कुलुसी 3:10 - Garhwali

¹⁰ अर तुमुन नयू जीवन जीण शुरु कैरियाली, जु कि तुमतै नयू बणौन्दि जाणु च अर यू तुमतै वेका जन बणौन्दु जै परमेस्वर न तुमतै बणै। अर यू नयू जीवन ही तुमतै पिता परमेस्वर को सच्‍चु ज्ञान देन्दु।

गढवली नयो नियम

¹⁰ अर अब तुम नया आदिम बंणि ग्यां यु नयो स्वभाव अपड़ा सृजनहार पिता परमेश्वर का जन जादा से जादा बणदी जांद कि तुम वे तैं और अनुके जांणि सकला।

कुलुसी 3:10 Referans Kwoze

रोमियों 12:2

अर सुणा, तुमतै ईं दुनियां का मुताबिक अपणु जीवन नि जीण चयेणु, पर पिता परमेस्वर का द्‍वारा तुम अपणा मन तैं नयू बणै के अपणा चाल-चलन तैं बदला। तब जैके तुम पिता परमेस्वर की मनसा तैं जाणि सकिल्या, कि कु जि बात वेतैं अच्छी लगदिन, अर कु जि बात छिन जु कि स्वीकार करण लैख छिन जौं मा कुछ भि गळत नि हो।

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।

कुलुसी 3:12

हे मेरा भै-बैंणो, तुम पिता परमेस्वर का चुण्यां पवित्र अर प्यारा लोग छाँ, इलै अपणा-अपणा मनों मा एक-दुसरा खुणि भली मनसा रखा। अर दया करण, भलै करण, दीन अर नमर बणि के एक-दुसरे की सब बातों तैं सौण वळा भि बणा।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

कुलुसी 3:14

अर यों सब बातों का दगड़ा-दगड़ि, अपणा जीवन तैं प्यार करण वळु बणै द्‍या, किलैकि मसीह प्यार ही सब लोगु तैं एक कैरिके रखदु।

1 यूहन्ना 2:5

मगर कुई मनखि पिता परमेस्वर की आज्ञा को पालन करदु, त उ अपणा पूरा दिल से वेसे प्यार करदु। अर यां से इन पता चलदु कि हमरु पिता परमेस्वर का दगड़ा मा कथगा सच्‍चु रिश्ता च।

रोमियों 13:14

बल्किन मा प्रभु यीशु मसीह का सभौ तैं अपणा जीवन मा पूरि तरौं से ले ल्या, अर अपणा सरील की पापि इच्छाओं तैं पूरु करण बन्द कैरी द्‍या।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

दिब्य दरस 21:5

तब जु राजगद्‍दी पर बैठयूं छौ वेन बोलि, “देख, मि सब कुछ नयू बणौणु छौं।” अर वेन फिर मिकू बोलि, “लिख ले, किलैकि यू वचन भरोसा का लैख अर सच्‍चा छिन।”

गलातियों 6:15

अर खतना करण का रिवाज तैं पूरु करण या नि करण येसे कुई फैदा नि च, पर अब जु कुछ भि च उ सब यीशु मसीह मा नयू जीवन ही च।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

2 कुरिन्थि 3:18

अर पिता परमेस्वर न हमरा मुख बटि वु परदा हटैयली, अर अब हम इन देखि सकद्‍यां कि हमरु प्रभु कथगा महान च। अर हम पवित्र आत्मा का द्‍वारा लगातार प्रभु यीशु मसीह कि तरौं बणदी जां, ताकि लोग भि जाणि सैका कि हमरु प्रभु कथगा महान च। अर यू सब काम हमरा प्रभु यीशु मसीह को पवित्र आत्मा करदु।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

गलातियों 3:27

अर तुम मा बटि जथगा लोगु न यीशु का नौ से पाणि मा डुबकी लेके बपतिस्मा लिनी, ऊंन यीशु मसीह तैं कपड़ों का जन पैनयालि।

रोमियों 6:4

इलै जब हमुन पाणि मा डुबकी मारी के जु बपतिस्मा ले वेका द्‍वारा हम भि यीशु मसीह का दगड़ा मा दफनै ग्यां, ताकि वेकी मौत का दगड़ा मा हम भि सामिल ह्‍वे जा। अर जन पिता परमेस्वर की ताकत न यीशु मसीह तैं मुरदो मा बटि ज्यून्द कैरी, ठिक उन्‍नि उ हमतै भि उठालु अर वेका द्‍वारा हम नयू जीवन जी सकद्‍यां।

2 कुरिन्थि 4:16

इलै ही हम भि अपणी हिम्मत तैं नि छुड़द्‍यां अर ना ही हमुन वचन सुनौण बन्द कैरी, अर भले ही हमरा सरील कमजोर छिन, पर फिर भि पिता परमेस्वर हमतै हरेक दिन हिम्मत देन्दु अर हमतै मजबूत कनु रौन्दु।

फिलेमोन 1:6

अर मि इन प्रार्थना करदु, कि बिस्वास की ज्वा संगत तू दुसरा लोगु का दगड़ा मा रखदी, वेका द्‍वारा त्वेतै या बात भौत अच्छे से पता चलु कि यीशु मसीह पर बिस्वास करण से हम लोगु तैं क्या-क्या अच्छी आसीस मिलदिन।