कुलुसी 1:16 - Garhwali

¹⁶ किलैकि वेका द्‍वारा ही सब चीजों तैं बणयै गै, याने कि स्वर्ग अर ईं धरती की सब चीज, दिखैण वळी अर नि दिखैण वळी चीज, राजगद्‍दी अर साम्राज्य, सासक अर अधिकारी, सब कुछ वेका ही द्‍वारा बणयै गै अर वे खुणि ही बणयै गै।

गढवली नयो नियम

¹⁶ किलैकि यु उ ही मसीह च जैल सब कुछ बनौण बगत पिता परमेश्वर का दगड़ा काम कैरी, उ आसमान कि हूंनु या फिर धरती की हूंनु, देखि चीज हूंनु या फिर नि देखि चीज, क्य राजा, क्य प्रभुता, क्य प्रधानता, अर क्य अधिकार, सैरी चीज वेका ही द्वारा अर वेको ही रचे गैनी।

कुलुसी 1:16 Referans Kwoze

रोमियों 11:36

किलैकि सब कुछ पिता परमेस्वर न ही बणै, अर सब कुछ वेका द्‍वारा ही ह्‍वे, अर वे खुणि ही च। अर सदनि तक वेकी तारीफ होणी रौ। आमीन।

यूहन्ना 1:3

अर सब कुछ वेसे बणयै गै अर जु कुछ भि बणयै गै, उ सब कुछ वेका ही द्‍वारा बणयै गै।

1 कुरिन्थि 8:6

मगर हम खुणि एक ही च जैतैं हम पिता परमेस्वर का रुप मा स्वीकार करद्‍यां, अर उ हमरु ही पिता परमेस्वर च जैन सभ्यों तैं बणै, अर हम वेकी सेवा करद्‍यां। अर हमरु एक ही प्रभु च जु कि यीशु मसीह च जैका द्‍वारा सब कुछ बणि, अर जु कुछ भि च वु वेका ही द्‍वारा बणि, अर जु जीवन वेन हमतै देई उ सदनि को च।

इब्रानी 2:10

अर जन पिता परमेस्वर न चै, वेन अपणी ताकत का मुताबिक सब कुछ बणै। अर इन वेन इलै कैरी, ताकि उ यीशु मसीह का द्‍वारा भौत सा लोगु तैं अपणी महानता मा सामिल कैरी सैको। अर लोगु तैं बचौणु खुणि वेन अपणी योजना तैं पूरु कैरी, ज्वा कि यीशु तैं मौत का दुख तैं झिलण की छै। अर फिर वेन यीशु तैं मुरदो मा बटि ज्यून्द कैरिके ईं बात तैं सिद्ध कैरियाली, कि वेका द्‍वारा लोग पिता परमेस्वर का पास आ।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

इफिसुस 1:10

अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

कुलुसी 1:15

हे मेरा भै-बैंणो, कभि नि दिख्यौण वळा परमेस्वर को एक साक्षात रुप यीशु च, अर हरेक चीज का बणयै जाण मा भि सबसे पैलु यीशु ही च।

फिलिप्पी 2:10

ताकि जथगा भि लोग ईं धरती पर छिन या जु लोग अधलोक मा छिन, या जु स्वर्ग मा छिन वु सब लोग यीशु का नौ से घुंडा टेका।

कुलुसी 1:20

अर वेको जु ल्वे क्रूस पर बुगये गै, वेका द्‍वारा ही परमेस्वर न स्वर्ग अर धरती की सब चीजों को मेल-जोल अपणा दगड़ा मा फिर से कैरी। अर इन कैरिके उ ईं धरती पर शान्ति तैं लेके ऐ।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

कुलुसी 2:15

अर यीशु मसीह न सासन करण वळी, अर अधिकार रखण वळी सब बुरी ताकतों पर क्रूस का द्‍वारा जीत हासिल कैरिके ऊंको खुलाआम तमसो बणै दिनी।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

रोमियों 8:38

अर मितैं पूरु यकीन च, कि हमतै परमेस्वर का प्यार से कुई भि अलग नि कैर सकदु, नऽ त मौत, ना ही जीवन, नऽ त स्वर्गदूत, अर ना ही अधिकारी, अर नऽ त आज को दिन, ना ही औण वळु दिन, नऽ त ताकत, ना ही कुई ऊंचै,

यूहन्ना 1:10

अर उ दुनियां मा छौ अर दुनियां वेका द्‍वारा ही बणयै गै, पर दुनियां का लोगु न वेतैं नि पछ्याणी।

रोमियों 9:5

अर हमरा सब पितर लोग, पितर अब्राहम का वंश मदि छा। अर अगर सरील का रिश्ता से देखा, त यीशु मसीह भि एक इस्राएली मनखि च। अर पिता परमेस्वर ही च जु कि सब लोगु पर राज करदु, वेकी तारीफ सदनि होणी रौ। आमीन।