कुलुसी 2:11 - Garhwali

¹¹ अर तुमरा सरील मा खतना को रिवाज तैं यीशु मसीह का द्‍वारा पूरु किये गै, जु कि हाथोंळ नि ह्‍वे, बल्किन मा पवित्र आत्मा का द्‍वारा ह्‍वे। अर यू इन्द्रयो खतना च जु कि यीशु मसीह का द्‍वारा ही किये जान्दु, अर मनखि का सरील बटि पाप का सभौ तैं भैर निकळे जान्दु।

गढवली नयो नियम

¹¹ जब तुम ल मसीह पर विश्वास कैरी, त तुम्हरो खतना मनिख्युं द्वारा नि किये गै जन यहूदी करदींनि पर उ खतना हवे जु मसीह का द्वारा किये गै, जु कि तुम्हरो पापमय स्वभाव तैं काटि कै दूर करद।

कुलुसी 2:11 Referans Kwoze

रोमियों 2:29

मगर एक सच्‍चु यहूदी त वु च, जु कि अपणा मन से यहूदी हो अर वेका मुताबिक ही वेन अपणु खतना भि कर्युं हो अर यू सब केवल मन अर आत्मा मा च, ना कि नियम-कानून का मुताबिक सरील मा। इन्द्रया लोगु की तारीफ मनखियों का द्‍वारा ना, बल्किन मा पिता परमेस्वर की तरफा बटि होन्दी।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

इफिसुस 4:22

इलै अपणा-अपणा जीवन का वे पुरणा बुरा चाल-चलन तैं छोड़ि द्‍या, जु कि भरमौण वळी इच्छाओं तैं रखदु, अर अपणा बुरा सभौ का मुताबिक बिस्वासी लोगु तैं भ्रष्‍ट कैरी देन्दु।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

इब्रानी 9:24

इलै यीशु मसीह मनखियों का द्‍वारा बणयां मन्दिर की पवित्र जगा मा नि गै, जु कि असली चीजों को एक नमूना च, मगर उ वेका बदला स्वर्ग मा गै जख उ हमरि खातिर पिता परमेस्वर का समणि हाजिर रौन्दु।

इब्रानी 9:11

हे मेरा भै-बैंणो, अब जब यीशु मसीह ईं दुनियां मा एक महा पुरोहित बणि के ऐ, त उ हम खुणि भली से भली आसीस लेके ऐ, जु कि आज हमतै मिलणी छिन। अर जख यीशु मसीह न सेवा कैरी उ बड़ु भलु च किलैकि उ पवित्र तम्बू मनखियों का हाथोंळ नि बणि अर ना ही उ ईं दुनियां को च।

2 कुरिन्थि 5:1

हम जणदा छां कि ईं दुनियां मा हमरु सरील एक तम्बू की तरौं च, जैको कुई ठौ-ठिकाणु नि च अर एक दिन येको नास ह्‍वे जाण। मगर स्वर्ग मा हमरा पास पिता परमेस्वर की तरफा बटि मिलण वळु एक इन्द्रयो सरील होलु जैन सदनि तक रौण। अर यू सरील एक इन्द्रया तम्बू की तरौं च, जु कि मनखि का द्‍वारा ना पर पिता परमेस्वर का द्‍वारा बणयूं च।

खास चेलों 17:24

कि जै परमेस्वर न पूरि धरती अर वेकी सब चीजों तैं बणै, उई परमेस्वर आसमान अर ईं धरती को मालिक च। अब बता वु परमेस्वर मनखि का द्‍वारा बणयां मन्दिर मा कनकै रै सकदु?

खास चेलों 7:48

पर क्या इन ह्‍वे सकदु च कि सबसे महान परमेस्वर मनखि द्‍वारा बणईं जगा मा रौ, ना, इन नि ह्‍वे सकदु किलैकि परमेस्वर न अपणा रैबर्या का द्‍वारा बोलि छौ कि,

लूका 2:21

अर बच्‍चा पैदा होण का आठवां दिन मा, जब खतना का रिवाज तैं पूरु करण को दिन ऐ, त वेकू नौ यीशु रखै गै। अर यू उई नौ छौ, जु स्वर्गदूत न मरियम का गरवति होण से पैलि वे बच्‍चा तैं देई छौ।

मरकुस 14:58

“हम लोगु न येतैं इन बुल्द सुणी कि, ‘मि हाथ का बणयां ये मन्दिर तैं ढोळि द्‍यूलु, अर तीन दिन मा दुसरो बणै द्‍यूलु, जु कि हाथों को बणयूं नि होलु।’”

रोमियों 7:24

मेरु त जोग ही खराब च, अब कु जि मितैं छुटकारा द्‍यालु? किलैकि पाप मितैं मौत की तरफा लेके जनदिन।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।