कुलुसी 2:4 - Garhwali

⁴ अर या बात मि इलै बोन्‍नु छौं, ताकि कुई भि मनखि अपणी मिठी-मिठी बात से तुमतै भटके नि द्‍यो।

गढवली नयो नियम

⁴ यु मि इलै बुल्ण छौं, कि कुई मनिख तुम तैं ऊं की झूठी शिक्षाओं पर विश्वास कनु कु राजी कैरी के धोखा नि द्यो।

कुलुसी 2:4 Referans Kwoze

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

मत्ती 24:4

तब वेन ऊंतैं जबाब दिनी, “चेतन रा, कुई भि तुमतै भरमै नि सैको।

2 यूहन्ना 1:7

किलैकि ईं दुनियां मा भौत सा धोखा देण वळा लोग निकळि के ऐ गैनी। अर वु ईं बात तैं स्वीकार नि करदिन, कि यीशु मसीह एक मनखि का रुप मा ईं दुनियां मा ऐ। अर यू उई च जु कि धोखा देण वळु, अर यीशु मसीह को दुसमन च।

मरकुस 13:22

किलैकि झूठ्‍ठा मसीह अर झूठ्‍ठा रैबर्या ऐ जाला, अर इन ह्‍वे सकदु कि चुण्यां लोगु तैं भरमौण खुणि ऊ बड़ा-बड़ा चिन्‍न अर चमत्कार का काम कैरिके दिखाला।

दिब्य दरस 20:8

अर उ धरती का सब देसों तैं भरमौण खुणि निकळळु, तब गोग अर मागोग दुनियां का लोगु तैं परमेस्वर का लोगु का खिलाप मा युद्ध करणु खुणि इकट्‍ठा करला। अर ऊंकी गिनती समुन्दर का बळा का जन होलि, जौं तैं कुई गिणी नि सकदु।

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

2 तीमुथियुस 2:16

अर जु लोग परमेस्वर का वचन का खिलाप मा सिखौन्दिन, तू इन्दरि गळत शिक्षा देण वळो बटि अलग रौ। किलैकि इन्दरि बातों से लोग परमेस्वर बटि दूर ह्‍वे जनदिन।

इफिसुस 5:6

अर कुई भि मनखि तुमतै बेकार की बातों मा नि फंसौ, किलैकि यों बातों का खातिर ही परमेस्वर को गुस्सा आज्ञा नि मनण वळा लोगु पर पोड़दु।

खास चेलों 20:30

इख तक कि, तुम लोगु मा बटि ही कुछ लोग इन निकळळा, जु कि अपणी गळत शिक्षा देके, बिस्वासी लोगु तैं भि अपणा दगड़ा मा कैरी द्‍याला।

दिब्य दरस 20:3

अर स्वर्गदूत न वेतैं अधलोक मा ढोळि दिनी, अर अधलोक तैं बन्द कैरिके वे पर मोर लगै दिनी, ताकि जब तक एक हजार साल पूरा नि ह्‍वे जा, तब तक उ देस-देस का लोगु तैं भरमै नि सैको। अर येका बाद जरुरी च कि वेतैं कुछ देर खुणि छुड़ै जौ।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

1 यूहन्ना 2:26

अर यू सब बात मि तुम खुणि इलै लिखणु छौं, ताकि तुम जाणि जा कि भौत सा लोग छिन, जु तुमतै सच्‍चै का बाटा बटि भरमौण चनदिन।

1 यूहन्ना 2:18

हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।

कुलुसी 2:18

मेरा दगड़्यों, चौकस रा, कखि कुई मनखि अपणी झूठ्‍ठी शिक्षा का द्‍वारा तुमतै पिता परमेस्वर से मिलण वळा इनाम से बेदखल नि कैरी द्‍यो, किलैकि झूठ्‍ठु मनखि लोगु तैं दिखौणु खुणि दीन बणदु अर स्वर्गदूतों की पूजा करण की बात सिखौन्दु, अर उ इन जोर देन्दु कि तुम भि ठिक इन्‍नि कैरा। अर इन्द्रया झूठ्‍ठा लोग बुलला कि ऊंन पिता परमेस्वर से सुपन्या मा दरसन का द्‍वारा यू ज्ञान पै, इलै ऊ अपणा विचारों पर बड़ु मोन करदिन, मगर सच्‍चै त या च कि ऊंका मनों मा यू विचार परमेस्वर की तरफा बटि नि छिन।

कुलुसी 2:8

अर चौकस रा, कखि कुई अपणी बेकार की बातों अर मन से बणईं शिक्षा का द्‍वारा तुमतै धोखा देके अपणु सिकार नि बणै द्‍यो, अर या शिक्षा मनखियों की बुलिं औखाणों अर दुनियां कि पुरणि शिक्षाओं का मुताबिक च, इन्दरि शिक्षा यीशु मसीह का मुताबिक नि च।

गलातियों 2:4

मगर कुछ झूठ्‍ठा लोग जु कि लुकि-छिपी के सभा का बीच मा अयां छा, ऊंकी वजै से दिक्‍कत खड़ि ह्‍वे गै। अर वु ऊं जासूसों की तरौं छा, जु कि हमरि आजादी अर वे सम्बन्ध का बारा मा भौत अच्छे से जणदा छा, वु जणदा छा कि हम यीशु मसीह का द्‍वारा परमेस्वर का दगड़ा मा सम्बन्ध रखद्‍यां। अर वु लोग ईं आजादी तैं हम बटि छिनण चाणा छा, अर हमतै यहूदी नियम-कानूनों को गुलाम बणौण की पूरि कोसिस कना छा।

2 कुरिन्थि 11:3

मगर मितैं ईं बात की बड़ी चिन्ता च कि जन शैतान न गुरौ का द्‍वारा बड़ी चालाकी से हवा तैं अपणा छल मा फंसै दिनी, ठिक उन्‍नि कखि इन नि हो कि झूठ्‍ठा लोग अपणी गळत शिक्षा का द्‍वारा तुमरा पवित्र जीवन तैं जु कि यीशु मसीह का दगड़ा मा च वेतैं बिगाड़ि नि द्‍या।

1 कुरिन्थि 2:4

अर वे बगत जु वचन मिन बोलि या परचार कैरी, उ ऊंका जन नि छौ जु कि अपणी बातों का द्‍वारा लोगु का मनों तैं अफ जनै कैरी देन्दिन, मगर मिन तुमतै पवित्र आत्मा का द्‍वारा सब सच्‍चि बात ही बतैनि।

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।