कुलुसी 2:12 - Garhwali

¹² अर जब तुमुन बपतिस्मा ले, त तुमुन अपणा पापि सभौ तैं यीशु मसीह का दगड़ा मा दफनै दिनी। अर तुमतै पिता परमेस्वर की ताकत पर बिस्वास च जैन यीशु मसीह तैं मुरदो मा बटि ज्यून्दु कैरी, ठिक उन्‍नि वेन तुमतै भि वेका दगड़ा-दगड़ि नयू जीवन देके ज्यून्दु कैरी।

गढवली नयो नियम

¹² अर वेका ही दगड़ा मा तुम्हरो बपतिस्मा हवे के तुम वे दगड़ी दफनये ग्यां जन मसीह दफनये गै अर वे ही दगड़ी ज्यून्दा भि करे ग्यां, किलैकि तुम ल पिता परमेश्वर कि वीं सामर्थ पर विश्वास कैरी जैल मसीह तैं मुर्दों मा बट्टी ज्यूँदो कैरी।

कुलुसी 2:12 Referans Kwoze

1 पतरस 3:21

अर जै पाणि से वु आठ लोग बचयै गैनी वेको मतलब बपतिस्मा से च, जु कि तुमतै बचौन्दु। अर बपतिस्मा को मतलब यू नि च, कि वां से सरील की गन्दगी दूर ह्‍वे जौ, असल मा वांको मतलब इन च कि तुम लोग जमीर मा शुद्ध ह्‍वेके पिता परमेस्वर का अधीन ह्‍वे जा। अर यू सब यीशु मसीह का मुरदो मा बटि ज्यून्द होण से च।

गलातियों 3:27

अर तुम मा बटि जथगा लोगु न यीशु का नौ से पाणि मा डुबकी लेके बपतिस्मा लिनी, ऊंन यीशु मसीह तैं कपड़ों का जन पैनयालि।

खास चेलों 2:24

पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्‍वे ही नि सकदी छै कि मौत वेतैं अपणा वश मा रखो।

इफिसुस 3:17

अर यीशु मसीह पर बिस्वास करण की वजै से उ तुमरा दिल मा वास कैरो, अर वेका होण से तुमरा भितर को मनखि एक-दुसरा का दगड़ा प्यार से रौण मा और भि जादा मजबूत हो।

रोमियों 4:24

बल्किन मा या बात त हम खुणि भि लिखे गै, किलैकि हम वे परमेस्वर पर बिस्वास करद्‍यां जैन हमरा प्रभु यीशु मसीह तैं मुरदो मा बटि ज्यून्द कैरी। इलै या बात हम खुणि भि च, ताकि हम लोग भि बिस्वास करण का द्‍वारा धरमी गिणै जां।

इफिसुस 4:5

अर एक ही प्रभु, एक ही बिस्वास अर एक ही बपतिस्मा च,

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

1 कुरिन्थि 15:20

मगर हे मेरा भै-बैंणो, मि तुमतै सच्‍च बतै देन्दु कि सबसे पैलु मनखि यीशु मसीह ही च जैतैं पिता परमेस्वर न मुरदो मा बटि ज्यून्दु कैरी। अर वु ईं बात को सबूत च कि पिता परमेस्वर अपणा लोगु तैं भि जरुर मुरदो मा बटि ज्यून्द करलु।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 6:2

अर ना ही अब तुमतै ईं बात का बारा मा शिक्षा देण कि जरुरत च। जन कि, पाणि मा डुबकी लेके बपतिस्मा लेण का बारा मा, हाथ रखी के प्रार्थना करण का बारा मा या मुरदो मा बटि ज्यून्द होण का बारा मा, या फिर औण वळा बगत मा न्याय का बारा मा।

फिलिप्पी 1:29

अर यीशु मसीह की वजै से ही तुमतै इन हिम्मत मिली कि तुम ना केवल बिस्वास करण मा, बल्किन दुख झिलण का बगत मा भि अपणी हिम्मत बणै के रखी सैका।

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

इफिसुस 3:7

अर पिता परमेस्वर न अपणा सामर्थ का द्‍वारा मि पर अपणी महान किरपा को काम कैरी, ताकि मि एक सेवक बणि के वेका शुभ समाचार तैं फैलाण को काम कैरुं।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

रोमियों 7:4

हे मेरा भै-बैंणो, ठिक इन्‍नि जब यीशु मसीह तैं क्रूस पर मरे गै, त तुम भि वेका दगड़ा मा मरे ग्यां। इलै अब से तुम पुरणा नियम-कानूनों का भार से आजाद ह्‍वे ग्यां अर हमरु यीशु मसीह जैतैं पिता परमेस्वर न मुरदो मा बटि ज्यून्द कैरी अब उई तुमरो मालिक च। इलै अब तुम पिता परमेस्वर को सेवक बणि के भलै का काम कैरा।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

लूका 17:5

तब खास चेलों न प्रभु कू बोलि, “गुरुजी, हमरु बिस्वास कनकै बढी सकदु?”

खास चेलों 2:32

अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

कुलुसी 1:29

अर इलै ही मि येतैं पूरु करणु खुणि कड़ी मेनत करदु, अर बड़ी जनतौ-जहैत करदु अर यू मि यीशु मसीह की दिईं सामर्थ का द्‍वारा करदु, ज्वा कि मेरा भितर काम कनि च।

कुलुसी 2:13

अर तुम त अपणा-अपणा पापों की वजै से मुरयां लोगु का जन छा, अर तुमुन खतना का रिवाज तैं पूरु नि कैरी, मगर फिर भि पिता परमेस्वर न तुमतै यीशु मसीह का दगड़ा मा नयू जनम देई, अर तुमरा सब पापों तैं माफ कैरी।