कुलुसी 1:11 - Garhwali

¹¹ अर तुम पिता परमेस्वर की महान ताकत से अपणा आत्मिक जीवन मा और भि जादा मजबूत होन्दी जा, ताकि मुसीबत का बगत पर खुशी से अर हर बात मा सबर रखी के तुम सब मुसीबतों तैं सै सैका।

गढवली नयो नियम

¹¹ पिता परमेश्वर अपड़ी महिमामय अर सामर्थ कु इस्तेमाल कैरी के तुम तैं बिज्यां मजबूत बणौ कि, तुम धीरज अर खुशी ल अपड़ा दुखों तैं सह साका।

कुलुसी 1:11 Referans Kwoze

इफिसुस 3:16

उ अपणी पवित्र आत्मा का द्‍वारा अपणा महान कुठार बटि तुम सभ्यों तैं इन दान द्‍यो, ताकि तुम अपणी आत्मा मा और भि जादा मजबूत होन्दी जा।

फिलिप्पी 4:13

किलैकि जु मितैं ताकत देन्दु वेका द्‍वारा मि सब कुछ कैरी सकदु छौं।

इफिसुस 4:2

अर सच्‍चा मन से दीन अर नमर बणा, अर सबर रखण का दगड़ा-दगड़ि प्यार से एक-दुसरे की बातों तैं सौण वळा भि बणा।

इफिसुस 6:10

इलै हे मेरा भै-बैंणो, प्रभु अर वेकी महान ताकत बटि तुम भि ताकत पैके मजबूत होन्दी जा।

2 कुरिन्थि 4:7

हे मेरा भै-बैंणो, हम लोग माटा का भाँडो की तरौं छां, जौं मा यू उज्याळु एक खजाना की तरौं च। अर यां से इन पता चलदु कि या ताकत मनखियों कि ना, बल्किन मा परमेस्वर की तरफा बटि च जु कि हमरु अपणु नि च।

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

दिब्य दरस 14:12

अर जु लोग यीशु पर बिस्वास रखदिन अर परमेस्वर की आज्ञा को पालन करदिन, इन्द्रया बगत मा परमेस्वर का ऊं पवित्र लोगु तैं सबर रखण की जरुरत च।

2 पतरस 1:6

अर वे ज्ञान से तुम खुद तैं वस मा रखिल्या, फिर खुद तैं वस मा रखण से सबर रखण जणिल्या, अर सबर रखण से भक्‍ति करण आली,

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

यहूदा 1:25

अर हमरा प्रभु यीशु मसीह का द्‍वारा हमतै छुटकारा देण वळा एकमात्र सच्‍चा परमेस्वर जु कि सानदार, ताकतबर, महान अर बड़ा-बड़ा काम करण वळु च। हाँ, वु ही जु की पैलि बटि छौ, अर अब भि च अर औण वळा बगत मा भि रालु, वेकी बडै हमेसा-हमेसा होणी रौ। आमीन।

1 कुरिन्थि 16:13

हे मेरा भै-बैंणो, चौकस रा, बिस्वास मा मजबूत बणा, हौसला रखा अर हिम्मत रखी के अगनै बढणा रा।