खास चेलों 9:2 - Garhwali

² तब उ महा पुरोहित का पास गै, अर वेन वे बटि दमिश्क नगर का प्रार्थना भवनों का मुखिया लोगु खुणि चिठ्‍ठी मांगि, कि प्रभु यीशु पर बिस्वास करण वळु जु भि मिललु ऊंतैं बन्धी बणै के यरूशलेम नगर मा लये जौ, अब चै उ जनानि हो या बैख।

गढवली नयो नियम

² अर दमिश्क शहर का यहूदियों का मिलणा का भवन की चिठ्ठी लिखीं छै, कि जु भि प्रभु का रस्ता की शिक्षा मा शाऊल तैं मिलो, चाहे उ आदिम अर जनन शाऊल ऊं तैं पकड़ी के यरूशलेम शहर मा ली जै साको।

खास चेलों 9:2 Referans Kwoze

खास चेलों 19:23

अर यों ही दिनों मा इफिसुस नगर मा प्रभु का बाटा का बानो दंगा होण लगि गै।

खास चेलों 19:9

मगर ऊं मदि कुछ लोग जादा ढीट ह्‍वे गैनी, अर ऊंन वे रैबार तैं मनण से इनकार कैर दिनी, अर सब लोगु का समणि प्रभु का बाटा का बारा मा अनाप-सनाप बोन्‍न लगि गैनी। इलै पौलुस प्रार्थना भवन तैं छोड़ि के चलि गै, अर बिस्वासी लोगु तैं अफ दगड़ा मा लि गै। अर तुरन्‍नस मनखि की पाठसाला मा पौलुस हरेक दिन बिस्वासी लोगु का दगड़ा मा बात-चित कनु रै।

खास चेलों 24:14

मगर मि तुमरा समणि ईं बात तैं स्वीकार करदु, कि जु बात नियम-कानूनों अर रैबर्यों की किताबों मा लिखीं छिन, मि ऊं सब बातों पर बिस्वास करदु। अर जै बाटा पर मि चलणु छौं, वेका मुताबिक ही मि अपणा पितरों का परमेस्वर की भक्‍ति कनु छौं। अर साब, ये बाटा कू ही यू लोग गळत बोन्‍ना छिन।

खास चेलों 24:22

मगर गवर्नर फेलिक्स प्रभु यीशु का बाटा का बारा मा अच्छी तरौं से जणदु छौ, इलै वेन ईं बात तैं टाळि दिनी, अर इन बोलि कि, “जब पलटण को सेनापति लूसियास आलु, तब ही तुमरा मुकदमा को फैसला सुणये जालु।”

खास चेलों 18:25

अर येतैं प्रभु का बाटे की पूरि शिक्षा अच्छे तरौं से दिये गै छै। अर यू यीशु का बारा मा मन लगै के सही-सही सुणान्दु अर सिखौन्दु छौ। मगर येतैं यूहन्‍ना का द्‍वारा दिये जाण वळा बपतिस्मा का बारा मा ही पता छौ।

खास चेलों 9:14

इख तक कि अब मुख्य पुरोहितों न भि वेतैं इन अधिकार दियाली, कि जथगा भि लोग तुम पर बिस्वास करदिन ऊंतैं बन्धी बणै के लौ।”

खास चेलों 26:12

“मगर साब, एक दिन इन ह्‍वे, कि मि मुख्य पुरोहितों बटि अधिकार अर इजाजत पत्र पैके दमिश्क नगर कू जाणु छौ,

खास चेलों 7:19

अर ये नया राजा न हमरा पितरों का दगड़ा मा बिस्वासघात कैरी अर ऊंका दगड़ा मा भौत गळत ब्यौहार कैरी, वेन ऊंतैं इथगा मजबूर कैरी कि ऊंन अपणा नवजात बच्‍चों तैं मुरणु खुणि भैर छोड़ दिनी ताकि वु मोरि जा।

खास चेलों 6:9

मगर उख एक प्रार्थना भवन छौ जैमा वु लोग औन्दा छा जु की गुलामी से आजाद होयां छा। तब यों लोगु का बीच मा बटि कुरेनी, सिकन्दरिया अर किलिकिया अर आसिया मुलकों का कुछ लोग स्तिफनुस का दगड़ा मा वाद-विवाद करणु खुणि खड़ा ह्‍वेनि। अर वाद-विवाद करण लगि गैनी,

मत्ती 10:17

अर लोगु से चौकस रा, किलैकि उ तुमतै न्याय खुणि पंचैत का हवाला कैरी द्‍याला, अर अपणा प्रार्थना भवनों मा तुम पर कोड़ा मरवाला।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

खास चेलों 9:21

अर शाऊल की या बात सुणी के लोग घंघतोळ मा पोड़ि गैनी अर बुलण लगि गैनी कि, “क्या यू उई मनखि नि च जु यरूशलेम नगर मा यीशु पर बिस्वास करण वळो तैं नास कनु छौ? अरे यू त इख भि ये ही मकदस से अयूं छौ, कि बिस्वासी लोगु तैं गिरफ्तार कैरिके मुख्य पुरोहितों का पास लि जौ।”

खास चेलों 26:10

मिन त यरूशलेम नगर मा मुख्य पुरोहितों बटि अधिकार पैके भौत सा परमेस्वर का लोगु तैं जेलखाना मा बन्द करवै दिनी, अर जब ऊं लोगु तैं जान से मरे जान्दु छौ, त वीं बात मा मि भि सैमत होन्दु छौ।

2 कुरिन्थि 11:32

अर एक बार जब मि दमिश्क नगर मा छौ, त वे बगत पर राजा अरितास का गवर्नर न अपणा सिपयों कू इन बुलयूं छौ कि “तुम लोग नगर का गेट पर पैरेदारी कैरा, ताकि जब पौलुस नगर तैं छोड़ि के जाणु रौलु त तुम वेतैं बन्धी बणै सैका।”

गलातियों 1:17

अर ना ही मि यरूशलेम नगर मा ऊं लोगु का पास ग्यों जु मिसे पैलि खास चेला का रुप मा चुणै गै छा, बल्किन मा मि तुरन्त अरब मुलक कू चलि ग्यों, अर वेका बाद मि फिर दमिश्क नगर कू वापिस ऐ ग्यों।