कुलुसी 1:19 - Garhwali

¹⁹ किलैकि पिता परमेस्वर तैं यू ही अच्छु लगि, कि वेकी पूरि भरपूरी यीशु मसीह मा ही हो।

गढवली नयो नियम

¹⁹ किलैकि पिता परमेश्वर कि खुशी ईं बात मा च कि वेकी सैरी परिपूर्णता यीशु मसीह मा हो।

कुलुसी 1:19 Referans Kwoze

कुलुसी 2:9

इलै हे मेरा भै-बैंणो, यीशु मसीह का मुताबिक जीवन जीण से तुम लोग भि आत्मिक रुप से भरपूर ह्‍वे ग्यां। हाँ, जु कि सब किसम की ताकत अर अधिकारो को मुखिया च, किलैकि पिता परमेस्वर की पूरि भरपूरी यीशु मसीह मा ही च।

यूहन्ना 1:16

अर वेकी भरपूर किरपा बटि हम सभ्यों तैं आसीस पर आसीस मिली।”

इफिसुस 1:23

अर समुदाय का लोग यीशु मसीह का सरील का जन छिन, जौं लोगु मा उ पूरि तरौं से रौन्दु अर उई च जु कि सब चीजों मा सब कुछ पूरु करदु।

कुलुसी 2:3

किलैकि वेमा ही अकल अर ज्ञान का सब खजाना छिप्यां छिन।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

इफिसुस 1:3

हमरा प्रभु यीशु मसीह का पिता परमेस्वर की तारीफ हो, जैन हमतै यीशु मसीह का पास औण का बाद पवित्र आत्मा का द्‍वारा हरेक किसमे की आत्मिक आसीस दिईं च।

यूहन्ना 3:34

किलैकि जैतैं परमेस्वर न भेजि, उ त केवल परमेस्वर की ही छुईं करदु। अर इन वु इलै करदु किलैकि परमेस्वर वेतैं पवित्र आत्मा भरपूरी से देन्दु।

इफिसुस 4:10

अर वु जु की अधलोक मा गै उई च जु कि आसमान मा मथि चैड़ि, ताकि वु सभ्यों तैं भरपूर कैरी द्‍यो।

लूका 10:21

अर उबरि यीशु पवित्र आत्मा बटि खुश ह्‍वेके बोन्‍न लगि गै, “हे मेरा पिता, स्वर्ग अर धरती का प्रभु, मि तुमरो धन्यवाद करदु, हाँ पिता किलैकि तुमतै यू ही अच्छु लगि, कि यू सब बात समझदारों अर अकलमन्दो बटि छिपै जौ, अर ऊं लोगु पर परगट किये जौ जु बच्‍चों का जन छिन।

इफिसुस 1:5

अर अपणी भली मनसा का मुताबिक जन पिता परमेस्वर न ठाणि छौ, वेन हम से प्यार कैरी। अर हमतै यीशु मसीह का द्‍वारा गोद लिनी, ताकि हम वेकी औलाद बणि जां।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।