खास चेलों 9:40 - Garhwali

⁴⁰ तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।

गढवली नयो नियम

⁴⁰ तब पतरस ल सभियूं तैं भैर भेज दींनि अर वेका बाद घुंडा टेकी के पिता परमेश्वर बट्टी प्रार्थना कैरी, अर लांश की तरपां देखि के बोलि, “तबिता, उठ!” अर व आँखा खोलि पतरस तैं दिखण लगि गै अर बैठी गै।

खास चेलों 9:40 Referans Kwoze

मत्ती 9:25

पर जब भीड़ तैं भैर निकळे गै, तब यीशु भितर गै। अर वेन नौनि को हाथ पकड़ी, अर नौनि ज्यून्द ह्‍वेके उठी गै।

खास चेलों 7:60

फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

लूका 8:54

पर यीशु न वीं नौनि को हाथ पकड़ी के बोलि, “बेटी, उठ जा,”

खास चेलों 20:36

अर यू सब बोन्‍न का बाद पौलुस न अपणा घुंडा टिकनी, अर ऊं सभ्यों का दगड़ा मा मिली के प्रार्थना कैरी।

लूका 22:41

तब यीशु कुछ दूर गै अर घुंडा टेकी के प्रार्थना करण लगि गै,

मरकुस 9:25

अर जब यीशु न देखि की लोग दौड़ी के भीड़ लगौण लगि गैनी, त वेन वे नौना मा लग्यां खबेस तैं झिड़की के बोलि, “हे गूंगा अर बैरा खबेस, मि त्वेतै आज्ञा देन्दु, वेमा बटि निकळि जा, अर फिर येका भितर कभि नि ऐ।”

खास चेलों 21:5

अर उख सात दिन रौण का बाद हम उख बटि जाण लगि ग्यां, तब उखा सब बिस्वासी लोग, अपणी जनानियों अर बच्‍चों समेत हमतै छुड़णु कू नगर का भैर तक ऐनी, अर वे समुन्दर का छाला पर हमुन घुंडा टेकी के प्रार्थना कैरी।

मत्ती 6:6

पर जब तू प्रार्थना करली, त अपणी कुठड़ी मा जैके द्‍वार बन्द कैर अर अपणा पिता परमेस्वर बटि प्रार्थना कैर, जु की दिखेन्दु नि च। तब स्वर्ग मा रौण वळु तेरु पिता जु कि तेरी छिपी बातों तैं भि जणदु च, उ यां को इनाम त्वेतै जरुर दयालु।

खास चेलों 28:8

अर पुबलियुस भै को बुबा तैं खून काट होणा छा, अर यां की वजै से वु पस्त ह्‍वेके बिस्तर पर पोड़्यूं छौ, अर वेतैं जौर भि अयूं छौ। तब पौलुस वेका पास गै अर वे पर हाथ रखी के प्रार्थना कैरी, अर वु खूब ह्‍वे गै।