु मनखि परमेस्वर से प्यार करदु, वेतैं सब लोगु बटि प्यार करण चयेणु।

2 पतरस 1:7

अर वेकी भक्‍ति करण मा भै-भयात च, अर तुम वीं भै-भयात मा अर वेका प्यार मा और भि जादा बढदी जा।

1 तीमुथियुस 1:5

अर आदेस देके समझाणो को कारण यू च, कि हरेक बिस्वासी मनखि आपस मा प्यार से रौ। अर यू प्यार सच्‍चा मन, शुद्ध दिल अर सच्‍चा बिस्वास से होण चयेणु।

1 थिस्सलुनीकी 4:9

अर बिस्वासी भै-बैंणो बटि प्यार करण का बारा मा तुमकु कुछ लिखण मि जरुरी नि समझदु, किलैकि परमेस्वर न तुमतै खुद यू सिखैयेलि, कि आपस मा एक-दुसरा बटि प्यार कैरा।

यूहन्ना 17:23

अर तुम मि मा छाँ अर मि ऊंमा छौं, ताकि वु पूरि तरौं से एक ह्‍वे जा। अर यू देखि के दुनियां का लोग जाणि जाला, कि तुमुन ही मितैं भेजि च, अर जन तुमुन मि बटि प्यार कैरी, ठिक उन्‍नि प्यार ऊं बटि कैरी।

यूहन्ना 15:12

अर मेरी आज्ञा या च, कि जन मिन तुम बटि प्यार कैरी, ठिक उन्‍नि तुम भि एक-दुसरा बटि प्यार कैरा।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।

इब्रानी 6:1

इलै हे मेरा दगड़्यों, आ, अर जु कुछ भि हमतै यीशु मसीह का बारा मा पैलि सिखये गै हम वीं ही शिक्षा मा नि बणयां रा, बल्किन मा बड़ा होण का नाता और भि जादा अगनै बढा अर मजबूत होन्दी जा। अर अब तुमतै यू सब बात बतौण की जरुरत नि छिन कि आखिर हमतै वु सब काम किलै छुड़ण चयेणा जु कि मौत कि तरफा लेके जनदिन, अर हमतै पिता परमेस्वर पर किलै भरोसा रखण चयेणु।

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

1 यूहन्ना 3:10

अर पिता परमेस्वर की औलादों अर शैतान की औलादों की पछ्याण यां से ही होन्दी, अर हरेक उ मनखि जु परमेस्वर की नजर मा धरमी जीवन नि जीन्दु उ वेकी तरफा बटि नि च, अर जु मनखि सब लोगु से प्यार नि करदु उ भि परमेस्वर की तरफा बटि नि च।