खास चेलों 9:21 - Garhwali

²¹ अर शाऊल की या बात सुणी के लोग घंघतोळ मा पोड़ि गैनी अर बुलण लगि गैनी कि, “क्या यू उई मनखि नि च जु यरूशलेम नगर मा यीशु पर बिस्वास करण वळो तैं नास कनु छौ? अरे यू त इख भि ये ही मकदस से अयूं छौ, कि बिस्वासी लोगु तैं गिरफ्तार कैरिके मुख्य पुरोहितों का पास लि जौ।”

गढवली नयो नियम

²¹ तब सभि लोग यु सूंणि के हैरान हवे गैनी अर बुल्ण लगी गैनी, कि यु उ ही च, जु यरूशलेम शहर मा यीशु का विश्वासी तैं नाश कनु छो, अर इख भि इलै ही अयूँ च, कि ऊं तैं बंधि के प्रधान याजकों मा ली जौं।

खास चेलों 9:21 Referans Kwoze

खास चेलों 8:3

अर शाऊल न बिस्वासी समुदाय तैं बरबाद करण शुरु कैर दिनी, अर वु घौरों-घौरों मा घुसी के जनानियों अर बैखों तैं खिखोड़ी-खिखोड़ी के निकळदु छौ अर ऊंतैं जेलखाना मा डालि देन्दु छौ।

1 यूहन्ना 3:1

सुणा, पिता परमेस्वर न हम बटि भौत जादा प्यार कैरी, ईं वजै से ही आज हम खुणि वेकी औलाद बुले जान्दु अर हम छैई भि छां। अर ईं दुनियां का लोग पिता परमेस्वर तैं नि जणदिन, इलै वु हमतै भि नि पछ्याणदिन।

खास चेलों 4:13

अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

खास चेलों 3:10

अर पछ्याणी गैनी, कि यू त उई मनखि च जु कि मन्दिर का सुन्दर गेट पर बैठि के भीक मंगदु छौ। अर यू देखि के की अब यू चलण-फिरण लगि गै लोग हकदक अर ताजुब मा पोड़ि गैनी।

खास चेलों 2:12

अर यू देखि के सब लोग हकदक छा अर बड़ी उळझण मा पोड़यां छा तब ऊ एक-दुसरा बटि पूछण लगि गैनी, “आखिर मा यू सब होणु क्या च?”

खास चेलों 2:6

अर जब लोगु न हल्‍ला सुणी, त भीड़ की भीड़ इकट्‍ठा ह्‍वे गै। अर सब लोग हैरान ह्‍वे गैनी, किलैकि जब यू लोग बात करणा छा, त भीड़ का लोगु तैं अपणी-अपणी भाषा सुन्यौणी छै।

खास चेलों 7:59

जब ऊ लोग स्तिफनुस तैं ढुंग्योणा छा, त वेन प्रभु से प्रार्थना कैरी, “मेरा प्रभु यीशु, मेरी आत्मा तैं स्वीकार कैरा।”

खास चेलों 9:22

मगर यों सब बातों का बाद भि शाऊल परचार करण मा और भि जादा मजबूत होणु रै। अर दमिश्क नगर मा रौण वळा यहूदियों तैं साबित कैरी-कैरिके इन बतौणु रै, कि यीशु ही मसीह च। अर इन साबित कैरिके वेन ऊं लोगु की टुपटी बन्द कैरी दिनी।