कुलुसी 3:1 - Garhwali

¹ इलै अब जब तुमतै यीशु मसीह मा नयू जनम मिली गै, त स्वर्ग की बातों की खोज मा रा, जख मसीह पिता परमेस्वर की दैंणी तरफा बैठयूं च।

गढवली नयो नियम

¹ इलै जब तुम मसीह का दगड़ी ज्यून्दा किये ग्यां त स्वर्ग की चिज्युं कि खोज मा रावा, जख मसीह आज पिता परमेश्वर का दगड़ा मा सबसे सम्मानित जगह पर बैठयूं च।

कुलुसी 3:1 Referans Kwoze

रोमियों 8:6

अब जु लोग केवल अपणा सरील की मनसा तैं पूरि करण मा लग्यां रौनदिन, ऊंन मुरण च मगर जु लोग पवित्र आत्मा की मनसा का मुताबिक चलदिन, ऊ ज्यून्दा राला अर एक नयू जीवन पाला अर ऊंतैं अपणा जीवन मा शान्ति मिलली।

मत्ती 6:33

इलै पैलि तुम परमेस्वर का राज की खोज कैरा, अर धरमी जीवन जीणु खुणि पूरि कोसिस कैरा, त यू सब चीज तुमतै मिली जालि।

2 कुरिन्थि 4:18

इलै हमरि नजर दिखैण वळी चीजों पर नि लगि छिन, बल्किन मा हमरि नजर त ऊं चीजों पर लगीं छिन जु कि दिखैणी नि छिन, किलैकि जु चीज दिखेन्दी छिन वु कुछ देर खुणि ही छिन, मगर जु चीज दिखेन्दी नि छिन ऊ सदनि खुणि बणि रौनदिन।

कुलुसी 3:2

अर अपणु मन दुनियां की बातों पर ना, बल्किन मा स्वर्ग की चीजों पर लगा,

मत्ती 6:20

पर अफु खुणि स्वर्ग मा धन जमा कैरा उख नऽ त वेतैं कीड़ु खालु, अर ना ही वेतैं जंक बरबाद करलु, उख त चोर भि नि ऐ सकदु अर ना ही तोड़ि के कुछ लि जै सकदु।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

लूका 12:33

अर जु कुछ तुमरा पास च वेतैं बेचि के जरुरतमन्द लोगु तैं दे द्‍या। अर स्वर्ग मा अफु खुणि इन्द्रया बटुवा बणावा जु कभि पुरणा नि होनदिन, अर वामा अफु खुणि इन्द्रयो धन इकट्‍ठा कैरा, जु कभि खतम नि होन्दु अर जैका नजदीक चोर नि ऐ सकदु अर ना ही वे पर कभि कीड़ु लगदु।

इब्रानी 1:3

अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

लूका 22:69

पर सुणा, अब बटि मनखि को पुत्र ताकतबर परमेस्वर का दैंणी तरफा बैठयूं होलु।”

कुलुसी 2:20

हे मेरा भै-बैंणो, तुमरा पापि सभौ तैं यीशु मसीह का दगड़ा क्रूस पर मरे गै, इलै अब बुरी ताकतों को तुम पर कुई अधिकार नि च। अर मितैं इन बता कि अब तुमरो सभौ इन्द्रयो किलै होणा छाँ? अरे, तुम त इन जीवन जीण छाँ जन कि ईं दुनियां का नियम तुम खुणि ही बणयां हो,

इब्रानी 8:1

हे मेरा दगड़्यों, हमरि यों सब बातों को मतलब यू च कि हमरु यीशु मसीह एक इन्द्रयो महा पुरोहित च, जु कि स्वर्ग मा सबसे महान परमेस्वर की राजगद्‍दी की दैंणी तरफा बैठयूं च।

रोमियों 8:34

किलैकि यीशु मसीह वु मनखि च जैतैं पिता परमेस्वर न हम लोगु तैं बचौणु खुणि ठैरै, अर उई च जैतैं मनखि का पापों का खातिर मरे गै। अर पिता परमेस्वर न वेतैं उन्‍नि नि छोड़ि, बल्किन मा वेतैं मुरदो मा बटि ज्यून्दु कैरी, अर अपणा दैंणी हाथ की तरफा बैठे के वेतैं पूरु आदर-सम्मान दिनी, ताकि वु बिचलु बणि के हमतै पिता परमेस्वर का दगड़ा मा एक कैरो।

इब्रानी 10:12

मगर यीशु मसीह न खुद तैं एक बलि का रुप मा दे दिनी, एक इन्दरि बलि जु कि सदनि तक रौण वळी च। अर वेका बाद उ परमेस्वर का दैंणा हाथ की तरफा आदर-सम्मान वळी जगा मा जैके बैठि गै।

मत्ती 26:64

अर यीशु न बोलि, “तुमुन अफि बोलियालि। फिर भि मि तुम लोगु बटि बोन्‍नु छौं, अब बटि तुम मनखि का पुत्र तैं सबसे महान परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

इफिसुस 4:10

अर वु जु की अधलोक मा गै उई च जु कि आसमान मा मथि चैड़ि, ताकि वु सभ्यों तैं भरपूर कैरी द्‍यो।

मरकुस 14:62

तब यीशु न बोलि, “मि छौं, तुम लोग मनखि का पुत्र तैं बड़ा आदर का साथ ताकतबर परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

इब्रानी 1:13

अर परमेस्वर न कभि कै स्वर्गदूत कू नि बोलि कि, “मेरी दैंणी तरफा बैठ, जबरि तक कि मि तेरा दुसमनों तैं हरै के तेरा अधीन मा नि कैरी द्‍यूं।”

खास चेलों 2:34

अर राजा दाऊद त स्वर्ग मा नि गै, पर फिर भि उ यीशु का बारा मा इन बुल्दु कि, “परमेस्वर न मेरा प्रभु बटि बोलि, ‘मेरी दैंणी तरफा बैठ,

लूका 20:42

जब की दाऊद अफि भजन संहिता की किताब मा बुल्दु कि, “परमेस्वर न मेरा प्रभु बटि बोलि,

मरकुस 16:19

अर जब प्रभु यीशु ऊंका दगड़ा बात कैरी दिनी वेका बाद उ स्वर्ग मा उठये गै, अर परमेस्वर की दैंणी तरफा आदर-सम्मान वळी जगा मा बैठि गै।

मरकुस 12:36

जब की राजा दाऊद न खुद पवित्र आत्मा मा ह्‍वेके बोलि कि, “‘परमेस्वर न मेरा प्रभु बटि बोलि, मेरी दैंणी तरफा बैठ, जबरि तक की मि तेरा दुसमनों तैं हरै के तेरा अधीन मा नि कैरी द्‍यूं।’

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

खास चेलों 7:55

मगर स्तिफनुस न पवित्र आत्मा से भरपूर ह्‍वेके स्वर्ग जनै देखि, अर वेन परमेस्वर की दिब्य चमक देखि अर यीशु मसीह तैं परमेस्वर का दैंणी तरफा खड़ु होयुं देखि अर बोलि कि,

मत्ती 22:44

अर उ इन बुल्दु कि, “‘परमेस्वर न मेरा प्रभु बटि बोलि, मेरी दैंणी तरफा बैठ, जबरि तक कि मि तेरा दुसमनों तैं हरै के तेरा अधीन नि कैरी द्‍यूं।’

इफिसुस 5:22

हे मेरी बैंणो, जन तुम प्रभु यीशु का अधीन मा रौन्द्‍यां ठिक उन्‍नि तुम अपणा-अपणा पति का अधीन मा भि रा।